1 Arl 2:3 - BAEBOLO ANZƐƐ BULUKU NWUANZANWUANZA

³ na di gyima mɔɔ Ɛdɛnkɛma wɔ Nyamenle ne ɛze wɔ kɛ ɛli la. Dua ye adenle ne azo, di ye mɛla ne mɔ nee ye ngyehyɛlɛ ne mɔ azo, kɛmɔ bɛhɛlɛ bɛ wɔ Mosisi mɛla buluku ne anu la, amaa wɔ ɛbɛlabɔlɛ ne adenrɛ na wɔakpazi wɔ adenle nee nyɛleɛ biala anu.

1 Arl 2:3 ပူးပေါင်းရင်းမြစ်များ

2 Sam 8:14

Ɔyɛle ye ɛlɔnema azokoɛleɛ dɔɔnwo wɔ Yidɔm maanle ne anu, na Yidɔmma yɛle Devidi ngɛkɛlɛ. Ɛleka biala mɔɔ Devidi hɔle la, Ɛdɛnkɛma manle ɔlile konim.

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

1 Arl 3:3

Sɔlɔmɔn lile ɔ ze Devidi mɛla zo, ɔhulole Ɛdɛnkɛma na ɔdoale ɔ bo zo, noko ɔbɔle azu wɔ azukponle ngakyile zo.

2 Arl 18:7

Yemɔti ɛnee Ɛdɛnkɛma nee ye lua yɛɛ ɔkpazile wɔ debie biala mɔɔ ɔyɛle la anu. Ɔdele Aselea belemgbunli ne anwo atua na ɔkpole kɛ ɔkɛboa belemgbunli ne abo.

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

Edwɛndolɛ Buluku ne 119:111

Wɔ mɛla ne mɔ le me agyadeɛ dahuu; ɛhɛe, me ahonle la nwo.

Edwɛndolɛ Buluku ne 119:138

Wɔhyehyɛ wɔ mɛla ne mɔ tenlene nee nɔhalɛ adenle zo.

Edwɛndolɛ Buluku ne 119:2

Nyilalɛ ɛha bɛdabɛ mɔɔ bɛdi ye ngyehyɛlɛ zo, na bɛfa bɛ ahonle muala bɛkpondɛ ɔ bo zo,

Edwɛndolɛ Buluku ne 19:7

Ɛdɛnkɛma mɛla ne di munli, ɔmaa ɛkɛla ne anwo kpundi ye; Ɛdɛnkɛma ngyehyɛlɛ ne le kpundii, ɔmaa mɔɔ ɛnze nrɛlɛbɛ la nwu nrɛlɛbɛ.

Nolo 12:13

Bɛmaa yɛdie edwɛkɛ ne adwulaleɛ: Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.

Sɛlɛ 8:35

Bɛdɛnla Ɛdɛnkɛma Ndanlɛ Sua ne anuhɔlɛ ne nɔɔzo nee ewiazo kenle nsuu, bɛyɛ mɔɔ Ɛdɛnkɛma ɛze bɛ la, anrɛɛ bɛkɛwu, ɔluakɛ zɔhane ala yɛɛ Ɛdɛnkɛma ɛze me a.”

Malakae Buluku ne 4:4

Bɛhakye me mɛla nee me ngyehyɛlɛ ne mɔ mɔɔ menvale memanle me sonvolɛ Mosisi wɔ Hɔlɛbe kɛ ɔva ɔmaa Yizilayɛma amuala la.

Mɛla 29:8

Yɛvale bɛ azɛlɛ ne, na yɛhyɛle yɛmanle Wulubɛn abusua ekpunli ne, Gaade abusua ekpunli ne, nee Manasɛ abusua ekpunli foa ko ne anu amra.

Mɛla 29:9

Yemɔti bɛnlea edwɛkɛ mɔɔ wɔ ngyekyeleɛ ɛhye anu la boɛ na bɛli zolɛ, amaa bɛakpazi wɔ debie biala anu.

Mɛla 4:1

Na Mosisi zele menli ne kɛ, “Yizilayɛma, kɛkala, akee bɛdie mɛla nee ngyehyɛlɛ mɔɔ melɛkilehile bɛ la na bɛli zolɛ, amaa bɛanyi bɛahyɛ na bɛahɔva azɛlɛ ne mɔɔ Ɛdɛnkɛma, bɛ ze mɔ Nyamenle ne ɛlɛfa amaa bɛ la.

Mɛla 4:45

Mɛla nee ngyehyɛlɛ mɔɔ Mosisi vale manle Yizilayɛma la ɛne. Mekɛ mɔɔ bɛvile Yigyibiti na bɛwɔ Azule Dwɔdan ne aduduleɛ bɔnza ne anu, mɔɔ ɛnee bɛ nee Bɛtepiyɔ sua zo anye bɔ zolɛ la yɛɛ ɔvale mɛla ɛhye mɔ ɔmanle bɛ a. Mekɛ ne anu ɛnee bɛwɔ Amɔle Belemgbunli Saehɔn mɔɔ ɛnee sie Hɛhyebɔn la maanle nu. Mosisi nee ye ɛlɔnema ne lile ɔ nwo zo konim wɔ mekɛ mɔɔ bɛvi Yigyibiti bɛrale la.

Mɛla 4:5

“Bɛnlea, mehilehile bɛ mɛla nee ngyehyɛlɛ ne mɔ, kɛmɔ Ɛdɛnkɛma me Nyamenle ne vale manle me la, amaa bɛayɛ ye zɔhane wɔ azɛlɛ ne mɔɔ bɛlɛkɔ bɛahɔva bɛayɛ bɛ ɛdeɛ la azo.

Mɛla 4:8

Eza maanle kpole biala ɛnle ɛkɛ mɔɔ lɛ mɛla nee amaamuo mɔɔ tenrɛ kɛ mɛla ɛhye mɔ mɔɔ melɛfa meamaa bɛ ɛnɛ la.

Mɛla 5:1

Mosisi manle Yizilayɛma amuala rayiale na ɔzele bɛ kɛ, “Yizilayɛma, bɛdie mɛla nee ngyehyɛlɛ ne mɔ mɔɔ meka meahile bɛ ɛnɛ kenle ye la. Bɛzukoa na bɛli bɛ muala azo boɛ.

Dwɔhyua Buluku ne 22:5

Bɛnlea boɛ na bɛli mɛla ne mɔɔ Mosisi ɛva ɛmaa bɛ la azo. Bɛhulo Ɛdɛnkɛma bɛ Nyamenle ne, bɛyɛ ye ɛhulolɛdeɛ, bɛli ye mɛla ne mɔ azo, bɛli nɔhalɛ bɛmaa ye, na bɛva bɛ ahonle nee bɛ ɛkɛla muala bɛzulo ye.”

Dwɔhyua Buluku ne 23:6

Yemɔti bɛnlea boɛ na bɛli debie biala mɔɔ bɛhɛlɛ ye wɔ Mosisi Mɛla ne anu la azo. Bɛmmabu bɛ nye bɛgua ye kpɔkɛ ko bɔbɔ azo.

1 Sam 18:14

na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:30

Filisitiama rale fane dɔɔnwo kɛ bɛ nee Yizilayɛma baho, na mekɛ biala Devidi lile bɛ nwo zo konim. Ɔlile konim dɔɔnwo ɔdɛlale Sɔɔlo mgbanyima mɔɔ nea ɛlɔnema anwo zo la kɔsɔɔti. Yemɔti Devidi duma nee ye nganeɛ dwule maanle ti nee maanle bo.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.