1 Dw 2:29 - BAEBOLO ANZƐƐ BULUKU NWUANZANWUANZA

²⁹ Bɛze kɛ Kelaese le tenlenenli, yemɔti bɛnwu ye kɛ awie biala mɔɔ yɛ debie mɔɔ tenrɛ la le ɔ ra.

1 Dw 2:29 ပူးပေါင်းရင်းမြစ်များ

Gyɛlɛmaya Buluku ne 13:23

Asoo sonla bile kola kakyi ye bile ne, anzɛɛ sobolɛ mɔɔ ɛtane ala a bɛdi la, bɛdabɛ noko bɛkola bɛdi boɛ.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Dw 1:13

mɔɔ bɛanlua nwonane nee mogya ngyehyɛlɛ zo a bɛwole bɛ na bɛarayɛ Nyamenle amra a, ɔluakɛ Nyamenle ɔdaye a ɔle bɛ ze a.

Dw 7:18

Awie mɔɔ di ɔ ti anwo kilehile la kpondɛ ɔdaye ɔ ngome ɔ nyunlu. Mɔɔ kpondɛ anyunlunyia maa mɔɔ zoanle ye la ka nɔhalɛ ne, yɛɛ nvonleɛ biala ɛnle ye nu.

Ɛzoanvolɛma Gyima ne 10:35

Awie biala mɔɔ sulo ye na ɔdi boɛ la ɔdie ye ɔto nu, yɛɛ ɔnnea ɛleka mɔɔ ɔvi nee maanle holɛ ko mɔɔ ɔvi nu la.

Ɛzoanvolɛma Gyima ne 22:14

Na ɔhanle kɛ, ‘Yɛ nlenya mɔ Nyamenle ne ɛye wɔ ɛzie ɛkɛ kɛ ɛnwu ye ɛhulolɛdeɛ na ɛnwu ye Fɔɔnwonli sonvolɛ ko ne, na ɛde ɔ ne.

Ɛzoanvolɛma Gyima ne 3:14

Ɔle sonlakpalɛ mɔɔ anwo te a, noko bɛkpole ye, na bɛkpale Paelɛte kyɛlɛ kɛ ɔdwula kɔdiawu ne ɔmaa bɛ.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Kɛlata mɔɔ bɛhɛlɛle bɛhɔmanle Hibuluma la 7:2

na Ebileham hyɛle mɔɔ ɔnyianle ye wɔ konle ne anu la amuala anu bulu na ɔdule ɛkpɔ ko ɔmanle ye. (Mɛlekezidɛke duma ne abo ngilenu mɔɔ lumua la a le “Pɛlepɛlelilɛ Belemgbunli” yɛɛ kɛmɔ ɛnee ɔle belemgbunli wɔ Salɛm la, ye duma ne abo eza kile “Anzonudwolɛ Belemgbunli.”)

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

1 Dw 3:5

Bɛze kɛ Kelaese rale amaa yeaye ɛtane ne mɔ yeavi ɛkɛ. Yemɔ, ɛtane biala ɛnle ye nu.

1 Dw 3:7

Me mra ngakula, bɛmmamaa awie bɛlɛbɛla bɛ! Awie biala mɔɔ yɛ mɔɔ tenrɛ la le tenlenenli, kɛmɔ Kelaese le tenlenenli la.

1 Dw 4:7

Ayi mɔ, bɛmaa yɛhulo yɛ nwo ngoko ngoko, ɔluakɛ ɛhulolɛ vi Nyamenle. Awie biala mɔɔ lɛ ɛhulolɛ la le Nyamenle ara na ɔze Nyamenle.

1 Dw 5:1

Awie biala mɔɔ die di kɛ Gyisɛse a le Mɛzaya ne la le Nyamenle ara, yɛɛ mɔɔ kulo wovolɛ ne la kulo ɔ ra ne noko.

1 Dw 5:18

Yɛze kɛ awie biala mɔɔ le Nyamenle ara la ɛnyɛ ɛtane, ɔluakɛ Nyamenle Ara ne fa ye sie gyɛlɛɛnye mɔɔ Abɔnsam ɛngola ɛnva ɔ sa ɛnga ye a.

1 Dw 5:4

ɔluakɛ Nyamenle ara biala di ewiade anwo zo konim. Yɛ diedi mɔɔ yɛlɛ ye wɔ Nyamenle anu la azo yɛɛ yɛdua yɛdi ewiade anwo zo konim a.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.