1 Kɔl 9:24 - BAEBOLO ANZƐƐ BULUKU NWUANZANWUANZA

²⁴ Bɛze ye wienyi kɛ menli dɔɔnwo a su ɛnriandilɛ a, noko bɛ nuhua ko ala yɛɛ asa ka nwolɛ ahyɛlɛdeɛ ne a. Ɛhye ati bɛnriandi kpalɛ kɛ bɛkɛnyia nwolɛ ahyɛlɛdeɛ ne.

1 Kɔl 9:24 ပူးပေါင်းရင်းမြစ်များ

Edwɛndolɛ Buluku ne 19:5

mɔɔ finde kɛ atɔfolɛ nrenya vi ye sua nu ɛlɛfinde; ɔle kɛ sonla mɔɔ anwo yɛ se, na ɔfa anyelielɛ ɔnriandi ɔdua ye adenle nu.

Nolo 9:11

Eza menwunle kɛ aleɛabo, tɛ menli mɔɔ anwo yɛ ndɛ la a dahuu di konim wɔ ɛnriandilɛ nu a, yɛɛ tɛ anwosesebɛma angome a dahuu di konim wɔ konle nu a. Tɛ nrɛlɛbɛvolɛma angome a dahuu asa kɔ bɛ nloa a, tɛ sonla mɔɔ lɛ adwenle la angome a nyia ɔ nwo a, yɛɛ tɛ bɛdabɛ mɔɔ bɛze debie yɛ kpalɛ la angome a nyia gyinlabelɛ kpole a. Tɛ mekɛ ne amuala a bɛdi ye moavolɛ a.

Gyɛlɛmaya Buluku ne 12:5

Ɛdɛnkɛma zele me kɛ, “Gyɛlɛmaya, saa ɛ nee menli ɛzu ɛnriandilɛ na wɔangola bɛ a, kɛ ɛsi ɛkola ɛ nee mgbɔnwɔ su ɛnriandilɛ ɛ? Na saa ɛlua azɛlɛ wienyi zo wɔdu wɔdɔ a, ɛnee saa ɛlua Dwɔdan kpɔkɛmile nu a, kɛ ɛkɛyɛ ɛ?

Hozia Buluku ne 12:10

“Mendendɛle mengilele me kpɔmanvolɛma ne mɔ, na memanle bɛnwunle ɛnyelɛzodeɛnwunlɛ dɔɔnwo, na menluale me kpɔmanvolɛma ne anwo zo membule bɛ ɛrɛlɛ.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

1 Kɔl 9:13

Nɔhalɛ, bɛze kɛ menli mɔɔ yɛ Ɛzonlenlɛ Sua nu gyima la nyia bɛ aleɛ fi Ɛzonlenlɛ Sua ne anu, yɛɛ bɛdabɛ mɔɔ bɛboa azubɔlɛ nu wɔ azukponle ne anyunlu la nyia ninyɛne ne mɔ mɔɔ bɛfa bɛbɔ azu ne la bie.

1 Kɔl 9:23

Meyɛ ɛhye mɔ amuala wɔ Edwɛkpa ne ati, amaa meanyia nwolɛ nyilalɛ ne bie.

1 Kɔl 9:26

Ɛhye ati, kɛmɔ me ɛnriandilɛ ne gyi kpɔkɛ zo la, dahuu menriandi fɔɔnwo; mele kɛ sonla mɔɔ ko la. Mentoto me abotokuma ne mɔ mgbane mgbane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:2

Mengɔle, ɔluakɛ ɛnee Nyamenle ɛye ɛhile me kɛ ɔwɔ kɛ mekɔ. Mengɔndwule la me nee mgbanyima ne mɔ yiale nu ahane na mengilehilele Edwɛkpa ne mɔɔ mebɔ ye nolo mekile bɛdabɛ mɔɔ bɛnle Dwuuma la anu mengilele bɛ, amaa gyima ɛhye mɔɔ melɛyɛ nee mɔɔ meyɛ ye dɛba la anyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:7

Alumua ne ɛnee bɛlɛbɔ mɔdenle kpalɛ! Na nwane a ɛze bɛ kɛ bɛmmadie nɔhalɛ ne bɛdi a?

Pɔɔlo Kɛlata mɔɔ ɔhɛlɛle ɔhɔmanle Felepaema la 2:16

na bɛzɔ ngoane edwɛkɛ ne anu boɛ, amaa Kenle mɔɔ Kelaese kɛra la meanyia bie meadu me nwo kɛ meanzu ɛnriandilɛ ne mgbane anzɛɛ meanyɛ me gyima ne mgbane.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:12

Menga kɛ meho medɔ zo anzɛɛ meli munli. Metɛbɔ mɔdenle kɛ me sa kɛha ahyɛlɛdeɛ ne mɔɔ yemɔti Kelaese Gyisɛse ɛva ɔ sa ɛdo me nwo zo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:14

Yemɔti memia me nwo kɛ menriandi meahɔ awieleɛ, amaa me sa aha ahyɛlɛdeɛ ne mɔɔ le anwuma ngoane ne mɔɔ Nyamenle lua Kelaese anwo zo ɛlɛfɛlɛ yɛ ahɔ nu la.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.