1 Kɔl 4:7 - BAEBOLO ANZƐƐ BULUKU NWUANZANWUANZA

⁷ Nwane a zele bɛ kɛ bɛle kpalɛ bɛtɛla bɛ gɔnwo mɔ a? Tɛ Nyamenle a manle bɛ mɔɔ bɛlɛ la amuala ɔ? Saa ɔle zɔhane a, ɛnee duzu ati a bie kɛmemaa ɔ nwo zo kɛ asɛɛ mɔɔ ɔlɛ la ɛnle Nyamenle ahyɛlɛdeɛ ɛ?

1 Kɔl 4:7 ပူးပေါင်းရင်းမြစ်များ

Mrɛlɛbulɛ Buluku ne 2:6

ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

Yizikeɛle Buluku ne 29:3

Awulae Nyamenle ne se: Bɛnlea, mekpo Yigyibitima belemgbunli ne. Yeyɛ ɔ nwo nane kpole anwo ɛzulolɛ bie mɔɔ le kɛ ɛlɛnrɛne la yela azule Naele ne anu, na ɔka kɛ, ‘Medame a melɛ azule Naele ne a; medame a menyɛle a.’

Daneɛle Buluku ne 5:18

“Nana, Anwuma Anwuma Nyamenle ne yɛle ɛ ze Nɛbukadenɛza belemgbunli kpole na ɔnyianle ɔ nyunlu.

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.

Edwɛkpa ne kɛmɔ Luku hɛlɛle la 19:13

Mɔɔ ɔbanyia nwo la, ɔvɛlɛle ye sonvolɛma bulu ne, ɔmanle ko biala sɔnvɛlɛ ko na ɔzele bɛ kɛ, ‘Menle ɛke, yemɔti bɛva ezukoa ɛhye bɛli gua bɛnlea mɔɔ bɛkɛnyia ye nwolɛ la.’

Dw 1:16

Ye ɛlolɛ bebelebe ne ati, yeyila yɛ muala kɔsɔɔti, na ɔyila yɛ dahuu.

Dw 3:27

Dwɔn buale kɛ, “Awie biala ɛnrɛnyia ɛhwee kyesɛ Nyamenle fa maa ye.

Wulo 1:5

Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.

Wulo 12:3

Melua Nyamenle ɛlolɛ ahyɛlɛdeɛ ne mɔɔ yeva yemaa me la azo mese bɛ muala kɛ bɛmmamemaa bɛ nwo zo. Bɛdwenle kpalɛ na bɛbua bɛ nwo ndɛne ngoko wɔ diedi dodo mɔɔ Nyamenle ɛva ɛmaa bɛ la anu.

Wulo 12:6

Ɛhye ati ɔwɔ kɛ yɛfa yɛ ahyɛlɛdeɛ ngakyile ne mɔ mɔɔ Nyamenle ɛlolɛ zo yɛnyia bɛ la yɛyɛ gyima. Saa yɛ bie mɔ ahyɛlɛdeɛ a le Nyamenle anloa azo ɛdendɛlɛ a, ɔwɔ kɛ yɛyɛ ye zɔhane, kɛmɔ yɛ diedi ne de la.

1 Kɔl 15:10

Noko ɔlua Nyamenle ɛlolɛ ne ati, merayɛ kɛmɔ mede la. Ye ɛlolɛ ne mɔɔ ɔvale ɔlole me la anyɛ gyɛne, ɔluakɛ meyɛ gyima kpalɛ medɛla ɛzoanvolɛma mɔɔ ɛha la amuala, noko tɛ medame me mɔdenlebɔ ɔ, Nyamenle ɛlolɛ ne mɔɔ wɔ me nwo zo la ɔ.

1 Kɔl 3:5

Na Apɔlɔso bɔbɔ a le nwane? Pɔɔlo noko a le nwane? Yɛle Nyamenle sonvolɛma ala mɔɔ bɛluale yɛ nwo zo bɛliele Edwɛkpa ne bɛlile a. Yɛ nuhua ko biala yɛ ye gyima mɔɔ Awulae vale manle ye kɛ ɔyɛ la.

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

1 Kɔl 7:7

Me kunlu a anrɛɛ bɛ muala bɛle kɛ mɔɔ mede la; noko Nyamenle ɛmaa awie biala ɔ ti anwo ahyɛlɛdeɛ, asolo biala ɛdeɛ.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.