1 Kɔl 9:21 - BAEBOLO ANZƐƐ BULUKU NWUANZANWUANZA

²¹ Zɔhane ala yɛɛ meyɛ ye wɔ mekɛ mɔɔ mewɔ bɛdabɛ mɔɔ bɛnle Dwuuma la avinli a; meyɛ me nwo kɛ asɛɛ menle mɛla ne abo, amaa me sa aha bɛdabɛ noko. Ɛhye ɛngile kɛ menli Nyamenle mɛla ne azo; nɔhalɛ ne a le kɛ mewɔ Kelaese mɛla bo.

1 Kɔl 9:21 ပူးပေါင်းရင်းမြစ်များ

Edwɛndolɛ Buluku ne 119:32

Mebanriandi meava wɔ mɛla ne mɔ adenle zo, saa ɛmaa me ndelebɛbo yɛ kpole a.

Ɛzoanvolɛma Gyima ne 15:28

Sunsum Nwuanzanwuanza ne nee yɛdayɛ yɛdie yɛto nu kɛ yɛnrɛva kpomgbolo kpole biala yɛnrɛkpolo bɛ kɔme kɛ ngyehyɛlɛ ɛhye mɔ mɔɔ hyia la ala.

Ɛzoanvolɛma Gyima ne 16:4

Wɔ bɛ akpɔsa ne anu, sua biala mɔɔ bɛkɛdwu zo la bɛye ɛzoanvolɛma nee mgbanyima mɔɔ wɔ Gyɛlusalɛm la ngyehyɛlɛ ne bɛto diedima ne anyunlu, na bɛse bɛ kɛ bɛli zolɛ.

Ɛzoanvolɛma Gyima ne 21:25

Mɔɔ fane bɛdabɛ mɔɔ bɛnle Dwuuma, na bɛlie bɛli la anwo, yɛhɛlɛ kɛlata yɛhɔmaa bɛ kɛ bɛmmadi debie biala mɔɔ bɛva bɛkpa munzule bɛmaa bozonle nee nane mɔɔ bɛlofo ye bɛhu ye la; eza bɛmmadi mogya, na bɛhwe bɛ nwo bɛvi adwɔmane ɛbɔlɛ nwo.”

Wulo 2:12

Bɛdabɛ mɔɔ bɛnle Dwuuma la ɛnlɛ Mosisi mɛla ne; yemɔti bɛyɛ ɛtane a bɛminli bɔbɔ ɛdeɛ, noko tɛ mɛla ne abo ɔ. Dwuuma a lɛ mɛla ne a, yemɔti bɛyɛ ɛtane a bɛnea mɛla ne azo a bɛbua bɛ ndɛne a.

Wulo 2:14

Bɛdabɛ mɔɔ bɛnle Dwuuma la ɛnlɛ Mosisi mɛla ne suzuamgba ɛdeɛ, noko kenle biala mɔɔ bɛkɛyɛ mɔɔ mɛla ne se la bie la, ɛnee bɛyɛ Mosisi mɛla ne bɛmaa bɛ nwo.

Wulo 7:22

Wɔ me nuhua a ɛnee me nye die Nyamenle mɛla ne anwo kpalɛ.

Wulo 7:25

Melua yɛ Awulae Gyisɛse Kelaese anwo zo meyɛ Nyamenle mo. Ɛhye yɛɛ megyi nwo a; mefa me adwenle muala medi Nyamenle mɛla ne azo mesonle ye, na me sonlabaka ye anu a, ɛnee meli ɛtane mɛla nzi.

Wulo 8:4

Nyamenle yɛle ɛhye, amaa yɛdayɛ mɔɔ yɛde Nyamenle Sunsum ne anu na yɛnde nwonane nu la, mɛla ne ngyehyɛlɛ fɔɔnwo ne ali munli wɔ yɛ nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:2

Bɛha ko ɛhye bɛmaa mendie, asoo mɛla ne mɔɔ bɛlile zo la ati a Nyamenle vale ye Sunsum ne manle bɛ a, anzɛɛ bɛdiele Edwɛkpa ne na bɛliele bɛlile la ati ɔ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.