1 Kɔl 8:9 - BAEBOLO ANZƐƐ BULUKU NWUANZANWUANZA

⁹ Noko bɛnlea boɛ na bɛ fanwodi nyɛleɛ ɛhye ammaa bɛdabɛ mɔɔ bɛ diedi ɛtɛtinle la andu koti.

1 Kɔl 8:9 ပူးပေါင်းရင်းမြစ်များ

Ayezaya Buluku ne 35:3

Bɛmaa mɔɔ asa anu ɛtuto la anwosesebɛ, na bɛmaa mɔɔ agyakɛ anzi ɛtuto la ɛgyinla kpundii.

Ayezaya Buluku ne 57:14

Na bɛbaha kɛ, “Bɛha bɛ nwo, bɛha bɛ nwo, bɛziezie adenle ne, bɛye debie biala mɔɔ tua adenle la bɛvi me menli ne adenle nu.”

Yizikeɛle Buluku ne 14:3

“Sonla ra, menli ɛhye mɔ ɛlie bɛ mmonle ne mɔ ɛdo nu kpole kpalɛ na ɔlɛmaa bɛ ɛtane ne mɔ azi bɛ nyunlu bile. Asoo ɔle kpalɛ kɛ menwɔmaa adenle menwɔmaa bɛkɛbiza me edwɛkɛ?

Yizikeɛle Buluku ne 44:12

Kɛmɔ bɛboale menli ne wɔ bɛ mmonle ɛzonlenlɛ nu, na bɛmanle Yizilayɛma dule koti bɛyɛle ɛtane la, medame Awulae Nyamenle, meka, meka kɛ, bɛ munzule doa bɛ.

Sɛlɛ 19:14

Ɔnle kɛ bɛwa mɔɔ anzo ɛdi la amonle, anzɛɛ bɛfa koti bɛto mɔɔ anye ɛzi la adenle nu. Ɔwɔ kɛ bɛsulo bɛ Nyamenle ne; medame a mele Ɛdɛnkɛma a.

Edwɛkpa ne kɛmɔ Mateyu hɛlɛle la 18:10

“Bɛnlea na bɛambu ngakula ɛhye mɔ anu biala, kɛ ɔle mgbane, ɔluakɛ anwuma lɔ, bɛ soanvolɛma nwu Egya mɔɔ wɔ anwuma la anyunlu dahuu. [

Wulo 15:1

Ɔwɔ kɛ yɛdayɛ mɔɔ yɛ diedi nu yɛ se la yɛboa bɛdabɛ mɔɔ bɛ diedi nu ɛnyɛ se la wɔ bɛ debie biala anu. Ɔnle kɛ yɛmaa yɛ nye die yɛ ngome yɛ nwo ala.

1 Kɔl 10:24

Awie biala mmadwenle ɔ ngome ye boɛyɛlɛ nwo. Bɛdwenle bɛ gɔnwo mɔ ɛdeɛ nwo.

1 Kɔl 10:28

Na saa awie se bɛ kɛ, “Ɛhye le aleɛ mɔɔ bɛva bɛzɔ amonle anzɛɛ bɛdo bɛmaa bozonle” a, ɛnee ahenle ne adwenle mɔɔ kɛzɛkye la ati, bɛmmadi;

1 Kɔl 10:29

tɛ kɛ bɛmɛ bɛ adwenle nu kɛyɛ bɛ kesee la ati ɔ, na ahenle ne ɛdeɛ ne ati, bɛmmadi. Awie kɛbiza kɛ, “Duzu ati a awie yemɔ ye adwenle mɔɔ kɛzɛkye la ati me ti anwo ɛlilɛ kɛbɔ me ɛ?

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 8:10

Ɔluakɛ saa awie mɔɔ ye adwenle ɛtɛtinle wɔ edwɛkɛ ɛhye mɔ anu la nwu wɔmɔ mɔɔ ɛze deɛ la kɛ ɛlɛdi aleɛ wɔ amonle sua bo a, asoo ɛhye ɛnrɛzuhu ɔ kɔme anzi ɛnrɛmaa ɔnrɛli aleɛ mɔɔ bɛva bɛzɔ amonle la?

1 Kɔl 8:12

Nwu ye kɛ mɔɔ ɛlɛyɛ ɛtane zɛhae wɔatia ɛ mediema ne mɔ, na ɛlɛsɛkye bɛ adwenle la, ɛnee ɛlɛyɛ ɛtane wɔatia Kelaese.

1 Kɔl 9:22

Saa mewɔ bɛdabɛ mɔɔ bɛ diedi ɛnli munli la anu noko a, meyɛ me nwo kɛ bɛ nuhua bie la, amaa me sa aha bɛ. Zɔhane ala yɛɛ me nee menli muala yɛ ko a, amaa adenle biala azo mealua mealie bie mɔ ngoane meamaa Nyamenle.

2 Kɔl 11:21

Ɔyɛ me nyiane kɛ melɛka kɛ yɛyɛle foanvoanle na yɛangola ɛhye mɔ bie yɛ a. Na saa awie kola fa debie tu ɔ nwo a ɛnee kɛmɔ melɛtendɛ kɛ kɔnwɔne la, medame noko mekola bie yɛ.

2 Kɔl 11:29

Saa awie yɛ bɛtɛɛ a, ɛnee medame me nwo ɛgolo me; yɛɛ saa bɛtwe awie bɛkɔ ɛtane nu a, ɛnee me kunlu yelɛyela me.

2 Kɔl 6:3

Yɛmkpondɛ kɛ yɛtenda awie agyakɛ anu na awie anyia yɛ gyima ne anwo edwɛkɛ ɛtane aha.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

1 Pit 2:16

Bɛdɛnla kɛ bɛdi bɛ ti anwo, noko bɛmmafa bɛ ti anwo ɛlilɛ ne bɛkedɛheda ɛtane zo. Bɛdɛnla kɛ bɛle Nyamenle ngɛkɛlɛ.

2 Pit 2:19

Bɛfa fanwodi bɛbɔ ɛwɔkɛ, wɔ mekɛ mɔɔ bɛdabɛ mumua ne bɛle subane ɛtane nwo ahanra la. Sonla biala mɔɔ kɛmaa debie kɛvo ɔ nwo zo la le kanranli maa deɛ zɔhane.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.