1 Kɔl 4:19 - BAEBOLO ANZƐƐ BULUKU NWUANZANWUANZA

¹⁹ Saa ɔyɛ Nyamenle ɛhulolɛ a ɔnrɛhyɛ, mebara bɛ nwo lɔ na mearavedevede nu meanlea tumi mɔɔ bɛdabɛ mɔɔ bɛlɛtu bɛ nloa anu la lɛ la, na tɛ mɔɔ bɛlɛkeha la ɔ.

1 Kɔl 4:19 ပူးပေါင်းရင်းမြစ်များ

Ɛzoanvolɛma Gyima ne 18:21

Ɔzele bɛ kɛ, “Saa ɔyɛ Nyamenle ɛhulolɛ a mebazia meara.” Na ɔvi Ɛfɛsɛse ɔvale ɛlɛne ɔhɔle.

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 20:2

Ɔvale maanzinli ne mɔ anu na ɔhɔdendɛle ɔzile ɛdoavolɛma ne mɔ ahonle na akee ɔrale Akaya.

Wulo 15:32

amaa saa ɔyɛ Nyamenle ɛhulolɛ a, meava anyelielɛ mearakpɔla bɛ. Medie medi kɛ meba a me nye balie.

1 Kɔl 11:34

Saa ɛhɔne ɛlɛku bie a, ɔlumua ɔli debie wɔ sua nu, amaa bɛbayia nu a Nyamenle andea bɛ. Mɔɔ fane edwɛkɛ ne mɔ mɔɔ ɛha la anwo, meba a mebaha nwolɛ bie.

1 Kɔl 14:5

Mekulo kɛ anrɛɛ bɛ muala bɛkɛha aneɛ ngakyile ne mɔ bie, noko me kunlu a anrɛɛ eza bɛ muala bɛkola bɛbɔ Nyamenle edwɛkɛ ne nolo kpalɛ. Ɔluakɛ sonla mɔɔ bɔ Nyamenle edwɛkɛ ne nolo la anwo hyia kpalɛ tɛla sonla mɔɔ ka aneɛ ngakyile la, kyesɛ awie wɔ ɛkɛ ne mɔɔ kola kile mɔɔ ɔka la abo a, amaa yeayɛ moalɛ yeamaa asɔnema amuala.

1 Kɔl 16:5

Saa mevi Masidonea a mebara bɛ nwo ɛkɛ, ɔluakɛ mekakpɔsa Masidonea maanzinli ne anu.

1 Kɔl 16:7

Mengulo kɛ menwu bɛ ala a ɛnee me gyakɛ gyi nu. Saa Awulae maa adenle a, me nye la kɛ me nee bɛ badɛnla ahyɛ ekyii.

1 Kɔl 2:6

Ɔle nɔhalɛ kɛ yɛbɔ nrɛlɛbɛ nwo nolo yɛkile bɛdabɛ mɔɔ bɛnyi sunsum nu la. Tɛ ewiade ɛhye anu nrɛlɛbɛ ɛdeɛ ne anwo nolo ɔ, yɛɛ tɛ ewiade tumivolɛma mɔɔ bɛ tumililɛ ne ɛnrɛhyɛ na yeavi bɛ sa la nrɛlɛbɛ ɛdeɛ ne anwo nolo ɔ.

1 Kɔl 4:18

Bɛ nuhua bie mɔ ɛlɛtu bɛ nloa anu na bɛdwenle kɛ menrɛra lɔ bieko.

1 Kɔl 4:6

Me mediema, ɔlua bɛ ti yɛɛ meva Apɔlɔso nee medame mumua ne medo edwɛkɛ nwo meha a, amaa bɛazukoa yɛ na bɛanyɛ bɛammaa yeandɛla mɔɔ bɛhɛlɛ bɛdo ɛkɛ ne la. Bɛ nuhua biala mmafa awie ko pɛ ɔ gɔnwo anye zo.

2 Kɔl 1:23

Nyamenle di daselɛ, yɛɛ ɔze me ti anu! Memkpondɛ kɛ mebɔ bɛ rɛle la ati yɛɛ menyɛle me adwenle kɛ menrɛra Kɔlente a.

2 Kɔl 10:9

Mengulo kɛ ɔyɛ kɛ asɛɛ mefa me ngɛlata ne mɔ meanwunlonwunla bɛ.

Kɛlata mɔɔ bɛhɛlɛle bɛhɔmanle Hibuluma la 6:3

na ɛhye yɛɛ saa Nyamenle maa adenle a ɔwɔ kɛ yɛyɛ a.

Gyemise Kɛlata ne 4:15

Mɔɔ ɔwɔ kɛ bɛka la a le kɛ, “Saa ɔyɛ Awulae ɛhulolɛ na yɛde ngoane nu a, yɛbayɛ ɛhye anzɛɛ ɛhendeɛ ne.”