1 Kɔl 4:5 - BAEBOLO ANZƐƐ BULUKU NWUANZANWUANZA

⁵ Yemɔti bɛmmabua awie biala ndɛne kɔkpula Kenle ne mɔɔ Awulae kɛra bieko la. Awieleɛ ndɛnebualɛ ne wɔ Awulae asa anu, yemɔ yɛɛ ɔbaraye ninyɛne mɔɔ vea awozinli nu nee ahonle nu nzuzulɛ muala yeavinde wienyi nu a. Zɔhane mekɛ ne awie biala asa baha ye moyɛlɛ mɔɔ fɛta la avi Nyamenle ɛkɛ.

1 Kɔl 4:5 ပူးပေါင်းရင်းမြစ်များ

Dwobu Buluku ne 12:22

Ɔsa awozinli nu ninyɛne ɔgua zo, na ɔmaa awozinli kabikabi kakyi wienyi.

Mrɛlɛbulɛ Buluku ne 12:8

Sonla adwenle kpalɛ yɛɛ bɛfa bɛkanvo ye a, na sonla mɔɔ ye adwenle ɛnle kpalɛ la, bɛkpo ye.

Nolo 11:9

Mgbavolɛ nee mbɛlɛra, bɛlie bɛ nye wɔ bɛ ngakula nu. Bɛli fɛlɛko wɔ mekɛ mɔɔ bɛtɛde mgbavolɛ nee mbɛlɛra la. Bɛli bɛ atiakunluwɔzo nzi, na bɛyɛ mɔɔ bɛkulo la. Noko bɛhakye kɛ Nyamenle babua bɛ debie biala mɔɔ bɛkɛyɛ la anwo ndɛne.

Nolo 12:14

Ɔluakɛ Nyamenle babua debie biala mɔɔ yɛyɛ, nee awozinli nu nyɛleɛ biala anwo ndɛne, kpalɛ o, ɛtane o.

Gyɛlɛmaya Buluku ne 16:17

Menye dua bɛ nyɛleɛ ne mɔ kɔsɔɔti, bɛ ɛtane ne mɔ ɛnvea, bɛ kɔsɔɔti bɛgua me sa nu.

Gyɛlɛmaya Buluku ne 23:25

Mede adalɛ mɔɔ Nyamenle kpɔmanvolɛma fa me duma bɔ, ka bɛ nrɛlaleɛ ne la. Bɛse, ‘Meha ɛlalɛ, meha ɛlalɛ’

Hozia Buluku ne 8:13

Bɛkulo azubɔlɛ; bɛku nane bɛbɔ azu na bɛdi. Na medame Ɛdɛnkɛma, me nye ɛnlie nwolɛ. Akee mebahakye bɛ ɛtane ne mɔ na meadea bɛ wɔ nwolɛ, na meamaa bɛazia bɛahɔ Yigyibiti.

Malakae Buluku ne 3:18

Na akee bɛbanwu ngakyile mɔɔ wɔ sonla mɔɔ di pɛlepɛle nee mɔɔ yɛ amumuyɛ la avinli la, nee ngakyile mɔɔ wɔ sonla mɔɔ sonle Nyamenle nee mɔɔ ɛnzonle Nyamenle la avinli la.”

Edwɛkpa ne kɛmɔ Mateyu hɛlɛle la 10:26

“Yemɔti bɛmmasulo awie biala, ɔluakɛ debie biala ɛnle ɛkɛ mɔɔ bɛheda zolɛ mɔɔ bɛnrɛdukue zolɛ a, yɛɛ debie biala ɛnle fealera nu mɔɔ ɛnrɛla ali a.

Edwɛkpa ne kɛmɔ Mateyu hɛlɛle la 24:30

Na akee medame Sonla Ra, me nwo sɛkɛlɛneɛ bavinde anwomanyunlu; menli muala mɔɔ wɔ aleɛabo la bali nyane wɔ mekɛ mɔɔ bɛkɛnwu medame Sonla Ra kɛ melua amungu nu na melɛ tumi nee anyunlunyia kpole melɛba la.

