1 Dw 2:10 - BAEBOLO ANZƐƐ BULUKU NWUANZANWUANZA

¹⁰ Awie biala mɔɔ kulo ɔ diema la de wienyi ne anu, yɛɛ debie biala ɛnle ye nu mɔɔ kɛmaa awie kɛdu koti a.

1 Dw 2:10 ပူးပေါင်းရင်းမြစ်များ

Edwɛndolɛ Buluku ne 119:165

Bɛdabɛ mɔɔ bɛkulo wɔ mɛla ne la lɛ anzonudwolɛ kpole; debie biala ɛngola ɛmmaa bɛndu koti.

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Edwɛkpa ne kɛmɔ Mateyu hɛlɛle la 13:21

Noko edwɛkɛ ne ɛnzɔ ndinli wɔ bɛ nu la ati, ɔngyinla ɔngyɛ. Saa ɔlua edwɛkɛ ne ati bɛyɛ bɛ kpɔdekpɔde anzɛɛ bɛnwu amaneɛ a, ɛnee ɛkɛ ne ala bɛkpo aze.

Edwɛkpa ne kɛmɔ Mateyu hɛlɛle la 18:7

Munzule ɛha aleɛabo amra kɛ ninyɛne mɔɔ maa sonla diedi kakyi la dɔɔnwo wɔ ewiade ye anu a! Kɛ ɔkɛyɛ biala la, zɛhae ngyegyelɛ ne mɔ bara, noko sonla ne mɔɔ ɔkɛlua ɔ nwo zo ɔkɛra la, ye gyakɔ!

Dw 11:9

Gyisɛse buale bɛ kɛ, “Dɔnehwele bulu nee nwiɔ a wɔ alehyenlɛ ko anu a. Yemɔti saa sonla tudu agyakɛ wɔ alehyenlɛ nu a ɔmkpula, ɔboalekɛ maanle nu le wienyi.

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Dw 8:31

Yemɔti Gyisɛse zele Dwuuma mɔɔ liele ye lile la kɛ, “Saa bɛkɔ zolɛ bɛdi me ngilehilelɛ zo a, ɛnee bɛle me ɛdoavolɛma amgba;

Wulo 14:13

Zɔhane ati, bɛmaa yɛgyakyi yɛ gɔnwo mɔ ndɛne ɛbualɛ, na yɛbɔ kpɔkɛ kɛ yɛnrɛyɛ debie biala mɔɔ kɛmaa adiema bie kɛhɔ ɛtane nu anzɛɛ kɛkpo aze a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

1 Dw 2:11

Awie biala mɔɔ kpɔ ɔ diema la de awozinli ne anu, na kɛmɔ ɔlua awozinli ne anu la ati, ɔnnwu ɛleka holɛ ko mɔɔ ɔlɛkɔ la, ɔluakɛ awozinli ne ɛzi ɔ nye.

1 Dw 3:14

Yɛze kɛ yɛvi ewule nu yɛra ngoane nu; yɛze ɛhye, ɔluakɛ yɛkulo yɛ mediema ne mɔ. Awie biala mɔɔ ɛnlɛ ɛhulolɛ la de ewule nu.