1 Kɔl 5:1 - BAEBOLO ANZƐƐ BULUKU NWUANZANWUANZA

¹ Kɛkala menli ɛraha kɛ bɛlɛbɔ adwɔmane ɛbɛla bie mɔɔ bɛdabɛ mɔɔ bɛnzonle Nyamenle bɔbɔ la ɛnrɛbɔ a. Mede kɛ kpavolɛ bie ɛva ɔ ze aye.

1 Kɔl 5:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:22

Mekɛ mɔɔ Yizilayɛ wɔ maanle ɛhye anu la, Wulubɛn hɔdoale ɔ ze mgbɔnla ne mɔɔ bɛfɛlɛ ye Belehaa la, ɔ nee ye lale; na Yizilayɛ dele. Gyekɔbo lɛ mralɛ mrenya bulu nee nwiɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:2

Gyekɔbo abusua ne anwo tetedwɛkɛ ɛne: Dwosefi lile ɛvolɛ bulu nee nsuu la ɛnee ɔ nee ɔ mediema ne mɔ a fa mboane ne mɔ kɔ adidi a. Ɔ nee ɔ mediema mɔɔ le ɔ ze mraalɛ Belehaa nee Zelepa amra mrenya ne mɔ a kɔ a. Ɛnee mɔɔ ɔ mediema ne mɔ yɛ la ɛnyɛ ye fɛ, yemɔti ɔbaka ɔkile ɔ ze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:4

Noko ɛse kɛ azule, yemɔti ɛnrɛnyia duma, Ɔboalekɛ ɛlale ɛ ze ɛkpa zo, Ɛvale ɔ ye; ɛguale nwolɛ evinli!

2 Sam 16:22

Yemɔti bɛzile ndanlɛ sua wɔ suakunlu azua ne mɔ ko ati zo, na Abesalɛm nee ɔ ze mgbɔnla ne mɔ lale ngoko ngoko wɔ Yizilayɛma kɔsɔɔti anye zo.

2 Sam 20:3

Akee Devidi hɔle ye sua nu wɔ Gyɛlusalɛm. Belemgbunli ne manle ye mgbɔnla bulu ne mɔɔ ɔgyakyile bɛ ɔ nzi kɛ bɛzinza ye suakunlu ɛkɛ ne la sua na ɔmanle bɛzinzale bɛ. Ɔnleanle bɛ gyɛlɛɛnye, noko yeanva ɔ nwo yeanga biala fee. Bɛwulale bɛ sua nu na bɛmanle bɛyɛle kɛ asɛɛ bɛle ahunlanvolɛ mraalɛ la toonwo bɛwule.

1 Edk 5:1

Gyekɔbo ara nrenya kpanyinli ne mɔɔ bɛfɛlɛ ye Wulubɛn la abo zo amra ɛne. (Kɛmɔ ɔvale ɔ ze mraalɛ ne mɔ ko la ati, ye awolɛ kpanyinli gyinlabelɛ ne bɔle ye, na bɛvale zɔhane gyinlabelɛ ne bɛmanle Dwosefi.

Gyɛlɛmaya Buluku ne 2:33

Bɛnwu adenle bɛkpondɛ bɛ kulovolɛma abo zo. Mraalɛ mɔɔ le amumuyɛ la bɔbɔ bɛhilehile bɛ bɛ ndenle ne mɔ.

Yizikeɛle Buluku ne 16:47

Noko ɛ kunlu andwo bɛ nyɛleɛ ɛdeɛ ne mɔ anwo la ati, wɔanva bɛ gyakɛ, wɔanyɛ bɛ ninyɛndane ne mɔ bie. Noko mekɛ ekyi ɛhye anu ala wɔbɔ bɛ wɔdɛla ninyɛndane ɛyɛlɛ nu.”

Yizikeɛle Buluku ne 22:10

Mrenya wɔ bɛ avinli mɔɔ fa bɛ ze mɔ mraalɛ, yɛɛ bie mɔ fa mraalɛ mɔɔ ɛhɔ amozi la.

Sɛlɛ 18:8

Ɔnle kɛ ɛfa ɛ ze aye biala. Ɛyɛ ye zɔhane a, wɔgua ɛ ze anyunlu aze.

Sɛlɛ 20:11

Awie mɔɔ nee ɔ ze aye kɛla la ɛbɔ ɔ ze anyiemgba; bɛhu nrenya ne nee raalɛ ne bɛ mu nwiɔ. Bɛ mogya gua bɛ ti zo.

Emɔzo Buluku ne 2:7

Bɛtietia menli mɔɔ bɛ anwosesebɛ ɛwie nee menli mɔɔ ɛnlɛ boavolɛ la anwo zo, na bɛsuhu menli mɔɔ ɛlɛdi nyane la bɛsie ahane. Ralɛ nrenya nee ɔ ze fa raalɛ ko na bɛgua me duma nwuanzanwuanza ne anwo evinli.

