1 Kɔl 5:6 - BAEBOLO ANZƐƐ BULUKU NWUANZANWUANZA

⁶ Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

1 Kɔl 5:6 ပူးပေါင်းရင်းမြစ်များ

Hozia Buluku ne 7:4

Bɛ muala bɛle awuvolɛvalɛma; bɛle kɛ fonlomo mɔɔ ɛwie dɔ mɔɔ sonla ne mɔɔ to kpanwo ne la ɛnga nuhua bieko toonwo kɔkpula mekɛ mɔɔ ɔkɛwie ye kpanwo ne bɔ na ɔkɛwie tu la.

Edwɛkpa ne kɛmɔ Mateyu hɛlɛle la 13:33

Gyisɛse bule ɛrɛlɛ bieko kɛ, “Anwuma Belemgbunlililɛ ne le kɛ mgbɔvonle mɔɔ raalɛ fa wula ɛdɔkɛ nu fɔtɔ la. Ɔmaa ɛdɔkɛ ne amuala tu.”

Edwɛkpa ne kɛmɔ Luku hɛlɛle la 13:21

Ɔle kɛ mgbɔvonle mɔɔ raalɛ fa wula ɛdɔkɛ nu la. Ɔmaa ɛdɔkɛ ne amuala tu.”

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

1 Kɔl 15:33

Bɛmmamaa bɛbɛlɛbɛla bɛ, “Agɔnwolɛ ɛtane sɛkye ɛbɛla kpalɛ.”

1 Kɔl 3:21

Ɛhye ati ɔnle kɛ awie biala fa ye adwenle sɔ sonla. Ɔluakɛ debie biala le bɛ ɛdeɛ;

1 Kɔl 5:2

Ɛhye ɛnyɛ bɛ nyiane bɔbɔ? Bɛli nwolɛ nyane na bɛye sonla zɔhane mɔɔ ɛbɔ munzule ɛbɛla ɛhye la wɔ bɛ avinli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:9

Amgba, ɔle kɛ mɔɔ bɛka la, “Fɛlɛ ko dɔ sonlɛ na ɔla fɛlɛ dɔɔnwo avinli a, ɔsɛkye bɛ muala.”

2 Tem 2:17

Zɛhae ngilehilelɛ le kɛ hanlɛ mɔɔ ɛdidi nwonane ne abo la. Kilehilevolɛma zɛhae anu nwiɔ a le Haemɛneeyɛse nee Faelitɛse;

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.