1 Kɔl 7:2 - BAEBOLO ANZƐƐ BULUKU NWUANZANWUANZA

² Na sɔnea mɔɔ maa sonla bɔ adwɔmane ɛbɛla la zonle la ati, ɔhyia kɛ nrenya biala nyia ɔ ti anwo ɔ ye, na raalɛ biala nyia ɔ ti anwo ɔ hu.

1 Kɔl 7:2 ပူးပေါင်းရင်းမြစ်များ

Mrɛlɛbulɛ Buluku ne 18:22

Nrenya mɔɔ kɛgya raalɛ la ɛkpondɛ debie kpalɛ; ɔmaa ɔsɔ Ɛdɛnkɛma anye.

Mrɛlɛbulɛ Buluku ne 19:14

Sua nee anwonyia le agyadeɛ mɔɔ vi selɛma ɛkɛ, na yelɛ mɔɔ anye gyi ɔ ti anwo la Ɛdɛnkɛma a fa maa a.

Malakae Buluku ne 2:14

Bɛbiza kɛ, “Duzu ati a ɔnlie ɛ?” Ɔboalekɛ Ɛdɛnkɛma di ngyekyeleɛ mɔɔ bɛ nee bɛ mraalɛ mɔɔ bɛgyale bɛ bɛ mgbavolɛ nu la yɛle la anwo daselɛ. Bɛanli nɔhalɛ bɛammaa bɛ, noko bɛ mraalɛ ɔ, yɛɛ ngyekyeleɛ ne kile kɛ bɛle bɛ ye mɔ.

Edwɛkpa ne kɛmɔ Mateyu hɛlɛle la 5:32

Noko mame, mese: Ɔnle kɛ awie biala bɔ ɔ ye ewole kyesɛ raalɛ ne ɛva nrenya fofolɛ. Saa tɛ ye zɔhane a ɛnee nrenya ne bamaa raalɛ ne ado awuvolɛvalɛ mɛla ne, yɛɛ nrenya noko mɔɔ kɛgya raalɛ mɔɔ ɛbɔ ewole la to awuvolɛvalɛ mɛla ne.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

1 Kɔl 7:1

Akee mɔɔ fane edwɛkɛ ne mɔ mɔɔ bɛhɛlɛle me nwolɛ la, ɔle kpalɛ kɛ anrɛɛ nrenya ɛnrɛva ɔ sa ɛnrɛha raalɛ bɔbɔ.

1 Kɔl 7:3

Wɔ nla nu, ɔwɔ kɛ nrenya biala yɛ mɔɔ fɛta kɛ kunli yɛ la maa ɔ ye, na yelɛ noko yɛ zɔhane ala maa ɔ hu. Ɔwɔ kɛ bɛ mu nwiɔ bɛsosɔ bɛ nwo.

1 Kɔl 7:9

Na saa bɛnea na bɛnrɛhola bɛ nwo sɔ a, ɛnee bɛgya bie; ɔle kpalɛ kɛ bɛkɛgya bie tɛla kɛ bɛ nwo kɛhyele bɛ na bɛnrɛhola bɛ nwo sɔ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:28

Zɔhane ala yɛɛ ɔwɔ kɛ kunlima kulo bɛ ye mɔ kɛ bɛ nwo la. Nrenya mɔɔ kulo ɔ ye la kulo ɔdaye mumua ne ɔ nwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:33

Noko ɔwɔ kɛ kunli biala kulo ɔ ye kɛ ɔdaye ɔ nwo, na yelɛ biala noko di ɔ hu eni.

1 Tɛs 4:4

Bɛdabɛ mrenya mɔɔ bɛwɔ nu la ɔwɔ kɛ nwu raalɛ gya wɔ anwondelɛ nee enililɛ nu,

1 Tem 4:3

Zɛhae menli ne kilehile kɛ ɔnle kpalɛ kɛ menli kɛgya bɛ nwo, yɛɛ ɔnle kɛ bɛdi aleɛ bie mɔ. Noko Nyamenle bɔle aleɛ kɛ bɛdabɛ mɔɔ bɛdie bɛdi na bɛnwu nɔhalɛ ne la ɛva moyɛlɛ nzɛlɛlɛ ɛli.

Maanlebuvolɛma Buluku ne 21:22

Na saa bɛ ze mɔ anzɛɛ bɛ mediema mrenya babiza nwolɛ edwɛkɛ a, bɛbaze bɛ kɛ, ‘Bɛkponle zolɛ bɛmaa yɛ. Ɔluakɛ yɛangye bɛ donvula wɔ konle nu, yɛɛ tɛ bɛdabɛ noko yɛɛ bɛvale bɛ bɛmanle yɛ a, yemɔti bɛnli fɔlɛ.’ ”