Noko mame, mese: Ɔnle kɛ awie biala bɔ ɔ ye ewole kyesɛ raalɛ ne ɛva nrenya fofolɛ. Saa tɛ ye zɔhane a ɛnee nrenya ne bamaa raalɛ ne ado awuvolɛvalɛ mɛla ne, yɛɛ nrenya noko mɔɔ kɛgya raalɛ mɔɔ ɛbɔ ewole la to awuvolɛvalɛ mɛla ne.
Na saa nrenya mɔɔ debie biala ɛnkyekye ye kɛ ɔwɔ kɛ ɔyɛ debie zɛhae, na yezi ye ahonle kɛ ɔnrɛgya raalɛ ne mɔɔ yeyia ye la, na ɔkola ɔsɔ ɔ nwo, na yeyɛ ye adwenle kɛ ɔkɛnlea raalɛ ne mɔɔ yeyia ye la a, ɔle kpalɛ kɛ ɔkɛyɛ ye zɔhane.
Ɔnle kɛ raalɛ te ɔ nwo fi ɔ hu anwo wɔ mekɛ mɔɔ ɔ hu de ngoane nu la. Na saa ɔ hu wu a, ɔlɛ adenle kɛ ɔgya nrenya biala mɔɔ ɔkulo la, noko ɔwɔ kɛ nrenya ne yɛ Keleseɛnenli.