1 Arl 8:3 - BAEBOLO ANZƐƐ BULUKU NWUANZANWUANZA

³ Yizilayɛ adile adile ne mɔ amuala rale na sɛlɛvolɛma ne mɔ ramanle Ɛdɛnkɛma Ngyekyeleɛ Ɛlɛka ne zo

1 Arl 8:3 ပူးပေါင်းရင်းမြစ်များ

2 Sam 6:12

Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

1 Arl 8:6

Akee sɛlɛvolɛma ne mɔ vale Ɛdɛnkɛma Ngyekyeleɛ Ɛlɛka ne raziele Ɛzonlenlɛ Sua ne Nwuanzanwuanza Nu Nwuanzaanwu Ɛleka ne wɔ abɔdeɛ nwiɔ ne mɔɔ lɛ ndɛbalɛ la abo.

1 Edk 15:2

Akee ɔhanle kɛ, “Livaema ala a ɔwɔ kɛ soa Ngyekyeleɛ Ɛlɛka ne a. Awie biala ɛnzoa bie, ɔboalekɛ bɛmɛ yɛɛ Ɛdɛnkɛma yele bɛ kɛ bɛzoa na bɛzonle ye dahuu a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15

Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:9

Na Kohate asa azo ne, Mosisi ammaa bɛ bie, ɔboalekɛ bɛmɛ, bɛ gyima ɛdeɛ ne ala a le ninyɛne nwuanzanwuanza ne mɔ mɔɔ bɛsoa bɛ bɛ kɔme zo na bɛnea bɛ gyɛlɛɛnye la.

Mɛla 31:9

Akee Mosisi hɛlɛle mɛla ɛhye na ɔvale ɔmanle Livae abo zo amra ne mɔ mɔɔ le sɛlɛvolɛma, mɔɔ zoale Ɛdɛnkɛma Ngyekyeleɛ Ɛlɛka ne la, nee Yizilayɛ mgbanyima ne mɔ.

Dwɔhyua Buluku ne 3:3

na bɛzele bɛ kɛ, “Saa bɛnwu kɛ Livaema ne mɔɔ bɛmɛ a bɛle sɛlɛvolɛma la ɛmaa Ɛdɛnkɛma bɛ Nyamenle ne Ngyekyeleɛ Ɛlɛka ne zo bɛvi azokoɛleɛ ɛke bɛlɛkɔ a, bɛdabɛ noko bɛdu bɛ bo bɛdoa bɛ.

Dwɔhyua Buluku ne 3:6

Akee ɔzele sɛlɛvolɛma ne kɛ, “Bɛva Ngyekyeleɛ Ɛlɛka ne bɛze bɛlumua menli ne anyunlu.” Na bɛyɛle ye zɔhane.

Dwɔhyua Buluku ne 4:9

Dwɔhyua noko huohuanle awolɛ bulu nee nwiɔ anloa wɔ Azule Dwɔdan ne avinli, ɛleka mɔɔ sɛlɛvolɛma ne mɔɔ zo Ngyekyeleɛ Ɛlɛka ne la gyinlanle la. (Awolɛ zɔhane tɛbɔ ɛkɛ ne ɛnɛ nee ɛnɛ ala.)

Dwɔhyua Buluku ne 6:6

Nɛn ara Dwɔhyua vɛlɛle sɛlɛvolɛma ne na ɔzele bɛ kɛ, “Bɛva Ngyekyeleɛ Ɛlɛka ne na bɛ nuhua nsuu ɛva mɛne aweɛne ne mɔ na bɛhɔli Ɛdɛnkɛma Ngyekyeleɛ Ɛlɛka ne anyunlu.”