Edwɛkpa ne kɛmɔ Mateyu hɛlɛle la 25:21

Ɔ menle ne zele ye kɛ, ‘Mo, wɔbɔ mɔdenle bɔkɔɔ; ɛle sonvolɛ kpalɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne mgbole nloa. Bɛla balie ɛ nye wɔ me nwo ɛke!’

Edwɛkpa ne kɛmɔ Mateyu hɛlɛle la 25:23

Ɔ menle ne zele ye kɛ, ‘Mo, wɔbɔ mɔdenle somaa; ɛle sonvolɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne dɔɔnwo anloa. Bɛla na balie ɛ nye wɔ me nwo ɛke!’

Edwɛkpa ne kɛmɔ Luku hɛlɛle la 6:37

“Bɛmmabua awie mɔ ndɛne, na Nyamenle ambua bɛ ndɛne; bɛmmabua awie ewule fɔlɛ, na Nyamenle ambua bɛ ewule fɔlɛ. Bɛva ɛtane bɛhyɛ, na Nyamenle ava bɛ ɛtane ahyɛ bɛ.

Dw 21:22

Gyisɛse buale ye kɛ, “Saa mekulo kɛ ɔtɛnla aze kɔkpula kɛ menwɔra la a, ɔle wɔ edwɛkɛ ɔ? Wɔmɔ baze maa yɛhɔ!”

Dw 21:23

Yemɔti edwɛkɛ ne dendenle dwule Gyisɛse ɛdoavolɛma ne mɔ amuala anzo nu kɛ ɛdoavolɛ ɛhye ɛnrɛwu ɛlɛ. Noko Gyisɛse anga ye zɔhane. Ɔse, “Saa mekulo kɛ ɔtɛnla aze kɔkpula kɛ menwɔra la a, ɔle wɔ edwɛkɛ ɔ?”

Dw 5:44

Bɛkpondɛ kɛ bɛkanvo bɛ ngome bɛ nwo ngoko ngoko, na bɛmpele bɛnlie nganvolɛ bɛnvi Nyamenle kokye ne ɛkɛ ne, na ɛnee kɛ ɔkɛyɛ na bɛalie me bɛali ɛ?

Wulo 14:4

Na ɛdawɔ a le nwane mɔɔ ɛbua awie akɛlɛ ndɛne a? Saa ɔyɛ ye boɛ o, ɔnyɛ ye boɛ o, ɔ menle ala a kola ka a, yɛɛ ɔbayɛ boɛ yeamaa ye noko, ɔboalekɛ Awulae kola maa ɔyɛ boɛ ɔmaa ye.

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

Wulo 2:29

Dwuunli kpalɛ ne a le sonla ne mɔɔ sunsum nu yeyɛ ye ahonle nu mrenyanu nzonlɛ na ɔnyɛ ye nwonane nu debie la. Sonla ɛhye nyia ye nganvolɛ fi Nyamenle ɛkɛ, ɔnnyia ye ɔnvi menli lɔ.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

1 Kɔl 11:16

Saa awie kulo kɛ ɔsu ɛhye anwo kpolera a, mɔɔ melɛ ye meka la a le kɛ yɛmɛ anzɛɛ Nyamenle asɔnema ne mɔ, yɛnlɛ amaamuo fofolɛ bieko wɔ ɛzonlenlɛ nu kɛ ɛhye ala.

1 Kɔl 11:26

Ɔluakɛ kenle biala mɔɔ bɛlɛdi kpanwo ɛhye, na bɛlɛno dwora ye anu la, bɛyɛ ye zɔhane bɛfa bɛbɔ Awulae ewule ne nolo kɔkpula mekɛ mɔɔ ɔkɛra bieko la.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

1 Kɔl 3:14

Na saa senle ne angola sua ne mɔɔ awie dole ye wɔ sua ne adiabo ne azo la yela a, mɔɔ zile la kɛnyia nwolɛ ahyɛlɛdeɛ.

