1 Kɔl 8:6 - BAEBOLO ANZƐƐ BULUKU NWUANZANWUANZA

⁶ yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

1 Kɔl 8:6 ပူးပေါင်းရင်းမြစ်များ

Ayezaya Buluku ne 46:9

Bɛhakye alumua ninyɛne mɔɔ zile dɛba ne la; ɔluakɛ medame a mele Nyamenle a, bieko ɛnle ɛkɛ. Medame a mele Nyamenle a, bieko ɛnle ɛkɛ mɔɔ le kɛ medame.

Gyɛlɛmaya Buluku ne 10:6

O Ɛdɛnkɛma, awie nee wɔ ɛnzɛ; ɛle bedevinli, wɔ duma ne le kpole, tumi wɔ nu.

Gyɛlɛmaya Buluku ne 10:7

Maanle maanle Belemgbunli, nwane a ɛnzulo wɔ a? Enililɛ le wɔ ɛdeɛ. Maanle maanle ne mɔ anu nrɛlɛbɛvolɛma o, bɛ nuhua arelemgbunli o, ko bɔbɔ nee wɔ ɛnzɛ.

Dwona Buluku ne 1:9

Dwona buale kɛ, “Mele Hibulunli. Mesonle Ɛdɛnkɛma, Nyamenle ne mɔɔ wɔ anwuma la. Yemɔ a ɔbɔle nyevile nee azɛlɛ a.”

Malakae Buluku ne 2:10

Yɛ muala yɛ ze ɛnle ko ɔ? Tɛ Nyamenle ko ne ala a bɔle yɛ muala ɔ? Duzu ati a yɛnli nɔhalɛ yɛmmaa yɛ nwo, na ɔlua zo yɛgua yɛ ze mɔ ngyekyeleɛ ne mɔɔ bɛ nee Nyamenle yɛle la anwo evinli a?

Edwɛkpa ne kɛmɔ Mateyu hɛlɛle la 11:27

“Egya ɛva ninyɛne kɔsɔɔti ɛmaa me. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Dw 1:10

Ɛnee Edwɛkɛ ne wɔ ewiade ye. Nyamenle luale ɔ nwo zo a bɔle ewiade a, noko ewiade amra ɛnze ye.

Dw 1:3

Ɔ nwo zo yɛɛ Nyamenle luale yɛle ninyɛne kɔsɔɔti a; bɛangoati ye bɛanyɛ debie biala mɔɔ wɔ aleɛabo amuala la.

Dw 10:30

Selɛ ne nee medame yɛle ko.”

Dw 13:13

Bɛfɛlɛ me Kilehilevolɛ nee Awulae, na ɔle kpalɛ kɛ bɛkɛvɛlɛ me zɔhane a, ɔluakɛ mele zɔhane.

Dw 14:20

Saa mekɛ zɔhane dwu a bɛkɛnwu kɛ mede Egya nu na bɛdabɛ noko bɛde me nu, na medame mede bɛ nu la.

Dw 17:3

Ngoane mɔɔ ɛnlɛ awieleɛ la a le kɛ bɛkɛnwu kɛ wɔmɔ a ɛle nɔhalɛ Nyamenle kokye ne a, na bɛkɛnwu Gyisɛse Kelaese, mɔɔ wɔzoa ye la.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Ɛzoanvolɛma Gyima ne 17:28

ɔluakɛ, ‘Ye nuhua yɛɛ yɛde na yɛkɔ, yɛba, na yɛnyia ngoane a.’ Ɔle kɛ mɔɔ bɛdabɛ bɛ edwɛkɛdwɛndolɛma bie mɔ hanle la. ‘Yɛdayɛ noko yɛle ɔ mra.’

Ɛzoanvolɛma Gyima ne 2:36

“Zɔhane ati, bɛmaa Yizilayɛma amuala ɛnwu ye wienyi kɛ, Gyisɛse ɛhye mɔɔ bɛbɔle ye meanubaka nu la, yemɔ ala yɛɛ Nyamenle ɛyɛ ye Awulae nee Mɛzaya a.”

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 12:3

Zɔhane ati ɔwɔ kɛ bɛnwu ye wienyi kɛ awie biala mɔɔ Nyamenle Sunsum ne wɔ ye nu la ɛngola ɛnga kɛ “Munzule ɛha Gyisɛse!” Yɛɛ awie biala noko ɛngola ɛnga kɛ “Gyisɛse le Awulae”, kyesɛ Sunsum Nwuanzanwuanza ne de ye nu.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:3

Yɛyɛ Nyamenle mɔɔ le yɛ Awulae Gyisɛse Kelaese ɔ Ze ne mo. Ɔluakɛ yelua yɛ koyɛlɛ ne mɔɔ yɛ nee Kelaese ɛyɛ la azo yeyila yɛ na yeva anwuma Sunsum nu ahyɛlɛdeɛ muala yemaa yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:14

Kɛmɔ ɛnee melɛka la, ɛhye ala ati yɛɛ mekoto mesɛlɛ Selɛ ne

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.