1 Kɔl 6:11 - BAEBOLO ANZƐƐ BULUKU NWUANZANWUANZA

¹¹ Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

1 Kɔl 6:11 ပူးပေါင်းရင်းမြစ်များ

Edwɛndolɛ Buluku ne 51:2

Nrinzi me ninyɛndane ne mɔ amuala bɔkɔɔ, na te me nwo fi me ɛtane ne anwo.

Edwɛndolɛ Buluku ne 51:7

Fa nyinlanyinla nua me, na me nwo kɛde; bia me, na menwɔyɛ nwohyee menwɔdɛla ezukɔtweaba.

Mrɛlɛbulɛ Buluku ne 30:12

Menli bie wɔ ɛkɛ mɔɔ bɛnea a bɛ nwo te, noko bɛ nwo le evinli ngome.

Ayezaya Buluku ne 1:16

Bɛbia bɛyɛ bɛ nwo bɔkɔbɔkɔ, bɛye ɛtane biala mɔɔ wɔ bɛ ɛbɛla nu la bɛvi me nye zo. Bɛgyakyi ɛtaneyɛlɛ,

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Gyɛlɛmaya Buluku ne 4:14

O Gyɛlusalɛm, ye ɛtane fi wɔ ahonle nu, amaa bɛalie wɔ ngoane. Bɛfa ɛtaneyɛlɛ adwenle bɛazie bɛ adwenle nu toonwo yeahɔdwu kenlenzu?

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Sɛlɛ 14:48

“Na saa sɛlɛvolɛ ne baneɛnlea sua ne anu na ewule ne ɛtɛtɛlɛle, wɔ mekɛ mɔɔ bɛda sua ne akunlu fofolɛ la a, ɔbaha yeado gua kɛ sua ne anwo te, ɔluakɛ ewule ne ɛhɔ.

Sɛlɛ 8:6

Akee Mosisi vale Aalɔn nee ɔ mra ne mɔ rale, na ɔvale nzule ɔbiale bɛ.

Edwɛkpa ne kɛmɔ Mateyu hɛlɛle la 20:4

Na ɔzele bɛ kɛ, ‘Bɛdabɛ noko bɛhɔ me vanye egyinli ne anu bɛhɔyɛ gyima na menwɔdua bɛ kakɛ mɔɔ fɛta la.’

Edwɛkpa ne kɛmɔ Luku hɛlɛle la 18:14

Na Gyisɛse vale zɔle zolɛ kɛ, “Meka meahile bɛ, adwuledievolɛ ne zɔle Nyamenle anye wɔ mekɛ mɔɔ ɔlɛkɔ sua nu la dɛlale Falasiinli ne. Ɔluakɛ awie biala mɔɔ memaa ɔ nwo zo la Nyamenle bɛlɛ ye aze, yɛɛ mɔɔ bɛlɛ ɔ nwo aze la Nyamenle kpogya ye zo.”

Dw 13:10

Gyisɛse zele ye kɛ, “Mɔɔ ɛbia la anwo le bɔkɔbɔkɔ na ɔngyia kɛ ɔkɛbia bieko. Debie mɔɔ ɔwɔ kɛ ɔyɛ la a le kɛ ɔnrinzi ɔ gyakɛ anwo ala. Bɛ muala bɛ nwo le bɔkɔbɔkɔ. Sonla ko ala yɛɛ anwo ɛnle bɔkɔbɔkɔ a.”

Dw 13:8

Pita zele ye kɛ, “Menrɛmaa ɛnrɛnrinzi me gyakɛ anwo kenle bie maanle nu!” Gyisɛse buale ye kɛ, “Saa meanrinzi ɛ gyakɛ anwo a ɛnee ɛnle me ɛdoavolɛ bieko.”

Dw 5:4

ɔboalekɛ ɔdwu mekɛ ne bie a, Nyamenle soanvolɛ dwu azule ne anu kpoto ye. Saa ɔyɛ ye zɔhane a, wuleravolɛ biala mɔɔ kɛlumua kɛhɔdɔ nuhua la anwo sa bɔkɔɔ.]

Ɛzoanvolɛma Gyima ne 22:16

Na duzu ati a akee ɛlɛkendɛ bieko ɛ? Dwazo na sɛlɛ maa bɛzɔne wɔ bɛnrinzi wɔ ɛtane ne mɔ bɛgua.’

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 3:24

Ɔlua mgbɔdalɛ mɔɔ Gyisɛse Kelaese ɛva ɔ nwo ɛli la azo, Nyamenle ɛlolɛ ne mɔɔ ɔfa ɔkyɛ mgbane la maa menli muala sɔ ɔ nye.

Wulo 4:5

Na mɔɔ ɛnyɛ gyima na ɔdie Nyamenle ne mɔɔ bua ɛtanevolɛma benle la di la, ye diedi zo yɛɛ Nyamenle nea na ɔmaa ɔsɔ ɔ nye a.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 5:9

Nyamenle ɛlua Kelaese ewule zo ɛmaa yɛzɔ ɔ nye; fane nyɛ yɛɛ akee ɔnrɛlua Kelaese anwo zo ɔnrɛlie yɛ ɔnrɛvi ye ɛya ne anu ɛ?

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:11

Kɛkala, yɛnwu ye wienyi kɛ awie ko biala ɛnrɛhola ɛnrɛli mɛla ne amuala azo na yeazɔ Nyamenle anye, ɔluakɛ Nyamenle Edwɛkɛ ne se, “Sonla ne mɔɔ kɛlie Nyamenle kɛli na ɔkɛzɔ ɔ nye la a banyia ngoane a.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:24

Mɛla ne dɛnlanle yɛ nwo zo kpalɛ hɔdwule mekɛ mɔɔ Kelaese rale la, amaa saa yɛdie ye yɛdi a, yɛazɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:8

Nyamenle Edwɛkɛ ne se, “Nyamenle balua bɛdabɛ mɔɔ bɛnle Dwuuma la diedi zo yeamaa bɛazɔ ɔ nye.” Ɛhye kile kɛ Nyamenle Edwɛkɛ ne lumuale nwunle ye, na ɔbɔle Edwɛkpa ne nolo ɔhilele Ebileham kɛ, “Ɛ nwo zo yɛɛ Nyamenle balua ayila maanle maanle kɔsɔɔti a.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Kɛlata mɔɔ bɛhɛlɛle bɛhɔmanle Hibuluma la 2:11

Ɔte menli nwo ɔfi bɛ ɛtane nwo na ɔ nee bɛdabɛ mɔɔ yede bɛ nwo la nyia Selɛ ko. Ɛhye ati Gyisɛse ɛnze nyiane kɛ ɔkɛvɛlɛ bɛ ɔ mediema.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

1 Dw 2:12

Me mra ngakula, melɛkɛlɛ bɛ, ɔboalekɛ ɔlua Kelaese ati, Nyamenle ɛva bɛ ɛtane ne mɔ ɛhyɛ bɛ.

Yekile 1:5

Akee Gyisɛse Kelaese, nɔhalɛ dasevolɛ ne, mɔɔ le Ralɛ ne mɔɔ bɛlumua bɛdwazo ye bɛvi ewule nu na ɔsie azɛlɛ ye azo arelemgbunli kɔsɔɔti la ɛlo bɛ na ɔmaa bɛ anzonudwolɛ. Gyisɛse Kelaese kulo yɛ, yeva ye mogya yelie yɛ yevi yɛ ɛtane nu,

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.