1 Arl 3:3 - BAEBOLO ANZƐƐ BULUKU NWUANZANWUANZA

³ Sɔlɔmɔn lile ɔ ze Devidi mɛla zo, ɔhulole Ɛdɛnkɛma na ɔdoale ɔ bo zo, noko ɔbɔle azu wɔ azukponle ngakyile zo.

1 Arl 3:3 ပူးပေါင်းရင်းမြစ်များ

1 Arl 11:34

Noko ɔlua me akɛlɛ Devidi mɔɔ memkpale nu menyele ye na ɔdaye noko ɔdiele me edwɛkɛ la ati, memaa yeali belemgbunli toonwo yeawu, menrɛlie maanle ne amuala menrɛvi Sɔlɔmɔn asa anu.

1 Arl 11:38

Saa ɛyɛ tieyɛ ɛmaa me bɔkɔɔ, ɛdi me mɛla zo, na ɛyɛ mɔɔ menwɔze wɔ la, ɛsɔ me nye, kɛmɔ me akɛlɛ Devidi yɛle la a, me nee wɔ badɛnla dahuu; ɛbazie Yizilayɛma na ɛ mra ali ebia ne, kɛmɔ menyɛle memanle Devidi la.

1 Arl 11:4

Sɔlɔmɔn yɛle kpanyinli bɔkɔɔ la ye mraalɛ ne mɔ hakyile ye adwenle manle ɔzonlenle maanle zo awozonle. Yeanli nɔhalɛ yeammaa Ɛdɛnkɛma ye Nyamenle ne, kɛmɔ ɔ ze Devidi yɛle la.

1 Arl 11:6

Sɔlɔmɔn yɛle ɛtane tiale Ɛdɛnkɛma; yeanli Ɛdɛnkɛma anzi nɔhalɛ nu, kɛmɔ ɔ ze Devidi yɛle la.

1 Arl 14:23

Ɔluakɛ bɛdabɛ noko bɛsisile mmonle azua na bɛkpɔnlanle bɛ bozonle raalɛ Ahyela ne mbaka wɔ awoka zo nee mbaka bo bɛzonlenle bɛ,

1 Arl 14:8

Menliele belemgbunlililɛ ne menvile Devidi abo zo amra asa anu menvale memanle wɔ. Na kɛkala, wɔanva me akɛlɛ Devidi agyakɛ. Devidi lile nɔhalɛ manle me, ɔlile me mɛla zo na ɔyɛle mɔɔ sɔ me nye la.

1 Arl 15:11

Esa ɛbɛla zɔle Ɛdɛnkɛma anye kɛ ɔ nlenya Devidi ɛdeɛ ne la.

1 Arl 15:14

Esa anzɛkye mmonle azua ne mɔ amuala bɔbɔ ɛdeɛ, noko ɔvale ye ahonle muala ɔzonlenle Ɛdɛnkɛma wɔ mekɛ mɔɔ ɔde aze la.

1 Arl 15:3

Ɔvale ɔ ze agyakɛ na ɔyɛle ɛtane mɔɔ ɔ ze yɛle la amuala bie. Yeanli Ɛdɛnkɛma ye Nyamenle ne mɛla zo nɔhalɛ nu, kɛmɔ ɔ nlenya Devidi lile la.

1 Arl 15:5

Ɔboalekɛ Devidi nyɛleɛ zɔle Ɛdɛnkɛma anye yɛɛ ɔyɛle debie biala mɔɔ Ɛdɛnkɛma zele ye la. Ɛleka mɔɔ ɔvonle la a le edwɛkɛ ne mɔɔ fane Hɛtenli Yulaya anwo la ala.

1 Arl 22:43

Gyɛhɔhyafate vale ɔ ze Esa agyakɛ. Yeandwe ɔ nwo yeanvi mɔɔ ɔ ze yɛle la anwo. Ɔyɛle mɔɔ sɔ Nyamenle anye la, noko yeambubu awozonle azua ne mɔ biala. Yemɔti menli hɔle zolɛ kpunle ɛyɛlɛ na bɛbɔle azu ɛkɛ ne.

1 Arl 22:44

Gyɛhɔhyafate eza nee Yizilayɛ belemgbunli ne yɛle agɔnwolɛ.

1 Arl 3:14

Eza saa ɛdi me mɛla ne mɔ azo, kɛmɔ ɛ ze Devidi lile la a mebamaa wɔ ngoane tendenle.”

1 Arl 3:6

Sɔlɔmɔn buale kɛ, “Kɛmɔ wɔ akɛlɛ, egya Devidi lile nɔhalɛ manle wɔ, ɔvale ye ahonle kɔsɔɔti ɔdiele ɛ ne, na ɔbɔle ɛbɛla mɔɔ sɔ ɛ nye la, ɛhulole ye edwɛkɛ bɔkɔɔ. Ɛhye ati wɔhyɛ ye ralɛ nrenya wɔmaa ɛnɛ mede ɔ bo zo ne.

