1 Kɔl 7:36 - BAEBOLO ANZƐƐ BULUKU NWUANZANWUANZA

³⁶ Saa nrenya bie yia bɛlɛra bie na bɛ mu nwiɔ bɛyɛ bɛ adwenle kɛ bɛnrɛgya bɛ nwo, na nzinlii nrenya ne nwu kɛ debie mɔɔ ɔlɛyɛ bɛlɛra ne la ɛnle kpalɛ, na ɔdaye mumua ne ɔngola ɔ nwo sɔ na ɔnwu kɛ ɔwɔ kɛ bɛgya bɛ nwo a, bɛgya bɛ nwo, kɛmɔ bɛkpondɛ la. Ɔnle ɛtane.

1 Kɔl 7:36 ပူးပေါင်းရင်းမြစ်များ

Gyɛlɛmaya Buluku ne 29:6

Bɛgya mraalɛ na bɛwo mralɛ mraalɛ nee mrenya. Bɛgya mraalɛ bɛmaa bɛ mra mrenya, na bɛva bɛ mra mraalɛ bɛmaa agyalɛ. Bɛyɛ ɛhye bɛwo mralɛ mrenya nee mralɛ mraalɛ na bɛ nwo azo na bɛ nwo anga ekyi.

Edwɛkpa ne kɛmɔ Mateyu hɛlɛle la 1:18

Kɛ Gyisɛse Kelaese awolɛ ne yɛle la ɛne. Mekɛ mɔɔ Dwosefi yiale Mɛle, mɔɔ le Gyisɛse ɔ nli ne, na ɔtɛnyianle ɔtɛyɛle ɔ nwo debie la bɛnwunle kɛ Mɛle lua Sunsum Nwuanzanwuanza ne anwo zo ɛva ɛkolɛ.

Edwɛkpa ne kɛmɔ Mateyu hɛlɛle la 5:40

Saa awie nee wɔ twe manzonle alie wɔ anwuma tɛladeɛ ne a, maa ɔva wɔ bubu ne ɔdaye,

1 Kɔl 7:35

Melɛka ɛhye wɔ bɛ kpalɛyɛlɛ ti. Mensisi bɛ nwo zo. Mekpondɛ kɛ bɛyɛ mɔɔ le kpalɛ na ɔfa adenle nu la, na bɛfa bɛ nwo amuala bɛsonle Awulae wɔ adenle biala anu.

1 Kɔl 7:37

Na saa nrenya mɔɔ debie biala ɛnkyekye ye kɛ ɔwɔ kɛ ɔyɛ debie zɛhae, na yezi ye ahonle kɛ ɔnrɛgya raalɛ ne mɔɔ yeyia ye la, na ɔkola ɔsɔ ɔ nwo, na yeyɛ ye adwenle kɛ ɔkɛnlea raalɛ ne mɔɔ yeyia ye la a, ɔle kpalɛ kɛ ɔkɛyɛ ye zɔhane.

1 Kɔl 7:9

Na saa bɛnea na bɛnrɛhola bɛ nwo sɔ a, ɛnee bɛgya bie; ɔle kpalɛ kɛ bɛkɛgya bie tɛla kɛ bɛ nwo kɛhyele bɛ na bɛnrɛhola bɛ nwo sɔ a.

1 Sam 2:33

Mebagyakyi ɛ bo zo amra ne anu ko mɔɔ ɔbazonle me kɛ me sɛlɛvolɛ. Ɔ nye bazi na yeaminli anyelazo muala, yɛɛ ɛ bo zo amra mɔɔ ɛha la kɔsɔɔti bawu dadeɛ nloa.