1 Dw 1:6 - BAEBOLO ANZƐƐ BULUKU NWUANZANWUANZA

⁶ Yemɔti, saa yɛka kɛ yɛ nee Nyamenle le agɔnwolɛ, noko yɛbɔ awozinli nu ɛbɛla a, ɛnee yɛle adalɛ na yɛnli nɔhalɛ wɔ ɛdendɛlɛ nee nyɛleɛ nu.

1 Dw 1:6 ပူးပေါင်းရင်းမြစ်များ

Edwɛndolɛ Buluku ne 82:5

“Bɛnlɛ adwenle yɛɛ bɛnlɛ ndelebɛbo, bɛluolua awozinli nu; azɛlɛ ye adiabo ne mɔ ɛkpusu.

Edwɛndolɛ Buluku ne 94:20

Asoo arelemgbunli atisesebɛ kola nee wɔ yɛ ko, bɛmɛ mɔɔ bɛfa amumuyɛ adwenle a bɛdi bɛ mɛla la?

Mrɛlɛbulɛ Buluku ne 2:13

Menli ɛhye mɔ kpo ndenle fɔɔnwo ne mɔ na bɛdua awozinli ndenle ne mɔ anu.

Edwɛkpa ne kɛmɔ Mateyu hɛlɛle la 7:22

Saa Ndɛnebualɛ Kenle ne dwu a, dɔɔnwo ne ala baha ahile me kɛ, ‘Awulae, Awulae! Yɛluale wɔ duma nu yɛbɔle Edwɛkpa ne nolo, yɛluale wɔ duma nu yɛdudule mbɔnsam dɔɔnwo na yɛyɛle nwanwane ninyɛne!’

Dw 11:10

Na saa ɔtudu agyakɛ wɔ aledwolɛ nu a ɔkpulokpula, ɔboalekɛ awozinli ne ɛmmaa ɔnnwu aze.”

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Dw 8:55

Bɛtɛnwunle ye ɛlɛ, na mame meze ye. Saa meka kɛ menze ye a, ɛnee mebɔ adalɛ kɛ bɛdabɛ la. Meze ye, yɛɛ medi ye edwɛkɛ zo.

1 Tem 4:2

Menli alane bie mɔɔ bɛ adwenle ɛwu kɛ asɛɛ bɛva bulalɛ mɔɔ ɛdɔlɔ woonwu la bɛwula nu la a yɛ ngilehilelɛ ɛhye a.

Gyemise Kɛlata ne 2:14

Me mediema, saa awie ka ye kɛ, “Melɛ diedi” na ye nyɛleɛ ɛngile zɔhane a, ɛnee duzu nvasoɛ yɛɛ ɔnyia a? Asoo ye diedi zɔhane kɛhola kɛlie ye ngoane?

Gyemise Kɛlata ne 2:16

na ɛse ye kɛ, “Nyamenle ɛyila wɔ. Ɛ nwo ɛyɛ wɔ wuluwulu na di aleɛ maa ɛ ko ɛyi” na saa wɔammaa ye ninyɛne mɔɔ hyia maa ngoane la a ɛnee duzu nvasoɛ a wɔ mɔɔ ɛka la azo a?

Gyemise Kɛlata ne 2:18

Awie baze kɛ, “Sonla ne bie lɛ diedi yɛɛ ko noko kola yɛ gyima.” Me mualɛ a le kɛ, kile me kɛ sonla si nyia diedi mɔɔ gyimayɛlɛ ɛmboka nwo la, na medame noko menwɔva me gyimayɛlɛ menwɔhile wɔ me diedi.

1 Dw 1:10

Saa yɛka kɛ yɛtɛyɛle ɛtane a, ɛnee yɛmaa Nyamenle ɛbɔ adalɛ, yɛɛ ye edwɛkɛ ne ɛnle yɛ nu.

1 Dw 1:3

Mɔɔ yɛnwu ye nee mɔɔ yɛde la yɛɛ yɛka yɛahile bɛdabɛ noko a, amaa bɛ nee yɛ adila agɔnwolɛ. Yɛ nee Selɛ ne nee ɔ Ra Gyisɛse Kelaese a ɛdila agɔnwolɛ ɛhye a.

1 Dw 1:8

Saa yɛka kɛ yɛnyɛ ɛtane a, ɛnee yɛbɛlɛbɛla yɛ nwo, yɛɛ yɛnga nɔhalɛ.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

1 Dw 4:20

Saa awie ka kɛ, “Mekulo Nyamenle”, na ɔkpɔ ɔ diema a, ɛnee ɔle adalɛ, ɔluakɛ awie mɔɔ ɛngulo ɔ diema mɔɔ ɔ nye dua ye la ɛnrɛhola ɛnrɛhulo Nyamenle mɔɔ ɔtɛnwunle ye ɛlɛ la.