Ɛzoanvolɛma Gyima ne 15:20

Bɛmaa yɛhɛlɛ kɛlata yehɔmaa bɛ kɛ bɛhwe bɛ nwo bɛvi ninyɛne mɔɔ anwo ɛnde, mɔɔ le kɛ aleɛ mɔɔ bɛva bɛkpa munzule anzɛɛ bɛva bɛzɔ amonle la anwo, nee ninyɛne mɔɔ le kɛ adwɔmane ɛbɔlɛ nee nane mɔɔ bɛlofo ye bɛhu ye na bɛampɛ ɔ kɔme la ɛlilɛ nee mogya nwo.

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

1 Kɔl 1:11

Melɛka ɛhye, ɔluakɛ me mediema Kuloyi sua nu amra bie mɔ ɛraha ɛhile me kɛ bɛdabɛ bɛ ngome bɛpɛ bɛ nwo bɛdi butule.

1 Kɔl 5:11

Na mɔɔ mekpondɛ meaha la a le kɛ, bɛ nee awie biala mɔɔ fɛlɛ ɔ nwo Keleseɛnenli na ɔbɔ ɛbɛla mgbane mgbane, ɔle anyebolo, ɔsonle awozonle, ɔ nloa ɛdendɛlɛ ɛnyɛ fɛ, ɔle nzanli anzɛɛ ɔle awule la mmatu. Bɛ nee sonla zɛhae mmatɛnla ɛkponle nwo bɔbɔ di debie.

1 Kɔl 6:13

Awie noko bahola aha kɛ, “Bɛbɔle aleɛ bɛmanle ɛkolɛ, yɛɛ bɛbɔle ɛkolɛ bɛmanle aleɛ.” Ɔle zɔhane, noko Nyamenle bazɛkye bɛ mu nwiɔ. Bɛmmafa bɛ sonlabaka ne bɛbɔ ɛbɛla mgbane mgbane biala; bɛva bɛzonle Awulae. Awulae a maa sonlabaka ne mɔɔ ɔhyia nwo la a.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

1 Kɔl 6:9

Nɔhalɛ, bɛze kɛ amumuyɛma ɛnrɛnyia Nyamenle Belemgbunlililɛ ne. Bɛmmabɛlɛbɛla bɛ nwo; menli mɔɔ bɔ ɛbɛla mgbane mgbane, bɛdabɛ mɔɔ bɛsonle awozonle, bɛfa nwuvolɛ, mrenya mɔɔ fa bɛ gɔnwo mɔ mrenya nee mraalɛ mɔɔ fa mraalɛ,

2 Kɔl 12:21

Ɔyɛ me kɛ meba bieko a me Nyamenle ne baha me aze wɔ bɛ nyunlu, na meazu meagua bɛdabɛ mɔɔ bɛyɛle ɛtane na bɛtɛnunle bɛ nwo wɔ bɛ nyɛleɛ mgbane mgbane mɔɔ anwo ɛnde, nee adwɔmanebɔlɛ nwo la ati zo.

2 Kɔl 2:5

Saa awie ɛmaa arɛlebɔlɛ bie ɛra a, menwudu ye ɛdeɛ, noko tɛ me ngome a yebɔ me rɛle a, bɛ muala yɛɛ yebɔ bɛ rɛle a.

2 Kɔl 7:12

Yemɔti, saa mengɛlɛle bɛ kɛlata ne a, ɛnee tɛ ahenle mɔɔ yɛle ɛtane ne la ati ɔ, anzɛɛ ahenle mɔɔ bɛyɛle ye ɛtane ne la ati ɔ; mengɛlɛle, amaa bɛ ɛhulolɛ ne mɔɔ bɛlɛ ye wɔ me nwo la ala ali amaa bɛ wɔ Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:19

Sonla su ne gyima mɔɔ di la da ali wienyi. Bɛmɛ a le adwɔmane, ɛbɛla mgbane mgbane mɔɔ anwo ɛnde la ɛbɔlɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3

Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

Mɛla 22:30

“Ɔnle kɛ nrenya biala fa ɔ ze aye anzɛɛ ye ɔ ze anwo bɔ ye anyiemgba.

Mɛla 27:20

“ ‘Munzule ɛha sonla mɔɔ kɛva ɔ ze aye la, ɔboalekɛ ɛnee yekpa ɔ ze anwo!’ “Menli ne amuala baha kɛ ‘Amen!’

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

1 Sam 2:24

Me mra, kyɛkyɛ, bɛgyakyi nyɛleɛ ɛhye. Ɔle munzule ɛbɛla, ɔle dumanzɛkyelɛ mɔɔ Ɛdɛnkɛma menli ne ɛlɛbɔ ye nolo wɔ bɛ avinli a.