1 Arl 3:9 - BAEBOLO ANZƐƐ BULUKU NWUANZANWUANZA

⁹ Ɛhye ati mebodo wɔ, maa me nrɛlɛbɛ maa menva menzie wɔ menli ne na maa mengola menwu debie mɔɔ le kpalɛ nee mɔɔ le ɛtane la. Saa tɛ ye zɔhane ɛdeɛ a, menrɛhola wɔ menli ne sie.”

1 Arl 3:9 ပူးပေါင်းရင်းမြစ်များ

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Mrɛlɛbulɛ Buluku ne 16:16

Ɛze nrɛlɛbɛ a ɔle kpalɛ ɔtɛla kɛ ɛlɛ ezukoa nvutuke, yɛɛ ɛlɛ ndelebɛbo a ɔle kpalɛ ɔtɛla dwɛtɛ fufule.

Kɛlata mɔɔ bɛhɛlɛle bɛhɔmanle Hibuluma la 5:14

Aleɛ mɔɔ anu yɛ ɛnlomboɛ la wɔ ɛkɛ maa mgbanyinli, ɔluakɛ bɛzukoa na bɛkola bɛnwu ngakyile mɔɔ wɔ kpalɛ nee ɛtane nu la.

Dw 5:30

“Menva me tumi menyɛ debie biala; mebua me ndɛne kɛmɔ Nyamenle kɛze me la, yemɔti me ndɛnebualɛ ne le fɔɔnwo, ɔboalekɛ mempele menyɛ mɔɔ medame mekulo la, na meyɛ mɔɔ ahenle mɔɔ zoanle me la kpondɛ la.

2 Sam 14:17

Wɔ sonvolɛ raalɛ, menyianle adwenle kɛ me awulae belemgbunli baha me ahonle ado azule nu, ɔluakɛ me awulae belemgbunli le kɛ Nyamenle soanvolɛ la, ɔze kpalɛ, ɔze ɛtane. Ɛdɛnkɛma wɔ Nyamenle ne nee wɔ ɛlua.”

1 Edk 22:12

Ɔdaye Ɛdɛnkɛma ɔmaa wɔ nrɛlɛbɛ nee ndelebɛbo, amaa saa ɔfa Yizilayɛ maanle ne ɔwula ɛ sa nu a wɔali Ɛdɛnkɛma wɔ Nyamenle ne mɛla zo.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:17

Zɔhane ati, bɛmmayɛ bɛ nwo ahɔnwɔne, na bɛbɔ mɔdenle kɛ bɛkɛnwu mɔɔ Awulae kpondɛ kɛ bɛyɛ la.

Edwɛndolɛ Buluku ne 119:144

Wɔ mɛla ne mɔ le fɔɔnwo dahuu; maa me ndelebɛbo, amaa meanyia ngoane.

Edwɛndolɛ Buluku ne 119:34

Maa me ndelebɛbo, amaa meava wɔ mɛla ne meazie, na meava me ahonle muala meali zo.

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

Edwɛkpa ne kɛmɔ Mateyu hɛlɛle la 3:14

Na Dwɔn hanle kɛ, “Menfɛta kɛ menwɔzɔne wɔ. Wɔmɔ a ɔwɔ kɛ ɛsɔne me a, na duzu ati a wɔra kɛ menzɔne wɔ ɛ?”

Nolo 7:11

Ɔle kpalɛ kɛ sonla mɔɔ lɛ agyadeɛ la kɛnwu nrɛlɛbɛ; ɔle nvasoɛ ɔmaa menli mɔɔ de ngoane nu la.

Mrɛlɛbulɛ Buluku ne 20:12

Ɛnzonlɛ mɔɔ te edwɛkɛ nee ɛnyelɛ mɔɔ nwu debie, Ɛdɛnkɛma a ɛbɔ bɛ mu nwiɔ a.

2 Edk 1:10

Zɔhane ati maa me nrɛlɛbɛ nee ndelebɛbo maa menva menzie menli ɛhye mɔ, ɔluakɛ awie biala ɛnrɛhola wɔ menli pemgbenleamgbe ɛhye mɔ anwo zo nea.”

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

Pɔɔlo Kɛlata mɔɔ ɔhɛlɛle ɔhɔmanle Felepaema la 1:10

amaa bɛnwu mɔɔ le kpalɛ la a bɛanwu ye, na bɛ nwo ade saanwu na bɛanli fɔlɛ wɔ Kenle ne mɔɔ Kelaese kɛra la.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Nolo 7:19

Nrɛlɛbɛ maa nrɛlɛbɛvolɛ anwosesebɛ tɛla menli bulu mɔɔ sie suakpole ko la.

Gyɛlɛmaya Buluku ne 1:6

Membuale kɛ, “O, Awulae Nyamenle, mele kakula, me nloa ɛtɛtele.”

Mrɛlɛbulɛ Buluku ne 14:8

Badwemafo nrɛlɛbɛ maa ɔnwu ye adenle nu boɛ, na ahoasea nrɛlɛbɛ le mɛlɛbɛla.

Edwɛndolɛ Buluku ne 119:73

Ɛdawɔ yɛɛ wɔbɔ me na wɔziezie me a; maa me ndelebɛbo, amaa meazukoa wɔ mɛla ne mɔ.

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

1 Arl 3:10

Ɛdɛnkɛma anye liele Sɔlɔmɔn anwo wɔ mɔɔ ɔbizale ye la anwo.

Gyɛlɛmaya Buluku ne 45:5

Na wɔmɔ, ɛkpondɛ ninyɛne mgbole ɔ? Mmakpondɛ bɛ bo zo, ɔluakɛ nea, melɛmaa munzule ado menli kɔsɔɔti, na wɔmɔ, ɛleka biala mɔɔ ɛkɛhɔ la ɛlɛ ngoane. Medame Ɛdɛnkɛma a mese a.’ ”

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;