1 Dw 2:11 - BAEBOLO ANZƐƐ BULUKU NWUANZANWUANZA

¹¹ Awie biala mɔɔ kpɔ ɔ diema la de awozinli ne anu, na kɛmɔ ɔlua awozinli ne anu la ati, ɔnnwu ɛleka holɛ ko mɔɔ ɔlɛkɔ la, ɔluakɛ awozinli ne ɛzi ɔ nye.

1 Dw 2:11 ပူးပေါင်းရင်းမြစ်များ

2 Sam 13:22

Abesalɛm ɛdeɛ, yeambuke ɔ nloa yeanga ɛhwee yeangile Amenɔn; ɔluakɛ ɛnee akee ɔkyi ye, ɔboalekɛ yeva anwosesebɛ yehye ɔ diema raalɛ ne mialera nu yeva ye.

Mrɛlɛbulɛ Buluku ne 4:19

Amumuyɛma adenle nu le awozinli kabii, bɛlua nu na bɛkpula a bɛnnwu ye.

Nolo 2:14

Nrɛlɛbɛvolɛ anye gyi ɔ ti anwo, na koasea dua awozinli nu. Noko akee menwunle kɛ bɛ muala bɛ awieleɛ le ko.

Sɛlɛ 19:17

“Bɛmmafa bɛ gɔnwo anwo edwɛkɛ bɛsie bɛ kunlu; bɛ nee ye ɛha, anrɛɛ bɛkɛli ɔ nwo ɛzonle.

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

2 Kɔl 3:14

Bɛhedale bɛ adwenle zo amgba; ɔluakɛ ɛnɛ nee ɛnɛ ala, saa bɛlɛkenga Ngyekyeleɛ Dɛba ne a, ɔle kɛ asɛɛ ɛdanlɛ ko ne ala tɛkeda zolɛ, ɔboalekɛ ɔlua Kelaese angome anwo zo ala yɛɛ bɛkola bɛye ɛdanlɛ ne a.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

2 Pit 1:9

Ɔboalekɛ mɔɔ ɛnlɛ ɛhye mɔ la anye ɛyɛ na ɔngola ɔnnwu moa, na ɔ rɛle ɛvi kɛ bɛde ɔ nwo bɛvi ye ɛtane ne mɔ mɔɔ ɔyɛle bɛ dɛba la anwo.

1 Dw 1:6

Yemɔti, saa yɛka kɛ yɛ nee Nyamenle le agɔnwolɛ, noko yɛbɔ awozinli nu ɛbɛla a, ɛnee yɛle adalɛ na yɛnli nɔhalɛ wɔ ɛdendɛlɛ nee nyɛleɛ nu.

1 Dw 2:10

Awie biala mɔɔ kulo ɔ diema la de wienyi ne anu, yɛɛ debie biala ɛnle ye nu mɔɔ kɛmaa awie kɛdu koti a.

1 Dw 2:9

Awie biala mɔɔ se ɔde wienyi ne anu, noko ɔkpɔ ɔ diema la, tɛte awozinli nu.

1 Dw 3:15

Awie biala mɔɔ kpɔ ɔ diema la le kɔdiawu, yɛɛ bɛdabɛ noko bɛze kɛ kɔdiawu biala ɛnlɛ ngoane mɔɔ ɛnlɛ awieleɛ la wɔ ye nu.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.