1 Kɔl 8:4 - BAEBOLO ANZƐƐ BULUKU NWUANZANWUANZA

⁴ Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

1 Kɔl 8:4 ပူးပေါင်းရင်းမြစ်များ

Edwɛndolɛ Buluku ne 86:10

Ɔluakɛ ɛle kpole yɛɛ ɛyɛ nwanwane ninyɛne, ɛ ngomekye ala yɛɛ ɛle Nyamenle a.

Ayezaya Buluku ne 37:16

“O Tumivolɛ Ɛdɛnkɛma, Yizilayɛ Nyamenle mɔɔ ɛde wɔ belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a; ɛ ngomekye ala a ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

Ayezaya Buluku ne 37:20

Yemɔti kɛkala, O Ɛdɛnkɛma yɛ Nyamenle, die yɛ fi ɔ sa nu, amaa ewiade maanle maanle kɔsɔɔti anwu kɛ ɛ ngomekye ala a ɛle Ɛdɛnkɛma a.”

Ayezaya Buluku ne 41:24

Bɛnlea, bɛnle ɛhwee, yɛɛ bɛ gyima le mgbane; mɔɔ kɛva bɛ la ɛbɔ munzule.

Ayezaya Buluku ne 44:24

Ɛdɛnkɛma, bɛ Kpɔnevolɛ ne mɔɔ bɔle bɛ guale bɛ wɔ bɛ nli mɔ akunlu la se, “Medame a mele Ɛdɛnkɛma, mɔɔ bɔle ninyɛne kɔsɔɔti la, me ngome a membɔle anwuma a. Mɔɔ mebɔ azɛlɛ ye la, nwane a gyi me foa a?

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Ayezaya Buluku ne 45:14

Ɛdɛnkɛma se, “Yigyibiti nee Sudan anwonyia ne amuala bapɛ ali bɛmɛ Yizilayɛma bɛ ɛkɛ, yɛɛ Sibama, menli kakanyinlima ne, barazonle bɛmɛ Yizilayɛma, bɛbagua bɛ anga bɛara, na bɛarahoto bɛ. Bɛbabodo bɛazɛlɛ bɛ bɛaha kɛ, ‘Nyamenle nee bɛmɛ Yizilayɛma angome a lua a, nyamenle bieko ɛnle ɛkɛ kɛ ɔ ngome ala.

Ayezaya Buluku ne 45:5

“Medame a mele Ɛdɛnkɛma a, bieko ɛnle ɛkɛ, ɛye me a Nyamenle bieko ɛnle ɛkɛ; memaa wɔ anwosesebɛ, noko ɛnze me,

Gyɛlɛmaya Buluku ne 10:10

Na wɔmɔ Ɛdɛnkɛma, ɛle nɔhalɛ Nyamenle; wɔmɔ a ɛle tease Nyamenle nee Damɛnlangoate Belemgbunli ne a. Saa ɔfa ɛya a azɛlɛ kpusu. Maanle maanle ɛngola ye ɛya nloa gyinla.

Gyɛlɛmaya Buluku ne 10:14

Wɔ ɔ nyunlu, awie biala le kɔnwɔne, yɛɛ ɔnlɛ adwenle; ezukoa dwinvolɛ biala ananze mɔɔ ɔkɛyɛ la gua ɔdaye mumua ne ɔ nyunlu aze, ɔluakɛ ye ananze ne mɔ mɔɔ ɔyɛ la le adalɛ, ngoane ɛnle bɛ nu.

Edwɛkpa ne kɛmɔ Maake hɛlɛle la 12:29

Gyisɛse buale kɛ, “Ɛhye a le mɛla ne anu titile kpalɛ kpalɛ a: ‘Yizilayɛma, bɛdie! Awulae yɛ Nyamenle ne a le Awulae kokye ne a.

Ɛzoanvolɛma Gyima ne 14:15

“Ayi mɔ, duzu ati a bɛlɛyɛ ɛhye mɔ ɛ? Yɛdayɛ noko yɛle menli kɛ bɛdabɛ la. Yɛrale kɛ yɛbabɔ Edwɛkpa ne nolo yeahile bɛ, amaa bɛahwe bɛ nwo bɛavi ninyɛne mgbane mgbane ɛhye mɔ mɔɔ anwo ɛnlɛ nvasoɛ la anwo, na bɛazonle tease Nyamenle ne mɔɔ bɔle anwuma, azɛlɛ, nyevile nee mɔɔ wɔ nuhua la amuala la.

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 19:26

Na bɛdabɛ bɛnwu ye yɛɛ eza bɛde nyɛleɛ mɔɔ Pɔɔlo ye ɛlɛyɛ la; asɛɛ yehakyi bɛdabɛ mɔɔ bɛwɔ Ɛfɛsɛse ɛke, nee Ehyea maanzinli ye anu la amuala adwenle kɛ ananze mɔɔ sonla ɛva ɔ sa ɛyɛ la ɛnle nyamenle fee.

1 Kɔl 8:1

Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

1 Kɔl 8:10

Ɔluakɛ saa awie mɔɔ ye adwenle ɛtɛtinle wɔ edwɛkɛ ɛhye mɔ anu la nwu wɔmɔ mɔɔ ɛze deɛ la kɛ ɛlɛdi aleɛ wɔ amonle sua bo a, asoo ɛhye ɛnrɛzuhu ɔ kɔme anzi ɛnrɛmaa ɔnrɛli aleɛ mɔɔ bɛva bɛzɔ amonle la?

1 Kɔl 8:11

Saa ɔba ye zɛhae a ɛnee wɔ “deɛnwunlɛ” ne bamaa sonla ɛhye mɔɔ le ɛ diema mɔɔ yemɔti Kelaese wule la aminli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:8

Dɛba ne mɔɔ bɛnze Nyamenle la, ɛnee bɛle ngɛkɛlɛ bɛmaa ninyɛne mgbane mgbane mɔɔ ɔnle kɛ bɛsonle bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:6

Nyamenle kokye mɔɔ le menli kɔsɔɔti yɛ Ze na ɔle abɔdeɛ muala bɛ Awulae na ɔyɛ gyima wɔ bɛ muala bɛ nu la a de bɛ muala bɛ nu a.

Mɛla 3:24

‘O Awulae Nyamenle, bɔ zo mɔɔ wɔbɔ ɔ bo ɛlɛkile wɔ sonvolɛ wɔ kpoleyɛlɛ nee wɔ tumi a. Ɔluakɛ nyamenle biala ɛnle anwuma anzɛɛ aze mɔɔ kola yɛ ninyɛne mgbole nee nwanwane gyima kɛ wɔmɔ ala.

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Mɛla 6:4

“Yizilayɛma, bɛdie, Ɛdɛnkɛma yɛ Nyamenle ne le Ɛdɛnkɛma kokye ala.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 2:5

Nyamenle kokye a wɔ ɛkɛ a, yɛɛ pepɛdievolɛ kpɔdavolɛ ko a gyi Nyamenle nee sonla avinli a, yemɔ a le Kelaese Gyisɛse

Dwuudu Kɛlata ne 1:25

Nyamenle kokye ne mɔɔ le yɛ Ngoanedievolɛ ne, yemɔ yɛɛ anyunlunyia, belemgbunlililɛ, kpoleyɛlɛ, nee tumi ɛlua yɛ Awulae Gyisɛse Kelaese anwo zo ɛyɛ ye ɛdeɛ wɔ ɛnɛ nee mekɛ mɔɔ ɛnlɛ awieleɛ la a! Amen.