1 Kɔl 4:8 - BAEBOLO ANZƐƐ BULUKU NWUANZANWUANZA

⁸ Bɛ sa ɛdɔ bɛ kunlu! Bɛnyia bɛ nwo bɛwie! Bɛhoane yɛ nwo bɛyɛ arelemgbunli! Me kunlu bɔbɔ a anrɛɛ bɛle arelemgbunli amgba, amaa yɛ nee bɛ ali bɛ mbia ne mɔ.

1 Kɔl 4:8 ပူးပေါင်းရင်းမြစ်များ

Mrɛlɛbulɛ Buluku ne 13:7

Sonla ne bie yɛ ɔ nwo kɛ yenyia ɔ nwo, noko ɔnlɛ ɛhwee; bie noko yɛ ɔ nwo kɛ ɔnlɛ bie, noko yenyia ɔ nwo kpole kpalɛ.

Mrɛlɛbulɛ Buluku ne 25:14

Sonla mɔɔ tu ɔ nloa anu kɛ ɔfa debie yeahyɛ a ɔnyɛ la le kɛ amungu nee anwoma mɔɔ ɛndɔ ezule la.

Ayezaya Buluku ne 5:21

Munzule ɛha bɛdabɛ mɔɔ bɛdwenle kɛ bɛze nrɛlɛbɛ na bɛnea a bɛze ndɛne la.

Gyɛlɛmaya Buluku ne 28:6

“Amen! Ɛdɛnkɛma ɛmaa ɔyɛ zɔhane. Ɛdɛnkɛma ɛmaa edwɛkɛ ne mɔɔ wɔha la ɛyɛ zɔhane, na ɔva ɛzonlenlɛ ninyɛne ne mɔ nee menli mɔɔ bɛhyele bɛ bɛhɔle nlɔnu la kɔsɔɔti ɔrɛla.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29

Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Edwɛkpa ne kɛmɔ Mateyu hɛlɛle la 5:1

Mɔɔ Gyisɛse nwunle menli dɔɔnwo ne la ɔhɔle boka bie azo na ɔdɛnlanle aze. Ye ɛdoavolɛma ne rale ɔ nwo ɛkɛ ne,

Edwɛkpa ne kɛmɔ Luku hɛlɛle la 6:25

“Munzule ɛha bɛdabɛ mɔɔ bɛ ko ɛyi kɛkala la, ɔluakɛ ɛhɔne bahu bɛ. “Munzule ɛha bɛdabɛ mɔɔ bɛlɛsele kɛkala la, ɔluakɛ bɛbazu bɛadedɛ bɛ nwo bonrane nu.

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 4:18

Bɛ nuhua bie mɔ ɛlɛtu bɛ nloa anu na bɛdwenle kɛ menrɛra lɔ bieko.

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

2 Kɔl 11:1

Me kunlu a anrɛɛ saa mele kɔnwɔne bɔbɔ a, bɛkɛva me zɔ. Mebodo bɛ, bɛyɛ ye zɔhane.

2 Kɔl 13:9

Yɛdi fɛlɛko kɛ bɛkɛyɛ se na yɛmɛ yɛkɛyɛ bɛtɛɛ. Yɛsɛlɛ kɛ bɛkɛli munli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:3

Saa awie bu ɔ nwo noko ɔndo ɛhwee a, ɛnee ɔlɛbɛlɛbɛla ɔ nwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Yekile 3:17

Wɔmɔ ɛse, ‘Mede boɛ, menyia me nwo. Mengyia ɛhwee.’ Ɛnze kɛ ɛyɛ anwunvɔne na ɛ nwo yɛ alɔbɔlɛ. Ɛnlɛ bie, ɛlɛ ɛ nwo zɔ, yɛɛ ɛ nye ɛzi.

Yekile 5:10

Wɔmaa bɛyɛ arelemgbunli nee Nyamenle sɛlɛvolɛma na bɛbali arelemgbunli wɔ azɛlɛ ye azo.”