1 Kɔl 6:9 - BAEBOLO ANZƐƐ BULUKU NWUANZANWUANZA

⁹ Nɔhalɛ, bɛze kɛ amumuyɛma ɛnrɛnyia Nyamenle Belemgbunlililɛ ne. Bɛmmabɛlɛbɛla bɛ nwo; menli mɔɔ bɔ ɛbɛla mgbane mgbane, bɛdabɛ mɔɔ bɛsonle awozonle, bɛfa nwuvolɛ, mrenya mɔɔ fa bɛ gɔnwo mɔ mrenya nee mraalɛ mɔɔ fa mraalɛ,

1 Kɔl 6:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:5

Bɛvɛlɛle Lɔɔto na bɛbizale ye kɛ, “Menli mɔɔ razokoɛle wɔ nɔsolɛ ye la wɔ nienwu? Fa bɛ finde ɛke maa yɛva bɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:1

“Bɛmmabɔ nzekue. Bɛmmadi daselɛ adalɛ bɛboa sonla mɔɔ le amumuyɛ la.

Mrɛlɛbulɛ Buluku ne 11:1

Ɛdɛnkɛma kyi tone mɔɔ bɛwua nu la, na ɔ nye die tone mɔɔ bɛnwua nu la anwo.

Mrɛlɛbulɛ Buluku ne 22:8

Sonla mɔɔ dua ndunlumi la babu munzule, na ye ɛya empele ne badɔ aze.

Mrɛlɛbulɛ Buluku ne 7:27

Ɛbolɔ Adenle la ye sua nu ɛkɛ, ɔla nu kpolomgbolo ɔdwu ewule suakunlu.

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Yizikeɛle Buluku ne 18:11

na ɔyɛ ninyɛne zezɛhae mɔ bie, ɔdi azu mɔɔ bɛbɔ bɛmaa awozonle la aleɛ ne bie, ɔfa ɔ gɔnwo mɔ mraalɛ,

Sɛlɛ 18:20

Eza ɔnle kɛ ɛfa ɛ gɔnwo aye na ɛgua ɛ nwo evinli.

Sɛlɛ 18:22

Ɔnle kɛ nrenya fa ɔ gɔnwo nrenya; ɔle munzule debie.

Sɛlɛ 19:15

“Ɔnle kɛ bɛbua mgbɔvodɛne. Ɔnle kɛ bɛbua bɛtia ehyianli na bɛbua bɛmaa sonlakpole. Bɛbua bɛ gɔnwo mɔ ndɛne wɔ adenle kpalɛ nu.

Sɛlɛ 20:13

Saa nrenya fa ɔ gɔnwo nrenya a, bɛdabɛ bɛ mu nwiɔ bɛbɔ munzule; bɛhu bɛ, yɛɛ bɛ mogya gua bɛdabɛ bɛ ti zo.

Zɛkalaya Buluku ne 5:3

Nyamenle soanvolɛ ne zele me kɛ, “Munzule mɔɔ bahɔ ewiade amuala la wɔ nwoma ɛhye azo. Bɛhɛlɛ zolɛ kɛ awie biala mɔɔ kɛyɛ awule la, ɔwɔ kɛ bɛtu ye bɛfi azɛlɛ ne azo, yɛɛ awie biala mɔɔ kɛha ndane adalɛ la, ɔwɔ kɛ bɛtu ye bɛfi azɛlɛ ne azo.

Edwɛkpa ne kɛmɔ Mateyu hɛlɛle la 19:29

Awie biala mɔɔ ɛgyakyi ye azua, ɔ mediema mrenya nee mraalɛ, ɔ mra, ɔ ze, ɔ nli anzɛɛ ye egyinli wɔ me ti la, banyia ye mɔnwo mɔnwo na yeanyia ngoane mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Ɛzoanvolɛma Gyima ne 20:32

“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

1 Kɔl 15:33

Bɛmmamaa bɛbɛlɛbɛla bɛ, “Agɔnwolɛ ɛtane sɛkye ɛbɛla kpalɛ.”

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 5:1

Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.

