1 Kɔl 7:31 - BAEBOLO ANZƐƐ BULUKU NWUANZANWUANZA

³¹ na bɛdabɛ mɔɔ bɛli ewiade ninyɛne nzi la ɛyɛ kɛ asɛɛ bɛngyia ninyɛne ne mɔ anwo la. Ɔluakɛ ewiade ɛhye, kɛ ɔde ye kɛkala la, ɔnrɛhyɛ na yeapɛ nu.

1 Kɔl 7:31 ပူးပေါင်းရင်းမြစ်များ

Edwɛndolɛ Buluku ne 39:6

Nɔhalɛ, sonla le kɛ ɛlawolɛ! Nɔhalɛ, sonla fonla ɔ nwo mgbane; ɔkuohua, na ɔnze sonla mɔɔ bava la!

Edwɛndolɛ Buluku ne 73:20

Bɛle kɛ sonla mɔɔ kɛlafe kɛdunwue la ɛlalɛ, ɔtunwue a ɛmbu ye ɛlalɛ ne bie.

Nolo 1:4

Awolɛndoazo ko kɔ, awolɛndoazo ko ba, noko kɛ ewiade ne de ala la a ɔde a.

Nolo 11:2

Bubu bie maa menli nsuu anzɛɛ mɔtwɛ bɔbɔ, ɔluakɛ ɛnze munzule mɔɔ kenle bie bazi azɛlɛ ye azo a.

Edwɛkpa ne kɛmɔ Luku hɛlɛle la 21:34

“Bɛnlea bɛ nwo boɛ! Bɛmmamaa anyelielɛ dɔɔnwo, nza ɛbolɛ nee ɛbɛla ye anu ɛvɛlɛvɛlɛ di bɛ adwenle somaa, anrɛɛ Ndɛnebualɛ Kenle ne ɛralɛ kɛli bɛ nvunu kɛhye bɛ kɛ ɛhane;

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

1 Kɔl 7:30

bɛdabɛ mɔɔ bɛsu la ɛyɛ bɛ nwo kɛ bɛnli nyane; bɛdabɛ mɔɔ bɛ nye ɛlie la ɛyɛ bɛ nwo kɛ bɛnli fɛlɛko; bɛdabɛ mɔɔ bɛtɔ ninyɛne la ɛyɛ bɛ nwo kɛ mɔɔ bɛtɔ la ɛnle bɛ ɛdeɛ;

1 Kɔl 9:18

Ɛnee akee duzu ahatualɛ a menyia ye a? Me ahatualɛ a le kɛ menwɔbɔ Edwɛkpa ne mɔɔ fane Kelaese anwo la nolo mɔɔ menlie ɛhwee, na eza menva adenle mɔɔ melɛ ye wɔ Edwɛkpa ne ɛhanlɛ nwo la menyɛ me nwo boɛ.

Kɛlata mɔɔ bɛhɛlɛle bɛhɔmanle Hibuluma la 12:27

Edwɛkɛ kpɔkɛ ɛhye, “eza bieko” ne kile kɛ abɔdeɛ muala bakpusu na bɛadudu bɛ bɛavi ɛkɛ, na mɔɔ kɛhola kɛgyinla na ɔ bo andu la baha ɛkɛ.

Gyemise Kɛlata ne 4:14

Bɛnze mɔɔ bazi bɛ nwo zo ɛhyema a. Bɛdabɛ mumua ne, bɛ ngoane tendenle le nyɛ? Bɛ ngoane le kɛ nwonlomɔ ɛbɔlɛ la, ɔngyɛ na yeawe na ɔ bo zo aminli.

1 Pit 1:24

Nyamenle Edwɛkɛ ne se, “Menli kɔsɔɔti le kɛ ndile, bɛ anyunlunyia le kɛ ndotolo. Ndile ne nwoso na ndotolo ne kpolo,

1 Pit 4:7

Ninyɛne kɔsɔɔti awieleɛ ɛbikye. Ɛhye ati bɛzɔ bɛ nwo kpalɛ na bɛyɛ bɛ nye gyɛlɛmgbɛɛnye, na bɛahola bɛayɛ nzɛlɛlɛ.

1 Dw 2:17

Ewiade nee nuhua atiakunluwɔzo ninyɛne ne mɔ amuala bapɛ nu aze, na sonla ne mɔɔ yɛ Nyamenle ɛhulolɛdeɛ la de aze dahuu.