1 Kɔl 9:7 - BAEBOLO ANZƐƐ BULUKU NWUANZANWUANZA

⁷ Sogyanli boni a wɔ konle nloa na ɔdaye ɔ ngome ɔdi ɔ nloa anu ndɔnie a? Nwane a ɛyɛ vanye egyinli na ɔnli vanye ma ne bie a? Nwane a nea nyɛmoa na ɔnno bɛ nyɛfonzule ne bie a?

1 Kɔl 9:7 ပူးပေါင်းရင်းမြစ်များ

Mrɛlɛbulɛ Buluku ne 27:18

Sonla mɔɔ nea ye feege egyinli boɛ la di nu aleɛ, yɛɛ mɔɔ sinza ɔ menle la nyia ɔ nyunlu.

Mrɛlɛbulɛ Buluku ne 27:27

Ɛbanyia mbɔnkye nyɛfonzule mɔɔ sa wɔ nee wɔ sua nu amra no la wɔ wɔ ɛkponle zo, yɛɛ ɛbanyia bie wɔanlea wɔ sonvolɛ mraalɛ.

Sɔlɔmɔn Edwɛne 8:12

Melɛ me vanye egyinli, me ti anwo vanye egyinli. O wɔmɔ Sɔlɔmɔn, ɛnyia dwɛtɛ fufule apenle ko a, menli mɔɔ nea ɛya ne la biala nyia ɛya nwiɔ.

Ayezaya Buluku ne 7:22

banlo ɛnlankɛ nyɛfonzule, ɔboalekɛ ɔbanyia ye dɔɔnwo, yɛɛ awie biala mɔɔ baha azɛlɛ ne azo la banlo ɛnlankɛ nyɛfonzule nee wolɛ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Mɛla 18:8

Mekɛ mɔɔ ɔkɛze kɛ ɔyɛ ye gyima ne la, ɔwɔ kɛ ɔnyia debie biala mɔɔ bɛ nee ye kɛra la bie, kɛmɔ sɛlɛvolɛma mɔɔ ɛha la nyia ye ala la. Debie biala mɔɔ ye sua nu amra kɛva kɛnwa ye la ɔkola ɔfa ɔsie.

Mɛla 20:6

Nwane a ɛlua ye vanye egyinli na ɔtɛdile nuhua ma ne bie a? Ɔzia ɔhɔ sua nu na wɔannea a ɔkɛwu konle ye anu na awie gyɛne ali ye vanye egyinli ne anu ma ne.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.