1 Kɔl 9:26 - BAEBOLO ANZƐƐ BULUKU NWUANZANWUANZA

²⁶ Ɛhye ati, kɛmɔ me ɛnriandilɛ ne gyi kpɔkɛ zo la, dahuu menriandi fɔɔnwo; mele kɛ sonla mɔɔ ko la. Mentoto me abotokuma ne mɔ mgbane mgbane.

1 Kɔl 9:26 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 11:12

Ɔvi mekɛ mɔɔ Dwɔn Sɔnevolɛ ne bɔle ye nolobɔlɛ bo mɔɔ ɛradwu ɛnɛ la, ngyegyelɛ dɔɔnwo ɛra Anwuma Belemgbunlililɛ ne anwo ɛsesebɛ, na menli mɔɔ di mgbonde la ɛlɛbɔ mɔdenle kɛ bɛkɛpemgbe bɛkɛnyia ye.

Edwɛkpa ne kɛmɔ Luku hɛlɛle la 13:24

“Bɛbɔ mɔdenle bɛva anlenkɛ ekyi ne anu, ɔboalekɛ menli dɔɔnwo babɔ mɔdenle kɛ bɛfa nu, noko bɛnrɛhola.

1 Kɔl 14:9

Zɔhane ala yɛɛ bɛdabɛ noko bɛ ɛdeɛ ne de a. Saa bɛ bie ka aneɛ ngakyile mɔɔ awie ɛnde ɔ bo la a, kɛ ɔkɛyɛ na awie anwu mɔɔ bɛha la ɛ? Ɔba ye zɛhae a ɛnee ɔle kɛ bɛlɛtendɛ bɛahile anwoma la.

2 Kɔl 5:1

Yɛze kɛ saa bɛgolo yɛ nwonane sua ye mɔɔ yɛde nu la bɛgua aze kɛ ndanlɛ sua wɔ ewiade ye anu a, Nyamenle bamaa yɛ sua mɔɔ bɛanva ɛsalɛ bɛanzi, na ɔwɔ ɛkɛ ne dahuu la wɔ anwuma.

2 Kɔl 5:8

Yɛlɛ akɛnrasesebɛ na yɛkɛhulo ye kpalɛ kɛ yɛkɛvi nwonane sua ɛhye anu na yɛ nee Awulae kɛhɔdɛnla.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:21

Na mame, mese ngoane a le Kelaese, yɛɛ ewule le nvasoɛ.

Kɔlɔ 1:29

Na ɛhye yɛɛ melɛ anwosesebɛ kpole ne mɔɔ Kelaese fa maa na ɔyɛ gyima ɛsesebɛ wɔ me nu la mepele meyɛ a.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 2:5

Awie biala mɔɔ su ɛnriandilɛ la ɛngola ɛnnyia ahyɛlɛdeɛ kyesɛ ɔdi nwolɛ mɛla ne mɔ azo.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

1 Pit 5:1

Medame, mele asɔne mgbanyima ne mɔ bie. Mele Kelaese amaneɛnwunlɛ ne anwo dasevolɛ, yɛɛ mebanyia anyunlunyia ne mɔɔ bara la bie. Yemɔti mesɛlɛ bɛdabɛ asɔne mgbanyima mɔɔ wɔ bɛ avinli la kɛ,

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

Maanlebuvolɛma Buluku ne 3:2

Ɔyɛle ɛhye kɛ ɔfa yeahile Yizilayɛma awolɛndoazo ne mɔ konle deɛ holɛ, na bɛdabɛ mɔɔ bɛtɛnwunle konle ɛlɛ la anwu kɛ konle si de la.