1 Kɔl 6:20 - BAEBOLO ANZƐƐ BULUKU NWUANZANWUANZA

²⁰ Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

1 Kɔl 6:20 ပူးပေါင်းရင်းမြစ်များ

Ayezaya Buluku ne 44:22

Mepia bɛ mɛladonlɛ ne mɔ amuala kɛ amungu mehɔ, yɛɛ mepia bɛ ɛtane ne mɔ kɛ ɛbɔlɛ megua; bɛzia bɛrɛla, ɔluakɛ mekpɔne bɛ.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

1 Kɔl 7:23

Nyamenle dɔle bɛ bolɛ ɛsesebɛ; zɔhane ati bɛmmayɛ bɛ nwo ngɛkɛlɛ bɛmaa menli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

Kɛlata mɔɔ bɛhɛlɛle bɛhɔmanle Hibuluma la 9:12

Mɔɔ Kelaese wolole ndanlɛ sua ɛhye anu kokye ne ala na ɔhɔle Nwuanzanwuanza nu Nwuanzaanwu Ɛleka ne la, yeanva mbɔnkye nee nlankɛ mogya a ɔbɔle azu ne a; ɔvale ɔdaye mumua ne ye mogya a ɔbɔle azu ɔvale ngoanelielɛ mɔɔ ɛnlɛ awieleɛ la ɔrɛlɛle yɛ a.

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.