1 Kɔl 7:37 - BAEBOLO ANZƐƐ BULUKU NWUANZANWUANZA

³⁷ Na saa nrenya mɔɔ debie biala ɛnkyekye ye kɛ ɔwɔ kɛ ɔyɛ debie zɛhae, na yezi ye ahonle kɛ ɔnrɛgya raalɛ ne mɔɔ yeyia ye la, na ɔkola ɔsɔ ɔ nwo, na yeyɛ ye adwenle kɛ ɔkɛnlea raalɛ ne mɔɔ yeyia ye la a, ɔle kpalɛ kɛ ɔkɛyɛ ye zɔhane.

1 Kɔl 7:37 ပူးပေါင်းရင်းမြစ်များ

Daneɛle Buluku ne 1:8

Na Daneɛle yɛle ye adwenle kɛ ɔnrɛdoa alehelɛ aleɛ ne anzɛɛ nza ne ɔnrɛgua ɔ nwo evinli. Yemɔti ɔnwunle sonvolɛ kpanyinli ne kɛ ɔmaa ye adenle na ɔnrɛli aleɛ ne, yɛɛ ɔnrɛnlo nza ne ɔnrɛgua ɔ nwo evinli.

1 Kɔl 7:1

Akee mɔɔ fane edwɛkɛ ne mɔ mɔɔ bɛhɛlɛle me nwolɛ la, ɔle kpalɛ kɛ anrɛɛ nrenya ɛnrɛva ɔ sa ɛnrɛha raalɛ bɔbɔ.

1 Kɔl 7:36

Saa nrenya bie yia bɛlɛra bie na bɛ mu nwiɔ bɛyɛ bɛ adwenle kɛ bɛnrɛgya bɛ nwo, na nzinlii nrenya ne nwu kɛ debie mɔɔ ɔlɛyɛ bɛlɛra ne la ɛnle kpalɛ, na ɔdaye mumua ne ɔngola ɔ nwo sɔ na ɔnwu kɛ ɔwɔ kɛ bɛgya bɛ nwo a, bɛgya bɛ nwo, kɛmɔ bɛkpondɛ la. Ɔnle ɛtane.

1 Kɔl 7:38

Yemɔti, mɔɔ gya raalɛ ne mɔɔ yeyia ye la, yɛ ye boɛ; noko mɔɔ ɛngya bie la yɛ ye boɛ kpalɛ.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.