1 Kɔl 8:13 - BAEBOLO ANZƐƐ BULUKU NWUANZANWUANZA

¹³ Yemɔti, saa aleɛ zɛhae kɛmaa me diema bie kɛkpo aze a, ɛnee menrɛli aleɛ zɔhane bieko na aloa abɔ, amaa me diema bie anyɛ ɛtane.

1 Kɔl 8:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:27

Na amaa yɛanvo menli ɛhye mɔ la, kɔ tandane ne anu kɔdo koba, na fɛlɛ mɔɔ ɛkɛlumua ɛkɛhye ye la ɛkɛnwu kɛ ezukoa zia ɔ nloa anu mɔɔ sa me nee wɔ adwule ne tua a; fa kɔdua me nee wɔ yɛ ɛdeɛ ne.”

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Wulo 14:13

Zɔhane ati, bɛmaa yɛgyakyi yɛ gɔnwo mɔ ndɛne ɛbualɛ, na yɛbɔ kpɔkɛ kɛ yɛnrɛyɛ debie biala mɔɔ kɛmaa adiema bie kɛhɔ ɛtane nu anzɛɛ kɛkpo aze a.

Wulo 14:21

Debie kpalɛ mɔɔ ɔwɔ kɛ bɛyɛ la a le kɛ bɛkɛgyakyi nane ɛlilɛ, nza ɛnlonlɛ, anzɛɛ debie mɔɔ bɛyɛ a ɔkɛmaa bɛ gɔnwo kɛkpo aze la ɛyɛlɛ.

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 10:33

Bɛyɛ ye kɛmɔ meyɛ ye ala la. Mendwenle me ngome me kpalɛyɛlɛ nwo; mebɔ mɔdenle kɛ menwɔyɛ mɔɔ le kpalɛ maa awie biala la, amaa bɛalie bɛ ngoane.

1 Kɔl 13:5

ɛhulolɛ ɛnyɛ ninyɛne mgbane mgbane, yɛɛ ɔndendɛ ɛtane ɔntia awie; ɔnle angomedi, ɔnva ɛya yɛɛ ɔmbu ɛtane nwo mgbonda;

1 Kɔl 6:12

Wɔannea a awie baha kɛ, “Melɛ adenle meyɛ debie biala.” Ɔle zɔhane, noko tɛ nyɛleɛ ne amuala a le kpalɛ a. Mekola meka kɛ, “Melɛ adenle meyɛ debie biala,” noko menrɛmaa debie biala adenle menrɛmaa ɔnrɛva me ɔnrɛyɛ ye akɛlɛ.

1 Kɔl 9:12

Saa awie mɔ bɔbɔ lɛ adenle kɛ bɛdie ɛhye wɔ bɛ lɔ a, ɛnee akee yɛmɛ ɛ? Noko yɛtɛyɛle debie zɛhae mɔ bie. Yɛkponle ninyɛne muala azo, amaa yɛandua Kelaese anwo Edwɛkpa ne ɛhanlɛ adenle.

2 Kɔl 11:29

Saa awie yɛ bɛtɛɛ a, ɛnee medame me nwo ɛgolo me; yɛɛ saa bɛtwe awie bɛkɔ ɛtane nu a, ɛnee me kunlu yelɛyela me.

2 Kɔl 6:3

Yɛmkpondɛ kɛ yɛtenda awie agyakɛ anu na awie anyia yɛ gyima ne anwo edwɛkɛ ɛtane aha.