1 Kɔl 5:7 - BAEBOLO ANZƐƐ BULUKU NWUANZANWUANZA

⁷ Bɛye fɛlɛ ne mɔɔ ɛlɔ azonlɛ la wɔ bɛ avinli na bɛ nwo ade saanwu, amaa bɛayɛ menli fofolɛ mɔɔ evinli biala ɛnle bɛ nwo a, kɛmɔ meze ye wienyi kɛ amgba bɛde la. Ɔluakɛ kɛkala mɔɔ bɛhu Kelaese, yɛ Akpabɛnwo boaneralɛ ne bɛbɔ azu la,

1 Kɔl 5:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:15

Ɛdɛnkɛma zele kɛ, “Bɛbali kpanwo mɔɔ mgbɔvonle ɛnle nu la kenle nsuu. Kenle ne mɔɔ lumua la, bɛye mgbɔvonle biala bɛvi bɛ azua nu, ɔluakɛ ɔvi kenle ne mɔɔ lumua la toonwo mɔɔ kɔdwu kenle nsuu ne la, saa awie biala di debie mɔɔ mgbɔvonle wɔ nu la a, bɛbaye ye bɛavi Yizilayɛma anu.

Edwɛkpa ne kɛmɔ Mateyu hɛlɛle la 13:33

Gyisɛse bule ɛrɛlɛ bieko kɛ, “Anwuma Belemgbunlililɛ ne le kɛ mgbɔvonle mɔɔ raalɛ fa wula ɛdɔkɛ nu fɔtɔ la. Ɔmaa ɛdɔkɛ ne amuala tu.”

Edwɛkpa ne kɛmɔ Maake hɛlɛle la 14:12

Angye Ɛvoyia kenle ne mɔɔ lumua la yɛɛ bɛku mboane mralɛ bɛto Akpabɛnwo Ɛvoyia aleɛ ne a. Kenle zɔhane dwule la Gyisɛse ɛdoavolɛma ne mɔ bizale ye kɛ, “Nienwu a ɛkulo kɛ yɛkɔsiezie Akpabɛnwo Ɛvoyia aleɛ ne a?”

Dw 1:29

Aleɛ hyenle la Dwɔn nwunle kɛ Gyisɛse ɛlɛba ɛleka mɔɔ ɔwɔ la na ɔhanle kɛ, “Bɛnlea, Nyamenle Boaneralɛ ne mɔɔ ɔbava yeabɔ azu yeaye ewiade amra ɛtane yeahɔ la ɛne!

Dw 1:36

na bɛnwunle kɛ Gyisɛse ɛlɛse. Na Dwɔn hanle kɛ, “Bɛnlea, Nyamenle Boaneralɛ ne ɛne!”

Dw 19:14

Ɛnee akee asɛɛ yedwu sɛnzɛngyinla, wɔ Akpabɛnwo Ɛvoyia kenle ne anu. Paelɛte hanle hilele bɛ kɛ, “Bɛ Belemgbunli ne ɛne!”

Wulo 3:25

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo;

1 Kɔl 10:17

Kɛmɔ kpanwo ne mɔɔ yɛbubu la le ko la, saa yɛle dɔɔnwo bɔbɔ a yɛle sonlabaka ko, ɔluakɛ yɛ muala yɛkyɛ kpanwo ko ne ala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Yekile 5:12

na bɛhanle ye kpole kɛ, “Boaneralɛ ne mɔɔ bɛhunle ye la, fɛta tumi, anwonyia, nrɛlɛbɛ nee anwosesebɛ, enililɛ, anyunlunyia nee ayɛlɛyelɛ!”