1 Kɔl 9:17 - BAEBOLO ANZƐƐ BULUKU NWUANZANWUANZA

¹⁷ Saa melɛ medame me ɛhulolɛ yɛɛ melɛyɛ gyima ne a, anrɛɛ me nye bala ahatualɛ zo, na meyɛ ye kɛ ɔle ɛzonle ɔla me nwo zo, ɔboalekɛ Nyamenle a ɛva ɛwula me sa nu a.

1 Kɔl 9:17 ပူးပေါင်းရင်းမြစ်များ

1 Edk 28:9

Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.

1 Edk 29:14

“Noko me nee me menli ye, yɛngola yɛmmaa wɔ ɛhwee, ɔboalekɛ debie biala mɔɔ yɛlɛ la le ahyɛlɛdeɛ mɔɔ vi wɔ ɛkɛ ne a. Ɛdawɔ wɔ ɛdeɛ yɛɛ yɛzia yɛva yɛrɛlɛ wɔ a.

1 Edk 29:5

nee adwinli mɔɔ dwinvolɛma ne bali la amuala anwo. Nwane yɛɛ ɔdaye noko ɛnɛ kenle ye ɔkɛyeye ye ahonle nu na ɔkɛboa, ɔkɛva ɔ nwo ɔkɛbɔ azu ɔkɛmaa Ɛdɛnkɛma a?”

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

Nihɛmaya Buluku ne 11:2

Na menli ne hanvole menli mɔɔ bɛdabɛ bɛ ahonle nu bɛyele bɛ nwo bɛmanle kɛ bɛmɛ bɛtɛnla Gyɛlusalɛm la.

Ayezaya Buluku ne 6:8

Na mendele kɛ Awulae ɛlɛbiza kɛ, “Nwane a menzoa ye a, nwane a kɛhɔ kɛmaa yɛ a?” Na membuale kɛ, “Mewɔ ɛke! Soa me.”

Gyɛlɛmaya Buluku ne 20:9

Saa meka kɛ, “Menrɛbɔ ye duma anzɛɛ menrɛbɔ ye duma menrɛdeɛdea” a; ɛnee ye edwɛkɛ ne sɔ kɛ senle yela me ahonle nu, ɔwolowolo me mbowule nu; akee meli ye me kunlu mevɛ, mengola.

Yizikeɛle Buluku ne 3:14

Nyamenle Sunsum ne wolole me na ɔmanle me zo ɔhɔle. Ɛnee ɛya ɛhu me kpole. Na ɛnee Ɛdɛnkɛma Sunsum ne tumi ne wɔ me nwo zo kpole.

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Edwɛkpa ne kɛmɔ Mateyu hɛlɛle la 10:41

Mɔɔ kɛlie Nyamenle kpɔmanvolɛ kɛ ɔle Nyamenle kpɔmanvolɛ la, kɛnyia Nyamenle kpɔmanvolɛ nwo ahyɛlɛdeɛ, yɛɛ mɔɔ kɛlie sonlakpalɛ wɔ sonlakpalɛ duma nu la, kɛnyia sonlakpalɛ nwo ahatualɛ.

Edwɛkpa ne kɛmɔ Mateyu hɛlɛle la 24:25

Bɛdie! Kɛ mehakye bɛ ɛhye mɔ kolaa na mekɛ ne adwu ɛ!

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Dw 4:36

Mɔɔ bu bɛyɔba ne la bɛtua ye kakɛ na ɔsoa nzoleɛ ne ɔkɔ ngoane mɔɔ ɛnlɛ awieleɛ la anu, amaa mɔɔ dua nee mɔɔ bu la abɔ nu ali fɛlɛko.

1 Kɔl 3:14

Na saa senle ne angola sua ne mɔɔ awie dole ye wɔ sua ne adiabo ne azo la yela a, mɔɔ zile la kɛnyia nwolɛ ahyɛlɛdeɛ.

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

1 Kɔl 4:1

Ɔwɔ kɛ bɛbu yɛ kɛ Kelaese sonvolɛma mɔɔ nea Nyamenle gyima ne mɔɔ vea la azo a.

1 Kɔl 9:16

Menlɛ adenle kɛ mememaa me nwo zo kɛ mebɔ Edwɛkpa ne nolo a, ɔluakɛ ɔle me gyima mɔɔ ɔwɔ kɛ meyɛ a. Saa meambɔ Edwɛkpa ne nolo a, me gyakɔ!

1 Kɔl 9:18

Ɛnee akee duzu ahatualɛ a menyia ye a? Me ahatualɛ a le kɛ menwɔbɔ Edwɛkpa ne mɔɔ fane Kelaese anwo la nolo mɔɔ menlie ɛhwee, na eza menva adenle mɔɔ melɛ ye wɔ Edwɛkpa ne ɛhanlɛ nwo la menyɛ me nwo boɛ.

2 Kɔl 8:12

Ɔluakɛ saa ɔwɔ bɛ nuhua kɛ bɛkɛmaa debie a, ɛnee mɔɔ bɛlɛ ye la azo a Nyamenle balua alie bɛ ahyɛlɛdeɛ ne a. Ɔnrɛnlea mɔɔ bɛnlɛ ye la azo ɔnrɛlie.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:7

Mɔɔ bɛnwunle ye la a le kɛ amgba Nyamenle ɛva ye Edwɛkpa ne ɛwula me nloa na yezoa me kɛ membɔ ye nolo mengile bɛdabɛ mɔɔ bɛnle Dwuuma la, kɛmɔ yeva yewula Pita anloa kɛ ɔbɔ ye nolo ɔhile Dwuuma la.

Kɔlɔ 1:25

Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

1 Tɛs 2:4

Mɔɔ yɛyɛle la a le kɛ dahuu yɛtendɛ, kɛmɔ Nyamenle kpondɛ kɛ yɛtendɛ la, ɔboalekɛ yemaa yɛzɔ ɔ nye na yeva ye Edwɛkpa ne yewula yɛ sa nu. Ɛhye ati yɛmbɔ mɔdenle kɛ yɛsɔ menli nye. Nyamenle mɔɔ ze yɛ ahonle nu la yɛɛ yɛkulo kɛ yɛsɔ ɔ nye a.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:14

Noko menrɛhulo kɛ menwɔyɛ debie mɔɔ ɛnze nu la wɔ ɛhye anwo, amaa yeanyɛ kɛ asɛɛ wɔ moalɛ ne ɛyɛ mialeranu debie; mekulo kɛ ɛdawɔ ɛfa wɔ ɛhulolɛ ɛyɛ.