1 Kɔl 5:10

Meanga meammaa bɛdabɛ mɔɔ bɛnze Nyamenle na bɛbɔ ɛbɛla mgbane mgbane mɔɔ le kɛ anyebolo anzɛɛ awule na eza bɛsonle awozonle la; ɔluakɛ mɔɔ bɛkahola bɛade bɛ nwo bɛavi ewiade amra ɛhye mɔ anwo bɔkɔɔ la ɛnee kyesɛ bɛfi ewiade ye anu bɔkɔɔ.

1 Kɔl 5:11

Na mɔɔ mekpondɛ meaha la a le kɛ, bɛ nee awie biala mɔɔ fɛlɛ ɔ nwo Keleseɛnenli na ɔbɔ ɛbɛla mgbane mgbane, ɔle anyebolo, ɔsonle awozonle, ɔ nloa ɛdendɛlɛ ɛnyɛ fɛ, ɔle nzanli anzɛɛ ɔle awule la mmatu. Bɛ nee sonla zɛhae mmatɛnla ɛkponle nwo bɔbɔ di debie.

1 Kɔl 6:10

bɛdabɛ mɔɔ bɛle nwule, bɛle anyebolo, bɛdabɛ mɔɔ nza ɛgya bɛ, bɛdabɛ mɔɔ bɛ nloa ɛdendɛlɛ ɛnyɛ fɛ nee bɛdabɛ mɔɔ bɛle ahɔdiawu la, biala ɛnrɛnyia Nyamenle Belemgbunlililɛ ne.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

1 Kɔl 9:24

Bɛze ye wienyi kɛ menli dɔɔnwo a su ɛnriandilɛ a, noko bɛ nuhua ko ala yɛɛ asa ka nwolɛ ahyɛlɛdeɛ ne a. Ɛhye ati bɛnriandi kpalɛ kɛ bɛkɛnyia nwolɛ ahyɛlɛdeɛ ne.

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:7

Bɛmmabɛlɛbɛla bɛ nwo; bɛnzi Nyamenle amgbu, ɔluakɛ mɔɔ sonla kɛlua la yɛɛ ɔbu a;

Mɛla 22:22

“Saa bɛkɔkye nrenya kɛ ɔlɛfa awie aye a, bɛhu bɛ mu nwiɔ, nrenya ne mɔɔ ɛlɛfa raalɛ ne la yɛɛ awuvolɛ raalɛ ne. Bɛyɛ ye zɔhane bɛdu munzule ne abo.

Mɛla 22:5

“Ɔnle kɛ raalɛ wula nrenya tɛladeɛ, yɛɛ ɔnle kɛ nrenya keda raalɛ ɛdanlɛ. Ɛdɛnkɛma bɛ Nyamenle ne kyi menli mɔɔ yɛ ninyɛne ɛhye mɔ la.

Mɛla 23:17

“Ɔnle kɛ Yizilayɛ nrenya anzɛɛ raalɛ biala bɔ tuutuu ɛbɛla biala wɔ awozonle ɛzonlenlɛ sua biala anwo.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

Kɛlata mɔɔ bɛhɛlɛle bɛhɔmanle Hibuluma la 12:16

Bɛnlea boɛ na bɛ bie annyia subane ɛtane anzɛɛ anyɛ kɛ Yisɔ mɔɔ nyamenlezonlenlɛ ɛnle ye nu la ati, yeangola ɔ nwo sɔ na aleɛ ti ɔdɔnenle ye kpanyinli la.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Gyemise Kɛlata ne 1:16

Me mediema kulovolɛma, bɛmmamaa bɛbɛlɛbɛla bɛ!

1 Dw 3:7

Me mra ngakula, bɛmmamaa awie bɛlɛbɛla bɛ! Awie biala mɔɔ yɛ mɔɔ tenrɛ la le tenlenenli, kɛmɔ Kelaese le tenlenenli la.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

Yekile 22:15

Wɔ suakpole ne kandiba lɔ, amumuyɛma, ahɔdiawu, ngonyiayelɛma, adwɔmanema, awozonle ɛzonlenlɛma, yɛɛ adalɛma wɔ nyɛleɛ nee ɛdendɛlɛ nu la a wɔ ɛkɛ ne a.

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”