1 Kɔl 6:8 - BAEBOLO ANZƐƐ BULUKU NWUANZANWUANZA

⁸ Na akee bɛmɛ bɛdabɛ bɛsisi bɛ nwo, bɛdi bɛ nwo amile, bɛyɛ ɛhye dedee bɛfa bɛyɛ bɛ mediema Keleseɛnema bɔbɔ!

1 Kɔl 6:8 ပူးပေါင်းရင်းမြစ်များ

Sɛlɛ 19:13

“Bɛmmasisi bɛ gɔnwo mɔ yɛɛ bɛmmawua bɛ. Bɛbɔ awie ɛkpa a ɔnle kɛ ye ɛkpabɔdeɛ ne anzɛɛ ye ahatualɛ ne ka bɛ nwo ɛkɛ ne toonwo aleɛ kye zolɛ.

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Edwɛkpa ne kɛmɔ Mateyu hɛlɛle la 20:13

“Na egyinli menle ne buale bɛ nuhua ko kɛ, ‘Ayi, metɛsisile wɔ; wɔamkponle zolɛ kɛ ɛkɛlie kenle ko etaku nna ɔ?

Edwɛkpa ne kɛmɔ Maake hɛlɛle la 10:19

Ɛze mɛla ne mɔ: ‘Mmayɛ kɔdiawu, mmafa awuvolɛ, mmawua, mmadi daselɛ adalɛ, mmadi nzisi, di ɛ ze nee ɛ nli eni.’ ”

Kɔlɔ 3:25

Ɛtanevolɛ biala noko banyia ye ɛtane ne mɔ anwo ahatualɛ, Nyamenle bua sonla ko biala ndɛne, kɛmɔ ɔfɛta la, ɔnli mɔguazo. mɔguazo.

1 Tɛs 4:6

Wɔ ɛhye ɛyɛlɛ nu, ɔnle kɛ awie biala yɛ ɔ diema bie ɛtane anzɛɛ sisi ye. Yɛha ɛhye yɛhile bɛ ɛlɛ, yɛɛ yɛbɔ bɛ nwolɛ kɔkɔ, kɛ Nyamenle badea bɛdabɛ mɔɔ bɛyɛ zɔhane ɛtane ne la.

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.