1 Kɔl 7:35 - BAEBOLO ANZƐƐ BULUKU NWUANZANWUANZA

³⁵ Melɛka ɛhye wɔ bɛ kpalɛyɛlɛ ti. Mensisi bɛ nwo zo. Mekpondɛ kɛ bɛyɛ mɔɔ le kpalɛ na ɔfa adenle nu la, na bɛfa bɛ nwo amuala bɛsonle Awulae wɔ adenle biala anu.

1 Kɔl 7:35 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 19:12

Ɔluakɛ ndenle dɔɔnwo wɔ ɛkɛ ne mɔɔ ɔlua zo mrenya dɔɔnwo ɛnrɛgya mraalɛ a: bie mɔ wɔ ɛkɛ a, bɛvale bɛwole bɛ; bie mɔ, ɔlua menli nwo zo yɛɛ ɔrale ye zɔhane a, yɛɛ bie mɔ noko, Anwuma Belemgbunlililɛ ne ati bɛ nye ɛnlie agyalɛ nwo. Bɛmaa mɔɔ kɛhola ye yɛ la ɛlie ngilehilelɛ ɛhye ɛdo nu.”

Edwɛkpa ne kɛmɔ Mateyu hɛlɛle la 22:15

Falasiima ne hɔle Gyisɛse ati akpamo kɛ bɛdua kpuyia ɛbizalɛ zo bɛahye ye.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

Edwɛkpa ne kɛmɔ Luku hɛlɛle la 8:14

Ma ne mɔɔ guale mbowule nu la a le bɛdabɛ mɔɔ bɛtie edwɛkɛ ne, na bɛmaa ɛbɛlabɔlɛ nwo adwenleadwenle, anwonyia nee anyelielɛ fo keda edwɛkɛ ne azo la, ɛhye ati bɛ ma ɛnyɛ kpalɛ.

1 Kɔl 7:2

Na sɔnea mɔɔ maa sonla bɔ adwɔmane ɛbɛla la zonle la ati, ɔhyia kɛ nrenya biala nyia ɔ ti anwo ɔ ye, na raalɛ biala nyia ɔ ti anwo ɔ hu.

1 Kɔl 7:28

Na saa ɛgya bie noko a, ɛnee ɛtɛyɛle ɛtane, yɛɛ saa raalɛ mɔɔ bɛtɛgyale ye la kɔ agyalɛ a, ɛnee ɔtɛyɛle ɛtane. Ewiade ye anu edwɛkɛ dɔɔnwo maa nwuvolɛ nwo kyele bɛ kpalɛ, na ɛhye yɛɛ mekulo kɛ ɔkpa bɛ ti a.

1 Kɔl 7:36

Saa nrenya bie yia bɛlɛra bie na bɛ mu nwiɔ bɛyɛ bɛ adwenle kɛ bɛnrɛgya bɛ nwo, na nzinlii nrenya ne nwu kɛ debie mɔɔ ɔlɛyɛ bɛlɛra ne la ɛnle kpalɛ, na ɔdaye mumua ne ɔngola ɔ nwo sɔ na ɔnwu kɛ ɔwɔ kɛ bɛgya bɛ nwo a, bɛgya bɛ nwo, kɛmɔ bɛkpondɛ la. Ɔnle ɛtane.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3

Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,