1 Kɔl 9:5 - BAEBOLO ANZƐƐ BULUKU NWUANZANWUANZA

⁵ Yɛnlɛ adenle kɛ yɛgya Kelaese ɛdoavolɛ mraalɛ ne mɔ bie na yɛ nee ye tu adenle kɔyɛ gyima, kɛmɔ ɛzoanvolɛma ɛhendeɛ ne mɔ nee Awulae amediema ne mɔ nee Pita yɛ ye la ɔ?

1 Kɔl 9:5 ပူးပေါင်းရင်းမြစ်များ

Sɔlɔmɔn Edwɛne 4:12

Me diema raalɛ, me atɔfolɛ ne le tola mɔɔ apipi la ɔ nloa, nzufeanvea mɔɔ bɛdo nuhua.

Edwɛkpa ne kɛmɔ Mateyu hɛlɛle la 13:55

Tɛ kapentanli ne ara nrenya ne ɛ? Tɛ ɔ nli a le Mɛle, yɛɛ tɛ ɔ mediema mrenya a le Gyemise, Dwosefi, Saemɔn, yɛɛ Dwudase?

Edwɛkpa ne kɛmɔ Mateyu hɛlɛle la 8:14

Gyisɛse hɔle Pita sua nu, na ɔhɔdole kɛ Pita aye ne ɔ nli ne anwo ɛdo ye na ɛyɛlɛyɛlɛ gyi ɔ nwo.

Edwɛkpa ne kɛmɔ Maake hɛlɛle la 1:30

Bɛhɔle la ɛnee ɛyɛlɛyɛlɛ gyi Saemɔn aye ne ɔ nli ne anwo, na ɔla ɛkpa zo. Gyisɛse dwule ɛkɛ ne ala la, bɛbɔle ye amaneɛ

Edwɛkpa ne kɛmɔ Maake hɛlɛle la 6:3

Na tɛ Mɛle ara kapenta ye ɛ? Tɛ ɔ mediema mrenya a le Gyemise, Dwosefi, Dwudase, yɛɛ Saemɔn? Tɛ ɔ mediema mraalɛ noko a yɛ nee bɛ gua sua ye azo la ɔ?” Na bɛkpole ye.

Edwɛkpa ne kɛmɔ Luku hɛlɛle la 6:15

Mateyu nee Tɔmase, Afeɛse ara Gyemise nee Saemɔn mɔɔ le Maanle Kulovolɛ ne,

Edwɛkpa ne kɛmɔ Luku hɛlɛle la 8:20

Awie hanle hilele Gyisɛse kɛ, “Ɛ nli nee ɛ mediema ne mɔ gyi alie nwo lɔ, na bɛkulo kɛ bɛnwu wɔ.”

Dw 1:42

Na ɔ nee Saemɔn bɛrale Gyisɛse ɛkɛ. Gyisɛse nleanle Pita koonwu na ɔzele ye kɛ, “Wɔmɔ a ɛle Saemɔn, mɔɔ le Dwɔn ara ne. Bɛbavɛlɛ wɔ Sifase.” (“Sifase” yemɔ ala a le “Pita” na ɔ bo a le “Bodane”.)

Dw 2:12

Ɛhye anzi, Gyisɛse nee ɔ nli, ɔ mediema ne mɔ, yɛɛ ye ɛdoavolɛma ne mɔ hɔle Kapɛnayɛm hɔdɛnlanle ɛkɛ ne mekɛ ekyi.

Ɛzoanvolɛma Gyima ne 1:14

Bɛ muala bɛyia nu dahuu na bɛfa koyɛlɛ bɛ nee mraalɛ ne mɔ yɛɛ Mɛle mɔɔ le Gyisɛse ɔ nli ne nee ɔ mediema mrenya ne mɔ yɛ nzɛlɛlɛ.

Wulo 16:1

Mekanvo adiema Fobi, mɔɔ le sonvolɛ raalɛ wɔ Sɛnkilia asɔne ne anu la meahile bɛ.

1 Kɔl 1:12

Mɔɔ mekpondɛ meaha la a le kɛ asolo bɛ nuhua ko biala nee ye edwɛkɛ. Mɔɔ ko se “Mewɔ Pɔɔlo afoa la”, ɛnee bie se, “Mewɔ Apɔlɔso afoa.” Bie se, “Mewɔ Pita afoa,” ɛnee bie noko se, “Mewɔ Kelaese afoa.”

1 Kɔl 7:15

Na saa awie mɔɔ ɛnle diedinli la kulo kɛ ɔbɔ ewole a, bɛmaa ye adenle. Saa ɔba ye zɔhane a, Kelaese ɛdoavolɛ nrenya ne anzɛɛ raalɛ ne lɛ adenle kɛ ɔbɔ ewole ne. Ɔluakɛ Nyamenle ɛvɛlɛ bɛ kɛ bɛdɛnla anzonudwolɛ nu.

1 Kɔl 7:39

Ɔnle kɛ raalɛ te ɔ nwo fi ɔ hu anwo wɔ mekɛ mɔɔ ɔ hu de ngoane nu la. Na saa ɔ hu wu a, ɔlɛ adenle kɛ ɔgya nrenya biala mɔɔ ɔkulo la, noko ɔwɔ kɛ nrenya ne yɛ Keleseɛnenli.

1 Kɔl 7:7

Me kunlu a anrɛɛ bɛ muala bɛle kɛ mɔɔ mede la; noko Nyamenle ɛmaa awie biala ɔ ti anwo ahyɛlɛdeɛ, asolo biala ɛdeɛ.

1 Kɔl 7:8

Akee bɛdabɛ mɔɔ bɛngya bie nee bɛdabɛ mɔɔ bɛle ahunlanvolɛ la, meka meahile bɛ kɛ ɔle kpalɛ ɔmaa bɛ kɛ bɛ ngome bɛkɛhɔ zo bɛkɛdɛnla, kɛmɔ meyɛ ye la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:19

Meangɔnwu ɛzoanvolɛ gyɛne bieko kɛ Gyemise mɔɔ le Awulae adiema nrenya ne ala.

1 Tem 3:2

Ɔwɔ kɛ asɔne kpanyinli biala yɛ sonla mɔɔ ngehanleɛ biala ɛnle ɔ nwo, ɔ ye kokye, ɔ nye gyi ɔ ti anwo, ɔkola ɔsɔ ɔ nwo, ɔ nye ka aze, ɔdie nyɛvolɛ na ɔkola ɔkilehile;

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

1 Tem 5:2

mraalɛ mgbanyinli ne mɔ, tendɛ kile bɛ kɛ ɛ nli mɔ, yɛɛ mbɛlɛra ne mɔ noko, yɛ bɛ kɛ ɛ mediema mraalɛ, wɔ adenle mɔɔ nuhua te la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.