1 Dw 1:2 - BAEBOLO ANZƐƐ BULUKU NWUANZANWUANZA

² Ngoane Edwɛkɛ ɛhye lale ɔ nwo ali na yɛnwunle ye; zɔhane ati yɛdi nwolɛ daselɛ na yɛka ngoane ne mɔɔ ɛnlɛ awieleɛ mɔɔ nee Selɛ ne a wɔ ɛkɛ na ɔyele ɔhilele yɛ la anwo edwɛkɛ.

1 Dw 1:2 ပူးပေါင်းရင်းမြစ်များ

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 1:4

Ngoane kɔsɔɔti vi Edwɛkɛ ne anu a ba a, na ngoane ɛhye a le menli wienyi ne a.

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 15:27

Na bɛdabɛ noko bɛbaha me nwo edwɛkɛ, ɔboalekɛ ɔvi mɔlebɛbo ne amuala, bɛ nee me a lua a.

Dw 16:28

Mevi Selɛ ne anwo lɔ a membale ewiade a; yɛɛ kɛkala melɛfi ewiade meahɔ Selɛ ne anwo lɔ.”

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 17:5

Egya, fa me anyunlunyia maa me, anyunlunyia ne mɔɔ bɛkabɔ ewiade ye la ɛnee melɛ ye la, fa maa me wɔ ɛ nyunlu ɛke kɛkala.

Dw 19:35

(Ahenle mɔɔ nwunle kɛ ɛhye ɛzi la a ɛdendɛ la, amaa wɔalie wɔali. Mɔɔ ɔhanle la le nɔhalɛ, yɛɛ ɔze noko kɛ ɔlɛka nɔhalɛ ne.)

Dw 21:14

Ɛhye a tɔ zolɛ nsa mɔɔ Gyisɛse yele ɔ nwo hilele ye ɛdoavolɛma ne mɔ wɔ mekɛ mɔɔ bɛdwazole ye bɛvile ewule nu la a.

Dw 3:13

Awie biala noko ɛtɛkɔle anwuma lɔ kɛ Sonla Ra ne mɔɔ vi anwuma lɔ rale la ala.”

Dw 7:29

na mame meze ye, ɔboalekɛ mevi ɔ nwo lɔ a membale a yɛɛ ɔdaye a ɔzoanle me a.”

Dw 8:38

Meka mɔɔ Egya ɛhilehile me la, yɛɛ bɛdabɛ bɛyɛ mɔɔ bɛ ze ɛha ɛhile bɛ la.”

Ɛzoanvolɛma Gyima ne 10:41

yɛmɛ mɔɔ Nyamenle ɛye yɛ kɛ yɛli daselɛ la. Yɛ nee ye lile, nlonle, wɔ mekɛ mɔɔ ɔdwazole ɔvile ewule nu la,

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Ɛzoanvolɛma Gyima ne 3:15

Bɛhunle sonla ne mɔɔ maa ngoane la, na Nyamenle dwazole ye vile mɔwuamra anu; yɛ muala yɛdi ɛhye anwo daselɛ.

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:4

Na mɔɔ mekɛ ne dwule la, Nyamenle zoanle ɔ Ra ne manle ɔrale ewiade. Raalɛ a nrenzɛle Ralɛ ɛhye a, na ɔwole ye ɔdole Dwuuma maamɛla ne anu,

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

2 Tem 1:10

yɛɛ ɛnɛ bɛlua yɛ ngoanedievolɛ Kelaese Gyisɛse ɛralɛ ne ati bɛla ye ali a. Ɔpɛle ewule tumi ne anu na ɔluale Edwɛkpa ne azo ɔlale ngoane mɔɔ ɛnlɛ awieleɛ la ali ɔhilele yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

1 Dw 1:1

Yɛlɛkɛlɛ bɛ wɔ ngoane Edwɛkɛ ne mɔɔ mɔlebɛbo ne ɛnee ɔwɔ ɛkɛ ne na yɛde, yɛnwu ye yɛ nye zo, yɛnlea ye kpalɛ, na yɛva yɛ sa yɛha ye la anwo.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

1 Dw 3:5

Bɛze kɛ Kelaese rale amaa yeaye ɛtane ne mɔ yeavi ɛkɛ. Yemɔ, ɛtane biala ɛnle ye nu.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.

1 Dw 4:2

Debie mɔɔ kɛmaa bɛkɛhola bɛkɛnwu kɛ sunsum ne vi Nyamenle ɛkɛ ne la a le ɛhye: sunsum biala mɔɔ ka to gua kɛ Gyisɛse Kelaese rale kɛ sonla la le Nyamenle Sunsum,

1 Dw 5:11

Daselɛlilɛ ne a le ɛhye: Nyamenle ɛlua ɔ Ra ne anwo zo ɛmaa yɛ ngoane mɔɔ ɛnlɛ awieleɛ la.

1 Dw 5:13

Melɛkɛlɛ ɛhye mearɛlɛ bɛ amaa bɛanwu kɛ bɛdabɛ mɔɔ bɛdie Nyamenle Ara ne bɛdi la bɛlɛ ngoane mɔɔ ɛnlɛ awieleɛ la.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.