1 Kɔl 7:14 - BAEBOLO ANZƐƐ BULUKU NWUANZANWUANZA

¹⁴ Ɔluakɛ diedinli yelɛ ne te kunli ne mɔɔ ɛnlɛ diedi la anwo maa ɔsɔ Nyamenle anye, yɛɛ diedinli nrenya ne te ɔ ye ne mɔɔ ɛnlɛ diedi la anwo maa ɔsɔ Nyamenle anye. Saa yeamba ye zɔhane a bɛ mra ne mɔ anwo ɛnrɛde, na ɔnle zɔ, bɛ nwo te.

1 Kɔl 7:14 ပူးပေါင်းရင်းမြစ်များ

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Ɛzoanvolɛma Gyima ne 10:23

Na Pita vale bɛ hɔle sua nu na ɔmanle bɛ ɛleka bɛlale. Aleɛ hyenle la ɔboɔboale ɔ nwo na ɔ nee bɛ hɔle; diedima bie mɔ mɔɔ wɔ Dwɔpa la nee ye hɔle.

Wulo 11:16

Saa bɛfa alumua kpanwo ebule ekyi ne bɛmaa Nyamenle a, ɛnee noko kpanwo kunguma ko ne amuala le ye ɛdeɛ; yɛɛ saa baka bie ndinli anwo te na bɛfa bɛbɔ azu bɛmaa Nyamenle a ɔyɛ boɛ a, ɛnee ye ngane ne mɔ amuala noko anwo te.

1 Kɔl 7:13

Zɔhane ala yɛɛ saa Kelaese ɛdoavolɛ raalɛ bie ɔ hu ɛnle diedinli na kunli ne kponle zolɛ kɛ ɔ nee ye kɛdɛnla a, ɔmmabɔ ewole a.

1 Tem 4:5

ɔluakɛ Nyamenle edwɛkɛ ne nee nzɛlɛlɛ ne te nwolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15

Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.