1 Dw 2:16 - BAEBOLO ANZƐƐ BULUKU NWUANZANWUANZA

¹⁶ Ɔluakɛ ewiade ye anu debie biala mɔɔ le kɛ, nwonane nu atiakunluwɔzo, anyebolo, nee ɛbɛlabɔlɛ nu adubɛnwo la ɛnvi Selɛ ne ɛkɛ ne na ɔvi ewiade ye.

1 Dw 2:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:6

Yemɔti mɔɔ raalɛ ne nwunle kɛ baka ne ma ne le kɛnlɛma, na bɛdi a ɔle kpalɛ, na ɔwɔ kɛ sonla di bie na ɔnwu nrɛlɛbɛ la, ɔdele bie ɔlile, na ɔdele bie ɔhɔmanle ɔ hu lile.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:2

anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ.

Dwobu Buluku ne 31:1

“Me nee me nye ɛyɛ ngyekyeleɛ; kɛ menrɛnlea bɛlɛra mɔɔ ɛnze nrenya la menrɛhulo ye.

Edwɛndolɛ Buluku ne 73:6

Yemɔti bɛgua adubɛnwo ndweabane; bɛwulowula nzisi adɛladeɛ.

Edwɛndolɛ Buluku ne 78:18

Bɛ ahonle nu, bɛzɔle Nyamenle bɛnleanle, na bɛbizale aleɛ mɔɔ bɛdabɛ bɛkulo la.

Edwɛndolɛ Buluku ne 78:30

Noko mɔɔ bɛ atiakunluwɔzo ne kaye, mɔɔ ɛnee bɛtɛwiele aleɛ ne di la,

Mrɛlɛbulɛ Buluku ne 27:20

Ɛbolɔ nee Abadɔn ako ɛnyi ɛlɛ, zɔhane ala yɛɛ sonla nye de a, ɔnea ɔnea a ɔnvɛ ɛlɛ.

Mrɛlɛbulɛ Buluku ne 6:25

Mmanea ye anwofɛlɛko ne anwo ɛkulo ye, yɛɛ mmamaa ɔ nye anzi enrinli ne di wɔ adwenle,

Daneɛle Buluku ne 4:30

ɔhanle kɛ, “Babelɔn a ɛdɛlɛ kpole zɛhae la! Meva medame me tumi kpole ne a mekyekye a. Mekyekye kɛ mefa meayɛ me maanle ne suakpole, amaa menli anwu anyunlunyia mɔɔ wɔ me belemgbunlililɛ nu a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:34

Yemɔti bɛvɛlɛle ɛleka zɔhane “Kebulo Hateeyava” (ɔ bo a le “Aleɛkpole Azie”), ɔboalekɛ ɛkɛ ne yɛɛ bɛziele menli mɔɔ yɛle nanelilɛ nwo aleɛkpole la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:4

Ɛnee nyɛvolɛ bie nee Yizilayɛma a ɛlɛtu adenle ne a. Bɛ ti akunlu rale nane ɛlilɛ zo kpole kpalɛ. Yizilayɛma bɔbɔ dendɛle bɛ nzo abo hanle kɛ, “Saa yɛnyia nane yɛali a anrɛɛ ɔle kpalɛ.

Edwɛkpa ne kɛmɔ Mateyu hɛlɛle la 4:8

Eza abɔnsam vale Gyisɛse hɔle boka tendenle bie azo na ɔvale aleɛabo arelemgbunli maanle maanle ne mɔ amuala nee bɛ anyunlunyia ɔhilele ye,

Edwɛkpa ne kɛmɔ Mateyu hɛlɛle la 5:28

Noko mame, mese: saa nrenya nea raalɛ maa ɔ nwo dɔ ye a ɛnee yeva ye wɔ ye ahonle nu.

Edwɛkpa ne kɛmɔ Luku hɛlɛle la 4:5

Abɔnsam vale ye hɔle anwuma na ɛkɛ ne ala ɔvale aleɛabo arelemgbunli maanle maanle kɔsɔɔti ɔhilele ye,

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

1 Kɔl 10:6

Ninyɛne ɛhye mɔ le kɔkɔbɔlɛ maa yɛ, na bɛbɔ yɛ kɔkɔ amaa yɛ ti akunlu amba ninyɛndane ɛyɛlɛ zo, kɛmɔ bɛ bie mɔ yɛle la,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:17

Ɔluakɛ sonla atiakunluwɔzo ne ko tia Nyamenle Sunsum ne, yɛɛ Nyamenle Sunsum ne ɛhulolɛdeɛ ne ko tia sonla atiakunluwɔzo ne. Bɛ mu nwiɔ bɛnga fee, amaa bɛdabɛ noko bɛanyɛ mɔɔ bɛkulo kɛ bɛyɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

Gyemise Kɛlata ne 3:15

Nrɛlɛbɛ zɛhae ɛnvi anwuma lɔ a ba a; ɔle ewiade nrɛlɛbɛ yɛɛ Nyamenle Sunsum ɛnle sonla ne mɔɔ lɛ ye la nu; sonla zɔhane le abɔnsam.

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.

Dwɔhyua Buluku ne 7:21

ninyɛne mɔɔ yɛhonle yɛvale la menwunle anwuma tɛladeɛ kɛnlɛma bie mɔɔ bɛyɛle ye wɔ Babelonia la, dwɛtɛ fufule mɔɔ ye ɛnlomboɛ to kɛyɛ tone nu kilo nwiɔ, ezukoa nvutuke kpɔma ko mɔɔ kɛyɛ kilo foa ko la, na me nye bolole bɛ. Yemɔti menvale. Mevu meyɛ me ndanlɛ sua ne abo, na dwɛtɛ fufule ne a li ɔ bo kpalɛ a.”

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.