1 Kɔl 7:25 - BAEBOLO ANZƐƐ BULUKU NWUANZANWUANZA

²⁵ Mɔɔ le edwɛkɛ mɔɔ fane bɛdabɛ mɔɔ bɛngya bie la anwo la, menlɛ Awulae ɛkɛ ne mɛla biala memmaa bɛ, medame me adwenle a meka a, kɛ sonla mɔɔ Awulae ɛnwu ye anwunvɔne na menli kola die ye di la.

1 Kɔl 7:25 ပူးပေါင်းရင်းမြစ်များ

Edwɛndolɛ Buluku ne 78:63

Bɛ mgbavolɛ ne mɔ hale esike nu, yɛɛ bɛ mbɛlɛra ne mɔ annyia agyalɛ angɔ.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 4:2

Debie ko mɔɔ ɔwɔ kɛ sonvolɛ zɛhae yɛ la a le kɛ ɔkɛli nɔhalɛ ɔkɛmaa ɔ menle ne.

1 Kɔl 7:10

Melɛ ɛhye, kɛ ɔle mɛla mɔɔ vi Awulae ɛkɛ memaa bɛdabɛ mɔɔ bɛle nwuvolɛ la kɛ yelɛ mmagyakyi ɔ hu;

1 Kɔl 7:12

Akee mɔɔ medame noko (tɛ Awulae o,) meka meahile bɛdabɛ mɔɔ bɛha la a le ɛhye: saa Kelaese ɛdoavolɛ nrenya bie aye ɛnle diedinli na yelɛ ne kponle zolɛ kɛ ɔ nee ye kɛdɛnla a, ɔmmabɔ ye ewole.

1 Kɔl 7:28

Na saa ɛgya bie noko a, ɛnee ɛtɛyɛle ɛtane, yɛɛ saa raalɛ mɔɔ bɛtɛgyale ye la kɔ agyalɛ a, ɛnee ɔtɛyɛle ɛtane. Ewiade ye anu edwɛkɛ dɔɔnwo maa nwuvolɛ nwo kyele bɛ kpalɛ, na ɛhye yɛɛ mekulo kɛ ɔkpa bɛ ti a.

1 Kɔl 7:34

Zɔhane ati ye adwenle ne ɛhyɛ nwiɔ. Raalɛ mɔɔ bɛtɛgyale ye la dwenledwenle Awulae gyima ne anwo, ɔluakɛ ɔkpondɛ kɛ ɔtu ye sonlabaka ne nee ye ɛkɛla ne ɔmaa Nyamenle; na awuvolɛ raalɛ dwenledwenle ewiade ninyɛne nwo, ɔluakɛ ɔkpondɛ kɛ ɔmaa ɔ hu anye die.

1 Kɔl 7:40

Saa raalɛ ne kɛdɛnla mɔɔ ɔngɔ agyalɛ a anrɛɛ mese ɔ nye balie. Kɛ me adwenle se me la ɛne, yɛɛ medie medi kɛ medame noko Nyamenle Sunsum ne wɔ me nu.

1 Kɔl 7:6

Menga ɛhye kɛ ɔle mɛla; ɔle adenle ɛhilelɛ ala.

2 Kɔl 11:17

Mɔɔ melɛka ye kɛkala la ɛnle edwɛkɛ mɔɔ melua Awulae Tumi zo a melɛka a, ɔluakɛ melɛtendɛ adubɛnwo nu kɛ mele kɔnwɔne.

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.