1 Kɔl 3:8

Ngakyile ɛnle mɔɔ dua nee mɔɔ gugua zolɛ nzule la avinli. Nyamenle badua ko biala kakɛ wɔ ye gyima mɔɔ yeyɛ la anwo kɛmɔ ɔfɛta la.

2 Kɔl 10:18

Ɔluakɛ tɛ sonla mɔɔ kanvo ɔ ngome ɔ nwo la a sɔ Nyamenle anye a, na sonla mɔɔ Awulae kanvo ye la a sɔ Nyamenle anye a.

2 Kɔl 10:9

Mengulo kɛ ɔyɛ kɛ asɛɛ mefa me ngɛlata ne mɔ meanwunlonwunla bɛ.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Kɔl 5:10

Ɔluakɛ ɔwɔ kɛ yɛ muala yɛfinde Kelaese anyunlu na ɔbua yɛ ndɛne, amaa yɛ nuhua ko biala asa aha ahatualɛ mɔɔ ɔfɛta la, kpalɛ o, ɛtane o, kɛmɔ ye ɛbɛla mɔɔ ɔdaye ɔlua ye sonlabaka ye azo yebɔ la de la.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Gyemise Kɛlata ne 4:11

Mediema Keleseɛnema, bɛmmakeha bɛ gɔnwo mɔ anwo edwɛkɛ ɛtane ɛtane. Mɔɔ ka ɔ diema anwo edwɛkɛ ɛtane anzɛɛ bua ye ndɛne la tia mɛla ne na eza ɔbua mɛla ne ndɛne. Na saa ɛbua mɛla ne ndɛne a, ɛnee ɔkile kɛ ɛnli mɛla ne azo bieko, na ɛle ye ndɛnebuavolɛ.

Gyemise Kɛlata ne 5:7

Yemɔti, mediema, bɛzi abotane bɛhɔkpula Kenle ne mɔɔ Awulae kɛra la. Bɛnlea ɛyazonlɛnli ne, ɔkendɛ ɔmaa azɛlɛ ye maa ye nzoleɛ ngɛnlɛma, ɔsi abotane ɔkendɛ ɔmaa fɔsɛlɛ ne nee bokile ne tɔ zolɛ.

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

1 Pit 5:4

amaa saa Mboaneneavolɛ Kpanyinli ne ba a bɛanyia anyunlunyia abɔtile ne mɔɔ ye kɛnlɛma ɛmkpa anzɛɛ ɛndu ɛlɛ la.

2 Pit 3:12

wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.

2 Pit 3:4

na bɛabiza kɛ, “Se ɔbɔle ɛwɔkɛ kɛ ɔbara, na ɔwɔ nienwu? Sumunli mɔmoane mɔɔ yɛ nlenya mɔ wule la, kɛ debie biala de, ɔvi aloamɔleɛ la yɛɛ ɔde a.”

Dwuudu Kɛlata ne 1:14

Yinɔko mɔɔ le Adam angabɛnzo mɔɔ tɔ zolɛ nsuu la hanle bɛ nwo edwɛkɛ dɛba kɛ, “Awulae nee ye soanvolɛma nwuanzanwuanza apenle apenle bara

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 20:12

Na menwunle mɔwuamra, mgbole nee ngyikyi kɔsɔɔti, kɛ bɛgyigyi belemgbunli ebia kpole ne anyunlu, na bɛbukebuke mbuluku nu wɔ ɛkɛ. Eza bɛbukele teasema buluku ne noko anu, na bɛbuale mɔwuamra ndɛne wɔ mɔɔ bɛyɛle na bɛhɛlɛ bɛ wɔ mbuluku ne mɔ anu la anwo.