1 Dw 2:5 - BAEBOLO ANZƐƐ BULUKU NWUANZANWUANZA

⁵ Sonla mɔɔ di Nyamenle edwɛkɛ ne azo la, yemɔ a le sonla ne mɔɔ Nyamenle ɛhulolɛ ne di munli wɔ ye nu la. Adenle ɛhye azo a yɛdua yɛnwu ye kpalɛ kɛ yɛ nee Nyamenle le agɔnwolɛ a.

1 Dw 2:5 ပူးပေါင်းရင်းမြစ်များ

Edwɛndolɛ Buluku ne 105:45

amaa ye menli ne azie ye ngyehyɛlɛ ne mɔ, na bɛali ye mɛla ne mɔ azo. Bɛye Ɛdɛnkɛma ayɛlɛ!

Edwɛndolɛ Buluku ne 106:3

Nyilalɛ ɛha bɛdabɛ mɔɔ bɛdi pɛlepɛle, na bɛbɔ tenlene ɛbɛla mekɛ biala la.

Edwɛndolɛ Buluku ne 119:146

Mesu mefɛlɛ wɔ; die me, amaa meali wɔ mɛla ne mɔ azo.

Edwɛndolɛ Buluku ne 119:2

Nyilalɛ ɛha bɛdabɛ mɔɔ bɛdi ye ngyehyɛlɛ zo, na bɛfa bɛ ahonle muala bɛkpondɛ ɔ bo zo,

Edwɛndolɛ Buluku ne 119:4

Wɔva wɔ mɛla ne mɔ wɔmaa yɛ kɛ yɛli zolɛ kpalɛ.

Mrɛlɛbulɛ Buluku ne 28:7

Ralɛ nrenya mɔɔ di mɛla zo la ze nrɛlɛbɛ, na ralɛ nrenya mɔɔ nee adidikpokuma a tu la gua ɔ ze anyunlu aze.

Mrɛlɛbulɛ Buluku ne 8:32

“Na kɛkala, me mra mrenya, bɛdie me; bɛdabɛ mɔɔ bɛfa me ndenle zo la di fɛlɛko.

Nolo 8:5

Awie biala mɔɔ di mɛla zo la anwo ɛnrɛbu ɛbonle, yɛɛ nrɛlɛbɛvolɛ ze mekɛ ne nee adenle mɔɔ ɔwɔ kɛ ɔdua nu ɔyɛ la.

Yizikeɛle Buluku ne 36:27

Mebava me sunsum ne meawula bɛ nuhua, na meamaa bɛali me mɛla ne mɔ azo, na bɛanlea boɛ bɛali me ngyehyɛlɛ ne mɔ azo.

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

Dw 14:21

“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 15:5

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Dw 6:56

Sonla mɔɔ di me nwonane na ɔno me mogya la de me nu, yɛɛ medame mede ye nu.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Gyemise Kɛlata ne 2:22

Ɛkola ɛnwu kɛ ye diedi nee ye gyimayɛlɛ bɔle nuhua yɛle gyima; ye gyimayɛlɛ ne manle ye diedi ne lile munli.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 4:17

Nyamenle maa ɛhulolɛ di munli wɔ yɛ nu, amaa yɛahola gyinla wɔ Ndɛnebualɛ Kenle ne, ɔboalekɛ kɛ Kelaese si de la, zɔhane ala yɛɛ yɛdayɛ noko yɛle wɔ ewiade ye anu a.

1 Dw 4:18

Ɛzulolɛ ɛnle ɛhulolɛ nu; ɛhulolɛ kpalɛ mɔɔ di munli la tu ɛzulolɛ kpokpoti. Ɔluakɛ awie biala mɔɔ lɛ ɛzulolɛ la ɛhulolɛ ɛnli munli, ɔboalekɛ ɛzulolɛ nee ndeanlɛ a lua a.

1 Dw 5:2

Saa yɛkulo Nyamenle na yɛdi ye mɛla zo a ɛnee yɛhile kɛ yɛkulo Nyamenle amra ne mɔ noko.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

2 Dw 1:6

Ɛhulolɛ ɛhye a le kɛ yɛkɛli Nyamenle mɛla ne mɔ azo. Mɛla ne, kɛmɔ mɔlebɛbo ne bɛ muala bɛdele la, yemɔ a le kɛ bɛkɛdɛnla ɛhulolɛ nu.

Yekile 12:17

Nane anwo ɛzulolɛ ne vale raalɛ ne anwo ɛya kpole na ɔhɔle kɛ ɔkadoa ɔ mra mɔɔ ɛha, mɔɔ di Nyamenle mɛla ne azo na bɛdie nɔhalɛ ne mɔɔ Gyisɛse ɛye ɛhile la bɛdi la ɔ nee bɛ ahɔho.

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.