1 Arl 2:2 - BAEBOLO ANZƐƐ BULUKU NWUANZANWUANZA

² “Ɔka ekyii mekɔ me ɛkɛla nzi, yemɔti gyinla kpundii kɛ ralɛ nrenya,

1 Arl 2:2 ပူးပေါင်းရင်းမြစ်များ

2 Sam 10:12

Si wɔ ahonle, maa yɛhile yɛ mrenya yɛmaa yɛ menli ne nee yɛ Nyamenle ne azuamgbole ne mɔ. Ɛdɛnkɛma ɛhulolɛ ɛyɛ ɛkɛ.”

2 Sam 12:23

Na kɛkala mɔɔ yewu la, duzu ati a ɔwɔ kɛ mekye ɛhɔne a? Anzɛɛ menwɔhola menwɔdwazo ye menwɔra ngoane nu ɔ? Mame yɛɛ kenle bie mebahɔ ɛleka mɔɔ ɔwɔ la a, na yemɔ, ɔnzia ɔmba me nwo ɛke.”

1 Arl 3:7

O Ɛdɛnkɛma, me Nyamenle, mele kakula somaa mɔɔ menze nwolɛ bie, noko wɔva me wɔzie belemgbunli, wɔ egya Devidi abo zo ne.

1 Edk 22:13

Saa ɛdi mɛla ne mɔɔ Ɛdɛnkɛma luale Mosisi anwo zo vale manle Yizilayɛma la azo kpalɛ a, ɛbakpazi. Sie ɛ ti koonwu, na maa wɔ adwenle ɛgyinla, amaa debie biala andu wɔ ahonle.

1 Edk 22:16

Dwinvolɛma ɛhye mɔ kola fa ezukoa nvutuke, dwɛtɛ fufule, kɔbele, yɛɛ mbulalɛ yɛ gyima. Zɔhane ati bɔ gyima ne abo, Ɛdɛnkɛma nee wɔ ɛdɛnla.”

1 Edk 28:10

Ɔwɔ kɛ ɛnwu ye kɛ Ɛdɛnkɛma ɛnlea nu ɛye wɔ kɛ ɛzi ye Ɛzonlenlɛ Sua nwuanzanwuanza ne. Si, fa wɔ ahonle nee wɔ anwosesebɛ kɔsɔɔti si.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

Dwobu Buluku ne 16:22

Ɔluakɛ yeha mekɛ ekyi bie na meahɔ ɛleka mɔɔ mekɔ a menrɛzia la.

Dwobu Buluku ne 30:23

Ɛhɛe, meze kɛ ɛbamaa meawu, na meahɔ ɛleka mɔɔ teasema amuala wɔ la.

Edwɛndolɛ Buluku ne 89:48

Sonla boni a badɛnla aze dahuu na ɔnrɛwu ɛlɛ a? Nwane a kɛhola kɛlie ye ɛkɛla kɛvi Ɛbolɔ a?

Nolo 12:13

Bɛmaa yɛdie edwɛkɛ ne adwulaleɛ: Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

Dwɔhyua Buluku ne 23:14

“Akee me ewule mekɛ asɛɛ ɛdwu. Bɛ nuhua ko biala ze ye wɔ ye ahonle nu na ɔdie ɔto nu kɛ Ɛdɛnkɛma bɛ Nyamenle ne ɛva ninyɛne kpalɛ ne mɔɔ ɔvale ɔbɔle bɛ ɛwɔkɛ la ɛmaa bɛ. Ɛwɔkɛ biala mɔɔ ɔbɔle la yeli zolɛ; kokye anga nu.