1 Dw 2:27 - BAEBOLO ANZƐƐ BULUKU NWUANZANWUANZA

²⁷ Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

1 Dw 2:27 ပူးပေါင်းရင်းမြစ်များ

Mrɛlɛbulɛ Buluku ne 28:5

Menli mɔɔ di ɛtane la ɛnde pɛlepɛlelilɛ bo, na bɛdabɛ mɔɔ bɛsonle Ɛdɛnkɛma la te ɔ bo kpalɛ.

Sɛlɛ 7:35

Ɔle Aalɔn nee ɔ mra ne mɔ ɛdeɛ mɔɔ ɔwɔ kɛ bɛfa bɛmaa bɛ, bɛye bɛfi ɛyelalɛ azubɔdeɛ ne mɔ mɔɔ bɛfa bɛabɔ azu bɛamaa Ɛdɛnkɛma la anu a. Mekɛ mɔɔ bɛdule bɛ bɛmanle Ɛdɛnkɛma kɛ bɛle ye sɛlɛvolɛma la yɛɛ bɛdule ɛhye bɛziele ɛkɛ bɛmanle bɛ a.

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Dw 14:16

Mebabiza Selɛ ne meamaa yeamaa bɛ Boavolɛ fofolɛ, na ɔ nee bɛ aradɛnla dahuu.

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 6:45

Nyamenle kpɔmanvolɛma hɛlɛle kɛ, ‘Nyamenle a kilehile menli kɔsɔɔti a.’ Awie biala mɔɔ te Selɛ ne ane na ɔtietia ɔ gyakɛ abo zo la ba me ɛkɛ.

1 Kɔl 2:12

Tɛ ewiade ɛhye anu sunsum a yɛnyia ye a. Sunsum ne mɔɔ vi Nyamenle ɛkɛ ne la a yɛnyia ye a, amaa yɛanwu ninyɛne mɔɔ Nyamenle ɛva ɛlo yɛ la amuala.

1 Kɔl 2:13

Zɔhane ati, mɔɔ yɛka la ɛnle edwɛkɛ mɔɔ sonla nrɛlɛbɛ a kilehile yɛ a. Nyamenle Sunsum ne kilehile yɛ wɔ mekɛ mɔɔ yɛkɛha kɛ yɛkilehile sunsum nu nɔhalɛ ne yɛahile bɛdabɛ mɔɔ Nyamenle Sunsum ne wɔ bɛ nu la.

2 Kɔl 1:21

Nyamenle ɔdaye a ɔsi yɛ nee bɛdabɛ pi wɔ Kelaese ati a; Nyamenle ɔdaye mumua ne a yeye yɛ yezie ɛkɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:21

Nɔhalɛ, bɛde ɔ nwo edwɛkɛ yɛɛ bɛhilehile bɛ nɔhalɛ ne, kɛmɔ ɔwɔ Gyisɛse anu la.

Kɔlɔ 2:6

Kɛmɔ bɛlie Kelaese Gyisɛse bɛdo nu kɛ ɔle Awulae la, bɛ nee ye ɛdɛnla.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

1 Tɛs 4:9

Ɔngyia kɛ awie kɛhɛlɛ bɛ kɛ anrɛɛ bɛhulo bɛ gɔnwo mɔ diedima, ɔluakɛ Nyamenle ɔdaye yehilehile bɛ kɛ bɛzi bɛhulo bɛ nwo ngoko la.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

1 Pit 1:23

Ɔluakɛ bɛlua tease Ɛdɛnkɛma Nyamenle ne edwɛkɛ zo bɛwo bɛ fofolɛ kɛ bɛle mralɛ mɔɔ ɛnwu ɛlɛ la na bɛnle menli mɔɔ wu la amra.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

2 Dw 1:2

ɔluakɛ nɔhalɛ ne de yɛ nu na ɔ nee yɛ badɛnla dahuu.