1 Kɔl 5:3 - BAEBOLO ANZƐƐ BULUKU NWUANZANWUANZA

³ Saa menle bɛ nwo lɔ wɔ nwonane nu bɔbɔ a, me nee bɛ wɔ lɔ wɔ sunsum nu, na melua Awulae Gyisɛse duma nu mebua sonla zɔhane mɔɔ ɛbɔ munzule ɛbɛla ɛhye la ndɛne kɛ asɛɛ me nee bɛ a wɔ lɔ la.

1 Kɔl 5:3 ပူးပေါင်းရင်းမြစ်များ

1 Kɔl 5:12

Ɔnle me gyima kɛ menwɔbua bɛdabɛ mɔɔ bɛnle yɛ ekpunli ye anu la ndɛne. Nyamenle ɔdaye ɔbabua bɛ ndɛne. Na tɛ bɛmɛ mɔɔ bɛwɔ asɔne ne anu la a ɔwɔ kɛ bɛbua bɛ asɔnema ne mɔ ndɛne ɔ? Bɛye amumuyɛ sonla ɛhye bɛvi bɛ avinli.

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 10:11

Bɛmaa menli zɔhane mɔ ɛde ɔ bo kɛ mɔɔ yɛkɛlɛ ye wɔ ngɛlata ne mɔ anu, wɔ mekɛ mɔɔ yɛnle bɛ nwo lɔ la, yemɔ ala yɛɛ anrɛɛ yɛkɛha wɔ mekɛ mɔɔ yɛwɔ bɛ nwo lɔ la a.

2 Kɔl 13:2

Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.

Kɔlɔ 2:5

Ɔluakɛ menle bɛ nwo lɔ ɛdeɛ, noko me nee bɛ de wɔ sunsum nu, na ɔyɛ me fɛ kɛ menwu kɛ bɛsi bɛdi bɛ nwo eni nee kɛ bɛ diedi wɔ Kelaese anu si de kpundii la.

1 Tɛs 2:17

Mediema, yɛmɛ, yɛvile bɛ nwo ɛkɛ ne mekɛ ekyi bie wɔ nwonane nu na tɛ sunsum nu ɔ, yemɔti yɛ nwo dɔ bɛ kpole, na yɛ kunlu a anrɛɛ yɛnwu bɛ nyunlu bieko.