1 Kɔl 8:1 - BAEBOLO ANZƐƐ BULUKU NWUANZANWUANZA

¹ Akee meka aleɛ mɔɔ bɛva bɛzɔ amonle la anwo edwɛkɛ. “Yɛ muala yɛlɛ adwenle, yɛze deɛ,” ɔle nɔhalɛ kɛmɔ bɛka la; noko akee bɛ deɛnwunlɛ zɛhae sɛkye bɛ; ɛhulolɛ a maa ngɔzo a.

1 Kɔl 8:1 ပူးပေါင်းရင်းမြစ်များ

Ayezaya Buluku ne 47:10

“Ɛdwenle kɛ wɔ amumuyɛ ne maa ɛ nwo tɔ wɔ, wɔ edwɛkɛ a le kɛ, ‘Awie ɛnnwu me’; wɔ nrɛlɛbɛ ne nee wɔ adwenle ne ɛmaa wɔminli. Eza wɔha ye ɛ ti anu kɛ, ‘Medame ɛne, awie biala nee me ɛnzɛ.’

Ayezaya Buluku ne 5:21

Munzule ɛha bɛdabɛ mɔɔ bɛdwenle kɛ bɛze nrɛlɛbɛ na bɛnea a bɛze ndɛne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:2

Mowabe mraalɛ ne mɔ dole ɛsalɛ vɛlɛle Yizilayɛ mrenya wɔ bɛ bozonle Beeyale ne azubɔlɛ ɛkponledolɛ bo. Yizilayɛma nee bɛ lile na bɛbɔle bɛ ti aze bɛmanle bɛ bozonle Beeyale ne.

Ɛzoanvolɛma Gyima ne 15:10

Duzu ati yɛɛ akee bɛkɛzɔ Nyamenle bɛkɛnlea, na bɛkɛva kpomgbolo kpole bɛkɛgyela diedima ne akɔme, wɔ mekɛ mɔɔ yɛ nee yɛ nlenya mɔ yɛangola ye soa la ɛ?

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Ɛzoanvolɛma Gyima ne 21:25

Mɔɔ fane bɛdabɛ mɔɔ bɛnle Dwuuma, na bɛlie bɛli la anwo, yɛhɛlɛ kɛlata yɛhɔmaa bɛ kɛ bɛmmadi debie biala mɔɔ bɛva bɛkpa munzule bɛmaa bozonle nee nane mɔɔ bɛlofo ye bɛhu ye la; eza bɛmmadi mogya, na bɛhwe bɛ nwo bɛvi adwɔmane ɛbɔlɛ nwo.”

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Wulo 12:16

Bɛmaa bɛ muala bɛ adwenle ɛyɛ ko. Bɛmmayɛ mgbanyizonle, bɛ nee ahoahweabane ɛdu. Bɛmmabu bɛ nwo kɛ bɛle nrɛlɛbɛvolɛma.

Wulo 14:10

Saa ye zɔhane a ɛnee wɔmɔ, duzu ati a ɛkɛbua ɛ gɔnwo ndɛne a? Ɛdawɔ noko, duzu ati a ɛkɛtoto ɛ gɔnwo anwo nyɛlɛ ɛ? Yɛ muala yɛbagyinla Nyamenle ndɛnebualɛ ebia ne anyunlu.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

Wulo 14:22

Diedi biala mɔɔ ɛlɛ ye wɔ ɛhye anwo la, maa ɔli ɛdawɔ nee wɔ Nyamenle bɛ avinli. Nyilalɛ ɛha sonla ne mɔɔ kɛyɛ debie mɔɔ ɔnea a ye adenle zo ɔ na nzinlii ɔnrɛli nwolɛ nyane la.

Wulo 14:3

Mɔɔ di debie biala la mmakpo mɔɔ ɛnli debie biala la, yɛɛ mɔɔ di nya nya nee mbakama ala la mmabua mɔɔ di debie biala la ndɛne, ɔluakɛ Nyamenle ɛlie ye ɛdo nu.

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 10:15

Melɛtendɛ meahile bɛ kɛ bɛle nrɛlɛbɛvolɛma. Bɛdabɛ bɛdwenle mɔɔ melɛka la anwo.

1 Kɔl 10:28

Na saa awie se bɛ kɛ, “Ɛhye le aleɛ mɔɔ bɛva bɛzɔ amonle anzɛɛ bɛdo bɛmaa bozonle” a, ɛnee ahenle ne adwenle mɔɔ kɛzɛkye la ati, bɛmmadi;

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

1 Kɔl 4:10

Kelaese ati yɛyɛ ahɔnwɔne; na bɛmɛ, bɛle nrɛlɛbɛvolɛma. Yɛle bɛtɛɛ na bɛmɛ, bɛ nwo yɛ se. Menli ɛmbu yɛ, noko bɛdi bɛmɛ eni.

1 Kɔl 4:18

Bɛ nuhua bie mɔ ɛlɛtu bɛ nloa anu na bɛdwenle kɛ menrɛra lɔ bieko.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

1 Kɔl 8:2

Sonla mɔɔ dwenle kɛ ɔze deɛ la, ɛnze mɔɔ ɔwɔ kɛ ɔnwu ye la.

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

1 Kɔl 8:7

Noko tɛ menli ne amuala a lɛ nɔhalɛ deɛnwunlɛ ɛhye a. Amonlezɔlɛ ɛli menli bie mɔ adwenle ɛmaa ɛnɛ nee ɛnɛ ala saa bɛdi aleɛ zɛhae mɔ bie a ɛnee bɛdwenle nwolɛ kɛ asɛɛ amgba ɔle aleɛ mɔɔ bɛva bɛzɔ “nɔhalɛ” amonle a. Ɔba ye zɛhae a ɛnee kɛmɔ bɛ adwenle ɛtɛtinle la ati, bɛfa ye kɛ aleɛ ne gua bɛ nwo evinli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:16

mɔɔ yɛ nwonane ye nvɛyeba ne mɔ amuala sosɔ ye na ɔmaa biala yɛ ye gyima kɛmɔ ɔfɛta la, na nwonane ne nyi ɛhulolɛ nu a.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 2:20

Noko melɛ edwɛkɛ ɛhye metia wɔ: ɛdie raalɛ Gyɛzɛbɛle mɔɔ ɛyɛ ɔ nwo Nyamenle kpɔmanvolɛ la ɛto nu. Yeva ye ngilehilelɛ ne yezi me menli ne mɔ anye yemaa bɛlɛbɔ adwɔmane ɛbɛla na bɛdi aleɛ mɔɔ bɛva bɛzɔ amonle la.