1 Kɔl 7:17 - BAEBOLO ANZƐƐ BULUKU NWUANZANWUANZA

¹⁷ Awie biala ɛlua ahyɛlɛdeɛ mɔɔ Nyamenle ɛva ɛlo ye la azo ɛdɛnla kɛmɔ ɛnee ɔde mɔɔ Nyamenle vɛlɛle ye la. Ɛhye yɛɛ mehyehyɛ memaa asɔne ne mɔ amuala a.

1 Kɔl 7:17 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 19:12

Ɔluakɛ ndenle dɔɔnwo wɔ ɛkɛ ne mɔɔ ɔlua zo mrenya dɔɔnwo ɛnrɛgya mraalɛ a: bie mɔ wɔ ɛkɛ a, bɛvale bɛwole bɛ; bie mɔ, ɔlua menli nwo zo yɛɛ ɔrale ye zɔhane a, yɛɛ bie mɔ noko, Anwuma Belemgbunlililɛ ne ati bɛ nye ɛnlie agyalɛ nwo. Bɛmaa mɔɔ kɛhola ye yɛ la ɛlie ngilehilelɛ ɛhye ɛdo nu.”

1 Kɔl 10:32

Bɛbɔ bɛ ɛbɛla ne mɔɔ bɛndenda Dwuuma anzɛɛ bɛdabɛ mɔɔ bɛnle Dwuuma la nee Nyamenle menli ne agyakɛ anu a.

1 Kɔl 11:16

Saa awie kulo kɛ ɔsu ɛhye anwo kpolera a, mɔɔ melɛ ye meka la a le kɛ yɛmɛ anzɛɛ Nyamenle asɔnema ne mɔ, yɛnlɛ amaamuo fofolɛ bieko wɔ ɛzonlenlɛ nu kɛ ɛhye ala.

1 Kɔl 11:34

Saa ɛhɔne ɛlɛku bie a, ɔlumua ɔli debie wɔ sua nu, amaa bɛbayia nu a Nyamenle andea bɛ. Mɔɔ fane edwɛkɛ ne mɔ mɔɔ ɛha la anwo, meba a mebaha nwolɛ bie.

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

1 Kɔl 16:1

Mɔɔ fane ezukoa ne mɔɔ bɛwowɔ bɛahɔboa Nyamenle menli ne mɔ mɔɔ wɔ Dwudiya maanzinli nu la anwo la, bɛyɛ ye kɛ mɔɔ mengyehyɛle memanle asɔne ne mɔ mɔɔ wɔ Galeehyea maanzinli nu la.

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

1 Kɔl 7:18

Saa Nyamenle fɛlɛ awie la ɛnee yeyɛ ye mrenyanu nzonlɛ a, ɔmmapele kɛ ɔminliminli nzonlɛ ne abo zo; saa ɔfɛlɛ ye la ɛnee bɛtɛyɛle ye mrenyanu nzonlɛ a, ɔmmayɛ.

1 Kɔl 7:24

Mediema, bɛ nuhua ko biala nee Nyamenle ɛlua, kɛmɔ ɔde mɔɔ Nyamenle vɛlɛle ye la.

1 Kɔl 7:7

Me kunlu a anrɛɛ bɛ muala bɛle kɛ mɔɔ mede la; noko Nyamenle ɛmaa awie biala ɔ ti anwo ahyɛlɛdeɛ, asolo biala ɛdeɛ.

2 Kɔl 11:28

Yeanga ɛhye mɔ angome, asɔne asɔne ne mɔ anwo adwenleadwenle le adesoa kpole mɔɔ mezo ye dahuu a.

2 Kɔl 8:18

Yɛlɛsoa ye nee adiema ne mɔɔ asɔne ne mɔ amuala di ye eni wɔ Edwɛkpa ne nolobɔlɛ nwo la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:22

Mekɛ ne anu ɛnee asɔnema mɔɔ wɔ Dwudiya la biala ɛnze me.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.