1 Arl 8:25

O Ɛdɛnkɛma, Yizilayɛ Nyamenle, eza ɛbɔle Egya Devidi ɛwɔkɛ kɛ, ‘Saa ɛ mra mrenya ne mɔ nea boɛ, na bɛtoa me bo zo nɔhalɛ nu, kɛmɔ wɔdoa me nɔhalɛ nu la a, Yizilayɛ ebialilɛ ne ɛnrɛvi ɛ bo zo amra asa anu ɛlɛ.

1 Arl 8:61

“Yizilayɛma, bɛva bɛ ahonle muala bɛmaa Ɛdɛnkɛma yɛ Nyamenle ne nɔhalɛ nu na bɛli ye mɛla ne mɔ azo, kɛmɔ bɛyɛ ye ɛnɛ la.”

1 Arl 9:4

Na wɔmɔ, saa ɛyeye wɔ ahonle nu ɛ nee me dua nɔhalɛ nu, kɛmɔ ɛ ze Devidi yɛle la, na ɛdi me edwɛkɛ zo, ɛyɛ debie biala mɔɔ meha mehile wɔ la a,

2 Arl 12:3

Noko akee bɛanzɛkye awozonle ɛzonlenlɛ ɛleka ne mɔ; menli hɔle zo bɔle azu na bɛkpunle ɛyɛlɛ wɔ ɛleka zɔhane mɔ.

2 Arl 12:4

Kenle ko Dwowahye vɛlɛle sɛlɛvolɛma ne mɔ na ɔzele bɛ kɛ, anrɛɛ bɛzie ezukoa ne mɔɔ menli batua maa bɛbɔ azu, adwule mɔɔ menli ne tua ye dahudahu, nee ezukoa mɔɔ menli ne yeye bɛ ahonle nu fa kyɛ Ɛdɛnkɛma la bie.

2 Arl 14:3

Ɔyɛle mɔɔ sɔ Ɛdɛnkɛma anye la, noko yeanwie ɔ nlenya Devidi agyakɛ fa. Ɔyɛle mɔɔ ɔ ze Dwowahye yɛle la bie.

2 Arl 14:4

Yeanzɛkye ɛleka ne mɔ mɔɔ bɛsonle awozonle la, yemɔti ɛnee menli kpu ɛyɛlɛ bɔ azu wɔ ɛleka ɛleka zɔhane mɔ.

2 Arl 15:35

Noko bɛanzɛkye ɛleka ne mɔ mɔɔ bɛsonle awozonle la, yemɔti menli hɔle zo kpunle ɛyɛlɛ wɔ ɛkɛ bɔle azu. Dwɔtam a zile Ɛzonlenlɛ Sua ne Sɔlɔ Anlenkɛ kpole ne a.

2 Arl 15:4

Noko yeammaa bɛanzɛkye ɛleka ne mɔ mɔɔ bɛsonle awozonle la, yemɔti menli ne hɔle zo kpunle ɛyɛlɛ wɔ ɛleka zɔhane mɔ na bɛbɔle azu wɔ ɛkɛ.

2 Arl 18:22

Aselea safohyenle ne eza zɔle zo kɛ, “Anzɛɛ bɛka bɛahile me kɛ bɛ rɛle wɔ Ɛdɛnkɛma bɛ Nyamenle ne anu ɔ? Tɛ Ɛdɛnkɛma azua ne yɛɛ ye azukponle ne mɔ a Hɛzikaya ɛmaa bɛbubu bɛ na yeze Dwudama amuala nee bɛdabɛ mɔɔ bɛwɔ Gyɛlusalɛm ɛke la kɛ azukponle ne mɔɔ wɔ Gyɛlusalɛm ɛke la azo ala a ɔwɔ kɛ bɛbɔ azu na bɛsonle la ɔ?

2 Arl 18:4

Ɔzɛkyele awozonle ɛzonlenlɛ ɛleka ne mɔ, ɔbubule awolɛ mpila ne mɔ na ɔzɛkyele bozonle raalɛ Ahyela ne ananze ne mɔ. Eza ɔbubule kɔbele ɛwɔlɛ ne mɔɔ Mosisi yɛle mɔɔ bɛvɛlɛle ye Nehɛhyetan la, ɔluakɛ ɛnee menli kɔkpu ɛyɛlɛ wɔ ɛkɛ ne sonle ye.

