1 Kɔl 5:5 - BAEBOLO ANZƐƐ BULUKU NWUANZANWUANZA

⁵ bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

1 Kɔl 5:5 ပူးပေါင်းရင်းမြစ်များ

Dwobu Buluku ne 2:6

Na Ɛdɛnkɛma zele Seetan kɛ, “Ɔwɔ ɛ sa nu, na anrɛɛ mmafa ɛ sa ɛka ye ngoane ne.”

Edwɛndolɛ Buluku ne 109:6

Ye amumuyɛnli bie maa ɔho ɔtia me kpɔvolɛ ne, maa awie ɛdo ye ɛzonle ɛva ye ɛhɔ edwɛkɛlilɛ.

Mrɛlɛbulɛ Buluku ne 23:14

Saa ɛbila ye empele a, ɛbalie ye ngoane wɔavi ɛbolɔ.

Sɛlɛ 13:21

Na saa sɛlɛvolɛ ne neɛnlea ye na ɔnwu kɛ enrinli mɔɔ gyigyi nu la ɛnle fufule yɛɛ hanlɛ ne ɛnle kuma, na eza ɔ nyunlu ɛbulubulu a, sɛlɛvolɛ ne bamaa bɛawula ye sua nu kenle nsuu.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

Edwɛkpa ne kɛmɔ Luku hɛlɛle la 22:31

Akee Gyisɛse zele Pita kɛ, “Saemɔn, Saemɔn! Tie! Seetan ɛnyia adenle kɛ ɔsɔ bɛ muala yeanlea, na yeakpa bɛ nu yeaye kpalɛ ne yeavi ɛtane ne anu kɛ ɛyazonlɛnli kpa abɛlɛ nu la.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 11:32

Na Awulae tea yɛ, ɔtwe yɛ nzo amaa bɛanva yɛ bɛamboka ewiade amra anwo bɛambua yɛ ewule fɔlɛ.

2 Kɔl 10:6

Na saa akee bɛkile kɛ bɛva bɛ nwo bɛmaa Kelaese bɔkɔɔ a, yɛadua awie biala mɔɔ anwo yɛ se la kakɛ wɔ ye nyɛleɛ nwo.

2 Kɔl 12:7

Amaa me ti anu anyɛ me fɛ na meadu me nwo wɔ nwanwane ninyɛne dɔɔnwo ne mɔ mɔɔ Nyamenle ɛye ɛhile me la anwo la, bɛwulale debie me nwonane ye anu, Seetan soanvolɛ bie ɔ, ɔgyegye me na ɔbɛlɛ me aze, amaa meandu me nwo.

2 Kɔl 13:10

Ɛhye ati yɛɛ kɛmɔ menle bɛ nwo lɔ la, melɛkɛlɛ bɛ kɛlata ɛhye a, amaa saa meba a me nee bɛ anli ye ɛsesebɛ, kɛmɔ tumi ne mɔɔ Awulae ɛva ɛmaa me la de la. Bɛ boɛyɛlɛ ti yɛɛ bɛvale tumi ne bɛmanle me a, na tɛ bɛ ɛzɛkyelɛ ti ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

2 Tem 1:18

Awulae ɛnwu ye anwunvɔne wɔ Awulae Kenle ne anu! Ɛdawɔ ɛze dɔɔnwo mɔɔ ɔyɛle ɔmanle me wɔ Ɛfɛsɛse a.

2 Pit 3:12

wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.