1 Arl 7:4 - BAEBOLO ANZƐƐ BULUKU NWUANZANWUANZA

⁴ Nvɛnzɛlɛ nsa nsa mɔɔ bɛ nye bobɔ zolɛ la gugua sua ne tɛbanu nwiɔ ne.

1 Arl 7:4 ပူးပေါင်းရင်းမြစ်များ

1 Arl 6:4

Adokule mɔɔ akunlu buke noko ye findezo le feɔ la gugua Ɛzonlenlɛ Sua ne tɛbanu nee ye tɛbanu bane ne mɔ anwo.

1 Arl 7:3

Bɛvale sida mbaka ne bie ala bɛguale zolɛ. Sua ne aakɔ ne mɔ le sida mbaka. Aakɔ ne mɔ gua sua ne azo a bɛ ndendenle bagua azua ngyikyi ne mɔ mɔɔ bɛfa ninyɛne bɛsiezie nu la azo.

1 Arl 7:5

Nlenkɛ ne mɔ tɛbanu nwiɔ ne ndendenle sɛ, bɛ anwuma nee bɛ aze tɛtɛlɛ sɛ, yɛɛ kɛ nvɛnzɛlɛ ne mɔ noko de la ɛne. Eza nvɛnzɛlɛ nye bɔ nvɛnzɛlɛ zo.

Ayezaya Buluku ne 54:12

Mebava ezukoa bolɛ meazi wɔ tawa ne mɔ, meava awolɛ mɔɔ sɔ memeamemea la meaduodua wɔ nlenkɛ mgbole ne mɔ ɛbonle, na meava ezukoa awolɛ mɔɔ sonle bolɛ la mealie wɔ bane ne mɔ.

Yizikeɛle Buluku ne 40:16

Adokule mɔɔ bɛ findezo tɛlɛ na bɛ kunlu le fefeɔ la gugua anlenkɛ kpole ne bane ne mɔ anwo. Nwolodo ne anu bane ne mɔ, bɛli mrɛlɛ adwinli bɛgua nwolɛ.

Yizikeɛle Buluku ne 40:22

Akee ye nvɛnzɛlɛ ne mɔ, ye sua kpandaanwo ne nee mrɛlɛ mɔɔ bɛze wɔ bane ne mɔ anwo la amuala le kɛ mɔɔ wɔ anlenkɛ kpole ne mɔɔ di kɔ aduduleɛ la anwo la. Ye kpolike ne le nsuu, yɛɛ ye sua kpandaanwo ne wɔ ɔ kunlu lɔ alie nwo lɔ.

Yizikeɛle Buluku ne 40:25

Nvɛnzɛlɛ wɔ nwolɛ toonwo yia, yɛɛ ye sua kpandaanwo ne anu le kɛ alumua nlenkɛ mgbole ne mɔ ɛdeɛ ne mɔ ala la. Ye tendenle le mita abulanwiɔ nee nnu, yɛɛ ye tɛtɛlɛ le mita abulanlu.

Yizikeɛle Buluku ne 40:29

Ye bane ne mɔ mgbole nee bɛ ɛzamo nee nuhua ekpumgbunli ne mɔ le kɛ nlenkɛ ɛhendeɛ ne mɔ la. Nvɛnzɛlɛ wɔ nwolɛ nee ye sua kpandaanwo ne anwo yia. Ye tendenle le mita abulanwiɔ nee nnu, yɛɛ ye tɛtɛlɛ le mita bulu nee nwiɔ nee foa ko.

Yizikeɛle Buluku ne 40:33

Ye nwolodo ne foa ko azua ne mɔ le kɛ nlenkɛ mgbole ɛhendeɛ ne mɔ ɛdeɛ ne la. Nvɛnzɛlɛ wɔ nwolɛ nee ye sua kpandaanwo ne anwo yia. Ye tendenle le mita abulanwiɔ nee nnu, yɛɛ ye tɛtɛlɛ le mita bulu nee nwiɔ nee foa ko.

Yizikeɛle Buluku ne 40:36

Ye nwolodo ne anu azua ne mɔ amuala le kɛ ɛhendeɛ ne mɔ ɛdeɛ ne la. Nvɛnzɛlɛ wɔ nwolɛ yia. Ye tendenle le mita abulanwiɔ nee nnu, yɛɛ ye tɛtɛlɛ le mita bulu nee nwiɔ nee foa ko.

Yizikeɛle Buluku ne 41:26

Nvɛnzɛlɛ wɔ ekpumgbunli ne foa ko nee ye foa ko, na bɛli mrɛlɛ adwinli bɛgua ye bane ne mɔ anwo.