1 Kɔl 7:9 - BAEBOLO ANZƐƐ BULUKU NWUANZANWUANZA

⁹ Na saa bɛnea na bɛnrɛhola bɛ nwo sɔ a, ɛnee bɛgya bie; ɔle kpalɛ kɛ bɛkɛgya bie tɛla kɛ bɛ nwo kɛhyele bɛ na bɛnrɛhola bɛ nwo sɔ a.

1 Kɔl 7:9 ပူးပေါင်းရင်းမြစ်များ

Ɛzoanvolɛma Gyima ne 19:36

Awie biala ɛnzu ɛhye anwo kpolera kɛ yemɔ ɔnze. Yemɔti, bɛha bɛ ahonle bɛgua azule nu, na bɛmmayɛ bɛsɛkye debie.

1 Kɔl 7:2

Na sɔnea mɔɔ maa sonla bɔ adwɔmane ɛbɛla la zonle la ati, ɔhyia kɛ nrenya biala nyia ɔ ti anwo ɔ ye, na raalɛ biala nyia ɔ ti anwo ɔ hu.

1 Kɔl 7:28

Na saa ɛgya bie noko a, ɛnee ɛtɛyɛle ɛtane, yɛɛ saa raalɛ mɔɔ bɛtɛgyale ye la kɔ agyalɛ a, ɛnee ɔtɛyɛle ɛtane. Ewiade ye anu edwɛkɛ dɔɔnwo maa nwuvolɛ nwo kyele bɛ kpalɛ, na ɛhye yɛɛ mekulo kɛ ɔkpa bɛ ti a.

1 Kɔl 7:36

Saa nrenya bie yia bɛlɛra bie na bɛ mu nwiɔ bɛyɛ bɛ adwenle kɛ bɛnrɛgya bɛ nwo, na nzinlii nrenya ne nwu kɛ debie mɔɔ ɔlɛyɛ bɛlɛra ne la ɛnle kpalɛ, na ɔdaye mumua ne ɔngola ɔ nwo sɔ na ɔnwu kɛ ɔwɔ kɛ bɛgya bɛ nwo a, bɛgya bɛ nwo, kɛmɔ bɛkpondɛ la. Ɔnle ɛtane.

1 Kɔl 7:39

Ɔnle kɛ raalɛ te ɔ nwo fi ɔ hu anwo wɔ mekɛ mɔɔ ɔ hu de ngoane nu la. Na saa ɔ hu wu a, ɔlɛ adenle kɛ ɔgya nrenya biala mɔɔ ɔkulo la, noko ɔwɔ kɛ nrenya ne yɛ Keleseɛnenli.

1 Tɛs 4:4

Bɛdabɛ mrenya mɔɔ bɛwɔ nu la ɔwɔ kɛ nwu raalɛ gya wɔ anwondelɛ nee enililɛ nu,

1 Tem 5:11

Mmafa kunlanvolɛ bɛlɛra biala ɛboka kunlanvolɛma aluma ne anwo, ɔluakɛ saa bɛ atiakunluwɔzo ne dwazo a, ɛnee bɛkulo kɛ bɛkɔ agyalɛ na bɛtwe bɛ nwo bɛfi Kelaese anwo,

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.