2 Edk 15:17

Yeanzɛkye ɛleka ne mɔ mɔɔ menli mɔɔ ɛnze Nyamenle la sonle la, noko Belemgbunli Esa lile nɔhalɛ manle Ɛdɛnkɛma wɔ mekɛ mɔɔ ɔde ngoane nu la.

Edwɛndolɛ Buluku ne 145:20

Ɛdɛnkɛma bɔ bɛdabɛ mɔɔ bɛkulo ye la anwo bane; na amumuyɛma ɛdeɛ, ɔbazɛkye bɛ.

Edwɛndolɛ Buluku ne 31:23

Bɛmɛ Nyamenle menli, bɛhulo Ɛdɛnkɛma; Ɛdɛnkɛma sinza mɔɔ di nɔhalɛ la, na ɔtua bɛdabɛ mɔɔ bɛmemaa bɛ nwo zo la kakɛ kɛmɔ ɔfɛta la.

Sɛlɛ 17:5

Ɛhye kile kɛ ɔwɔ kɛ Yizilayɛma fa bɛ azubɔlɛ nane ne mɔ mɔɔ bɛku bɛ wɔ ɛleka gyɛne gyɛne la bɛlɛ Ɛdɛnkɛma. Ɔwɔ kɛ bɛfa bɛmaa sɛlɛvolɛ ne wɔ Ɛdɛnkɛma Ndanlɛ Sua ne anuhɔlɛ ne na bɛku bɛ kɛ anzonudwolɛ azubɔdeɛ bɛmaa Ɛdɛnkɛma.

Edwɛkpa ne kɛmɔ Mateyu hɛlɛle la 22:37

Gyisɛse buale ye kɛ, “Fa wɔ ahonle muala, wɔ ɛkɛla muala, nee wɔ adwenle muala kulo Awulae wɔ Nyamenle ne.

Dw 14:15

“Saa bɛkulo me a, bɛbali me mɛla ne mɔ azo.

Dw 14:21

“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 8:3

Awie mɔɔ kulo Nyamenle la, Nyamenle ze ye.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 10:13

na bɛli ye mɛla ne mɔ mɔɔ melɛfa meamaa bɛ ɛnɛ la azo wɔ bɛdabɛ bɛ boɛyɛlɛ ti.

Mɛla 11:13

“Saa bɛdi mɛla mɔɔ melɛfa meamaa bɛ la azo, bɛkulo Ɛdɛnkɛma bɛ Nyamenle ne, bɛfa bɛ ahonle muala nee bɛ ɛkɛla muala bɛsonle ye a,

Mɛla 30:16

Saa bɛdi Ɛdɛnkɛma bɛ Nyamenle ne mɛla ne mɔ azo, bɛkulo ye, na bɛdua ye ndenle ne mɔ anu, bɛdi ye ngyehyɛlɛ ne mɔ azo a, bɛbanyia ngoane, bɛ nwo azo, na Ɛdɛnkɛma bɛ Nyamenle ne bayila bɛ wɔ azɛlɛ ne mɔɔ bɛlɛkɔ bɛahɔva la azo.

Mɛla 30:20

Bɛhulo Ɛdɛnkɛma bɛ Nyamenle ne, bɛdie ɔ ne na bɛdudu bɛhisa ye, ɔluakɛ saa bɛyɛ ye zɔhane a ɔle ngoane ɔmaa bɛ, yɛɛ bɛbanyi bɛahyɛ, wɔ azɛlɛ ne mɔɔ Ɛdɛnkɛma vale bɔle bɛ ze mɔ, Ebileham, Ayezeke, nee Gyekɔbo ɛwɔkɛ kɛ ɔbava yeamaa bɛ la azo.”

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

Mɛla 6:5

Bɛva bɛ ahonle muala, bɛ ɛkɛla muala, nee bɛ anwosesebɛ muala bɛhulo Ɛdɛnkɛma bɛ Nyamenle ne.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Sam 9:12

Mbɛlɛra ne mɔ buale bɛ kɛ, “Ɛhɛe, ɔwɔ ɛkɛ; kɛ ɔdwu suakpole ye azo ala la ɛne. Bɛsa bɛ gyakɛ anu ekyii a bɛbado ye. Saa bɛdwu sua ne azo ala a, bɛbanwu ye kolaa na yeahɔ azubɔlɛ ne, ɔboalekɛ menli ne babɔ azu wɔ azukponle ne mɔɔ wɔ boka ne azo la azo. Menli mɔɔ bɛdo ɛsalɛ bɛvɛlɛ bɛ la bahendɛ toonwo kɔkpula mekɛ mɔɔ ɔkɛyila aleɛ ne azo la na bɛali. Saa bɛka bɛ nwo a, bɛbado ye yeahyɛ kolaa na yeahɔ boka ne azo kɛ ɔkali debie.”