1 Dw 1:9 - BAEBOLO ANZƐƐ BULUKU NWUANZANWUANZA

⁹ Nyamenle di ye ɛwɔkɛ zo, ɔdi pɛlepɛle. Saa yɛka yɛ ɛtane ne mɔ yɛkile ye a, ɔkɛva ɔkɛhyɛ yɛ na ɔkɛde yɛ nwo ɔkɛvi nyɛleɛ mɔɔ ɛndenrɛ la amuala anwo.

1 Dw 1:9 ပူးပေါင်းရင်းမြစ်များ

1 Arl 8:30

Mekɛ biala mɔɔ medame anzɛɛ wɔ menli Yizilayɛma kɛhakyi bɛ nye Ɛzonlenlɛ Sua ɛhye anwo kɛzɛlɛ wɔ la, tie yɛ modolɛ wɔ wɔ sua nu anwuma lɔ na fa yɛ ɛtane ne mɔ kyɛ yɛ.

1 Arl 8:47

na bɛnu bɛ nwo wɔ maanle zɔhane anu bɛse kɛ, ‘Ɛdɛnkɛma, yɛvo wɔ, yɛyɛ ninyɛne mɔɔ ɛnfɛta la yɛtia wɔ’ a, tie bɛ nzɛlɛlɛ.

Nihɛmaya Buluku ne 1:6

gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

Edwɛndolɛ Buluku ne 19:12

Awie ɛngola ɛnnwu ɔdaye ye nvonleɛ, Ɛdɛnkɛma, die me fi me nvonleɛ mɔɔ vea la anu.

Edwɛndolɛ Buluku ne 32:5

Menganle me ɛtane mengilele wɔ; meanvea me amumuyɛ zo. Menganle kɛ, “Meka me mɛladonlɛ meahile Ɛdɛnkɛma!” na ɛvale me ɛtane ɛhyɛle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:7

Me ɛhulolɛ kpole ne keda apenle apenle nwo zo. Mefa amumuyɛ, mɛladonlɛ, yɛɛ ɛtane mekyɛ; noko ɛhye ɛngile kɛ menrɛdea bɛ. Mebava bɛ ze mɔ ɛtane ne mɔ meadea bɛ mra nee bɛ nlɔnra toonwo yeahɔdwu awolɛndoazo nsa nee nna ne azo.”

Mrɛlɛbulɛ Buluku ne 28:13

Sonla mɔɔ fea ye mɛladonlɛ zo la ɛnrɛkpazi, na sonla mɔɔ ka ye ɛtane na ɔgyakyi ye ɛyɛlɛ la, bɛse ye anwunvɔne.

Ayezaya Buluku ne 45:21

Bɛha bɛ tendile ne bɛdo gua; bɛ muala bɛva adwenle! Nwane a dɛbadɛba ne hanle ɛhye a? Nwane a vale dole gua wɔ mɔmoane a? Medame Ɛdɛnkɛma a menganle a, yɛɛ ɛye me a nyamenle bieko ɛnle ɛkɛ. Mele Nyamenle tenlene yɛɛ medie ngoane, ɛye me a bieko ɛnle ɛkɛ.

Gyɛlɛmaya Buluku ne 3:13

Wɔmɔ die to nuhua kɛ ɛdi fɔlɛ kɛ ɛdele medame Ɛdɛnkɛma, wɔ Nyamenle ne anwo atua na ɛhɔle mbaka bo ɛhɔzonlenle nyamenle gyɛne gyɛne, na wɔandie me ne. Medame Ɛdɛnkɛma a mese a.

Gyɛlɛmaya Buluku ne 33:8

Mebava bɛ ɛtane mɔɔ bɛyɛ me nee me nwo atua mɔɔ bɛde la kɔsɔɔti meahyɛ bɛ, na meade bɛ nwo.

Gyɛlɛmaya Awolɛyelɛ 3:23

alehyenlɛ biala bɛle fofolɛ, wɔ nɔhalɛlilɛ ne le kpole.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Yizikeɛle Buluku ne 37:23

Bɛnrɛzonle mmonle bɛnrɛgua bɛ nwo evinli; bɛnrɛyɛ bɛkyi debie biala, yɛɛ bɛnrɛtietia me mɛla ne mɔ azo. Mebalie bɛ meavi ninyɛne mɔɔ manle bɛyɛle ɛtane la asa anu na meade bɛ nwo. Bɛbayɛ me menli, na medame meayɛ bɛ Nyamenle.

Zɛkalaya Buluku ne 9:9

O Zayɔnoma, bɛmaa bɛ nye ɛlie! O Gyɛlusalɛmma, bɛdea nu kpole kpalɛ! Bɛnlea, bɛ belemgbunli ne ɛlɛba bɛ ɛkɛ; ɔlɛba ye konimlilɛ nu. Ɔle bɛlɛvo yɛɛ ɔde asoaso zo, asoaso ralɛ zo.

Edwɛkpa ne kɛmɔ Mateyu hɛlɛle la 3:6

bɛrahanle bɛ ɛtane na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Maake hɛlɛle la 1:5

Menli dɔɔnwo vi Dwudiya maanzinli ne anu nee suakpole Gyɛlusalɛm azo hɔle kɛ bɛkadie Dwɔn. Bɛhanle bɛ ɛtane ne mɔ na ɔzɔnenle bɛ wɔ Azule Dwɔdan ne anu.

Edwɛkpa ne kɛmɔ Luku hɛlɛle la 22:57

Pita zale na ɔzele kɛ, “Ɔmɔ, menze ye bɔbɔ!”

Dw 17:25

Pɛlepɛlelilɛ Egya! Ɛtane ewiade ye ɛnze wɔ, na mame meze wɔ, yɛɛ ɛhye mɔ ze kɛ ɛdawɔ a ɛzoanle me a.

Ɛzoanvolɛma Gyima ne 19:18

Na menli somaa ne ala mɔɔ liele lile la rale bagua nu rahanle ɛtane mɔɔ bɛyɛ bɛvea la amuala.

Wulo 3:26

na kɛkala ɔ nee menli di wɔ bɛ ɛtane nwo, ɔfa ɔkile ye tenleneyɛlɛ ne. Nyamenle dua adenle ɛhye azo kile kɛ ɔle tenlenenli na ɔmaa awie biala mɔɔ die Gyisɛse di la sɔ ɔ nye.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Mɛla 7:9

Bɛnwu ye kɛ Ɛdɛnkɛma bɛ Nyamenle ne le Nyamenle, nɔhalɛ Nyamenle ne mɔɔ sie ye ngyekyeleɛ, na ɔkulo bɛdabɛ mɔɔ bɛkulo ye na bɛdi ye mɛla zo la, kɔdwu awolɛndoazo apenle nwo zo,

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 11:11

Ɔlua diedi zo yɛɛ Sɛla, mɔɔ ɛnee yeyɛ ɛrelera na yebo awolɛ zo bɔbɔ la, nrenzɛle wole a, ɔluakɛ ɔliele ɔlile kɛ Nyamenle mɔɔ bɔle ɛwɔkɛ ne la le nɔhalɛ na ɔkola ɔyɛ.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.