1 Dw 2:3 - BAEBOLO ANZƐƐ BULUKU NWUANZANWUANZA

³ Saa yɛdi ye mɛla ne mɔ azo a, ɛnee amgba yɛze ye.

1 Dw 2:3 ပူးပေါင်းရင်းမြစ်များ

Edwɛndolɛ Buluku ne 119:32

Mebanriandi meava wɔ mɛla ne mɔ adenle zo, saa ɛmaa me ndelebɛbo yɛ kpole a.

Edwɛndolɛ Buluku ne 119:6

Akee me nyunlu ɛnrɛgua aze ko, kɛmɔ me nye wɔ wɔ mɛla ne mɔ azo la.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Edwɛkpa ne kɛmɔ Luku hɛlɛle la 6:46

“Kɛmɔti a bɛfɛlɛ me ‘Awulae, Awulae,’ noko bɛnyɛ mɔɔ menwɔze bɛ kɛ bɛyɛ la ɛ?

Dw 14:15

“Saa bɛkulo me a, bɛbali me mɛla ne mɔ azo.

Dw 15:10

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

Dw 15:14

Saa bɛyɛ mɔɔ meha mehile bɛ la a, ɛnee bɛle me gɔnwo mɔ.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Kɛlata mɔɔ bɛhɛlɛle bɛhɔmanle Hibuluma la 5:9

Mɔɔ bɛmanle ɔlile munli la, akee ɔrayɛle ngoanelielɛ mɔɔ ɛnlɛ awieleɛ la ɔmanle bɛdabɛ mɔɔ bɛtie ye la,

1 Dw 2:13

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛli Abɔnsam anwo zo konim. Me mra ngakula, melɛkɛlɛ bɛ, ɔboalekɛ bɛze Selɛ ne.

1 Dw 3:14

Yɛze kɛ yɛvi ewule nu yɛra ngoane nu; yɛze ɛhye, ɔluakɛ yɛkulo yɛ mediema ne mɔ. Awie biala mɔɔ ɛnlɛ ɛhulolɛ la de ewule nu.

1 Dw 3:19

Ɛhye a kɛmaa yɛkɛnwu kɛ yɛlɛ nɔhalɛ ne wɔ yɛ nu, na yɛkɛzi pi wɔ Nyamenle anyunlu

1 Dw 3:6

Zɔhane ati awie mɔɔ nee Kelaese lua la ɛnyɛ ɛtane; awie biala mɔɔ yɛ ɛtane la ɛtɛnwunle Kelaese yɛɛ ɔnze ye.

1 Dw 4:13

Saa yɛyɛ ye zɔhane a yɛkɛnwu kɛ yɛde Nyamenle anu na ɔdaye noko ɔde yɛ nu, ɔboalekɛ yeva ɔdaye mumua ne ye Sunsum ne yemaa yɛ.

1 Dw 4:7

Ayi mɔ, bɛmaa yɛhulo yɛ nwo ngoko ngoko, ɔluakɛ ɛhulolɛ vi Nyamenle. Awie biala mɔɔ lɛ ɛhulolɛ la le Nyamenle ara na ɔze Nyamenle.

1 Dw 5:19

Saa bɔbɔ Abɔnsam di ɛtane ewiade ye azo belemgbunli a, yɛze kɛ yɛmɛ yɛle Nyamenle menli.

1 Dw 5:2

Saa yɛkulo Nyamenle na yɛdi ye mɛla zo a ɛnee yɛhile kɛ yɛkulo Nyamenle amra ne mɔ noko.

1 Dw 5:3

Ɔluakɛ saa yɛdi Nyamenle mɛla ne mɔ azo a ɛnee yɛkulo Nyamenle, yɛɛ ye mɛla ne mɔ noko ɛnyɛ ɛnlomboɛ mɔɔ bu sonla kɔme a,

Yekile 12:17

Nane anwo ɛzulolɛ ne vale raalɛ ne anwo ɛya kpole na ɔhɔle kɛ ɔkadoa ɔ mra mɔɔ ɛha, mɔɔ di Nyamenle mɛla ne azo na bɛdie nɔhalɛ ne mɔɔ Gyisɛse ɛye ɛhile la bɛdi la ɔ nee bɛ ahɔho.

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.